تربوز سے موسمی بیماریوں کا خاتمہ

گرمیوں میں تربوز کا استعمال موسم کی شدت کے باعث پیدا ہونے والی بیماریوں کو ختم کرتا ہے۔ ڈاکٹرز کا کہنا ہے کہ گرمیوں میں پانی سے اگر پیاس نہ بجھے تو تربوز اس کے توڑ کا کام کرتا ہے۔

طبی ماہرین کا یہ بھی کہنا ہے کہ پانی سے بھرپور اس پھل کے استعمال سے جسم کو توانائی اورتسکین ملتی ہے جو موسم گرما میں کم ہوتی ہوئی قوت مدافعت کو بڑھا دیتا ہے۔ غذائی اعتبار سے تربوز میں فولاد، نشاستہ دار شکری اجزا اور وٹامنز کی وافر مقدار پائی جاتی ہے جو موسم کی سختی میں نہ صرف صحت کی ضمانت ہے بلکہ خشک کھانسی اور گرمیوں کے بخارکا علاج بھی تربوز کے استعمال میں پنہان ہے۔