Zong Offers Unlimited Calls for Rs.6

Ab Laga Asal SIXER!!
 

Zong has come up with a new offer; the Rs.6 Offer!

The offer will enable all Zong prepaid subscribers to enjoy unlimited Zong to Zong calls nationwide (Pakistan bhar se Pakistan bhar mein) from 6am till 6pm.

Jut pay Rs.6+ tax, to Subscribe Dial *666# and select 1
and

Dial *666# and select 2 to un-subscribe to the offer. 

Offer is available on all prepaid packages except M9, Perfect Package & Flutter. However, subscribers on the said packages can avail the offer with their consent after which they will be moved to Z20
Will there be a tariff switch fee if moving from Flutter or M9?

Yes, the standard tariff switch fee of Rs.15+ tax will be charged along with the daily subscription charges of Rs.6+ tax.
 

Offer can not be subscribed along with LBC. The two offers cannot be subscribed simultaneously. subscriber have to unsubscribe the existing offer to subscribe to the other.

امریکی پادری ٹیری جونز کے وارنٹ گرفتاری جاری

قاھرہ: مصر نے گستاخانہ فلم کی تیاری میں مدد کرنے پر امریکی پادری ٹیری جونز سمیت 8 افراد کے وارنٹ گرفتاری جاری کردئے ہیں جبکہ بھارت میں فلم کے خلاف مظاہرہ کرنے والوں کو منتشر کرنے کے لئے پولیس نے لاٹھی چارج کردیا۔

مصری پراسیکیوٹر جنرل نے فلم کی تیاری میں مدد دینے والے 7 مصری قبطیوں اور امریکی پادری ٹیری جونز کی گرفتاری کا حکم دیا ہے۔ مصری حکام کے مطابق اس بارے میں انٹروپول اور امریکی محکمہ انصاف کو بھی آگاہ کردیا گیا ہے۔

دوسری جانب گستاخانہ فلم کے خلاف بھارت میں احتجاج جاری ہے۔ اس سلسلے میں ریاست تامل ناڈو اور مقبوضہ کشمیر میں مظاہرے کئے گئے۔ جن پر پولیس نے لاٹھی چارج کردیا۔ جس سے متعدد افراد زخمی ہوگئے۔
 

امریکی پادری ٹیری جونز کے وارنٹ گرفتاری جاری

ورلڈ ٹی 20: آج آسٹریلیا آئرلینڈ اور افغانستان بھارت کے مد مقابل

ورلڈ ٹوینٹی ٹوینٹی میں آج 2 میچ کھیلے جائیں گے۔ آسٹریلیا کا سامنا آئرلینڈ سے جبکہ افغانستان کا مقابلہ بھارت سے ہوگا۔ کولمبو میں ورلڈ ٹوینٹی ٹوینٹی کا دوسرا میچ آسٹریلیا اور آئرلینڈ کے درمیان کھیلا جائے گا، گروپ بی کا یہ میچ پاکستان کے وقت کے مطابق سہ پہر 3 بجے شروع ہوگا۔ اس میچ میں بظاہر آسٹریلوی ٹیم مضبوط دکھائی دیتی ہے لیکن آئرش ٹیم اپ سیٹ کرنے کی بھرپور صلاحیت رکھتی ہے۔

دوسرے میچ میں ون ڈے کی عالمی چمیپین بھارت کا مقابلہ افغانستان سے ہوگا۔ جو پاکستانی وقت کے مطابق شام 7 بجے کھیلا جائے گا۔ بھارتی ٹیم اپنی مضبوط بیٹنگ لائن کی وجہ سے اس میچ فیوریٹ ہے۔

بچوں کے پیٹ میں درد کیوں ہوتا ہے؟

ایک تازہ ترین تحقیق کے مطابق تمام بچوں میں سے ایک چوتھائی کے قریب پیٹ میں درد کی بیماری میں مبتلا ہوتے ہیں لیکن اس کی وجہ اکثر جسمانی نوعیت کی نہیں ہوتی۔

جرمنی میں چھوٹے بچوں کے ڈاکٹروں کی تنظیم سے وابستہ ڈاکٹر اُلرش فیگیلر کا کہنا ہے کہ اکثر بچوں کے پیٹ میں درد کی وجہ خوف یا پھر ذہنی دباؤ ہوتا ہے۔ پیٹ میں درد کی اس قسم کو مزید واضح کرتے ہوئے ڈاکٹر اُلرش بتاتے ہیں کہ یہ درد اکثر بچوں کو سکول کے دنوں میں ہوتا ہے اور چھٹی والے دن غائب ہوسکتا ہے۔

ڈاکٹر اُلرش والدین کو نصحیت کرتے ہوئے کہتے ہیں کہ اگر چھوٹے بچے مسلسل پیٹ میں درد کی شکایت کریں تو والدین کو نوٹ کرنا چاہیے کہ بچے کب یہ شکایت کرتے ہیں اور بچوں سے باقاعدہ یہ پوچھنا چاہیے کہ انہیں یہ درد پیٹ کے کس حصے میں ہوتا ہے؟ ڈاکٹر کے مطابق والدین کا اس طرح کا مشاہدہ بچے کے پیٹ میں درد جیسے مرض کو ختم کرنے یا پھر اس کے حل میں مدد دے سکتا ہے۔

ڈاکٹر الرش کہتے ہیں کہ ناف کے ارد گرد اعصاب اور خون کی باریک نالیوں کا ایک گھنا نیٹ ورک ہوتا ہے اور اگر بچہ مایوس یا فکر مند ہو تو ناف کے ارد گرد کے عضلات میں اکڑاؤ پیدا ہوجاتا ہے، جس سے ایک ناخوش گوار سا احساس پیدا ہوتا ہے اور بچہ پیٹ میں درد محسوس کرنے لگتا ہے۔ 

اگر بچہ پیٹ میں درد کے نتیجے میں نیند سے بیدار
ہوجائے یا پھر یک دم کھیلنا بند کردے
 تو اس کی وجہ جسمانی ہوسکتی ہے

ڈاکٹر اُلرش کے مطابق اگر درد ناف کی بجائے پیٹ کے اوپر والے حصے یا پھر نیچلے حصے میں ہو تو یہ بخار کے ساتھ ساتھ کمزوری کی علامت ہے۔ اور اگر بچہ پیٹ میں درد کے نتیجے میں نیند سے بیدار ہوجائے یا پھر یک دم کھیلنا بند کردے تو اس کی وجہ جسمانی ہوسکتی ہے۔

ڈاکٹر اُلرش نصیحت کرتے ہوئے کہتے ہیں کہ اگر بچوں کے پیٹ میں مسلسل درد رہے تو اُنہیں فوری طور پر ڈاکٹر کے پاس لے جانا چاہیے۔ اور اگر درد کی کوئی جسمانی وجہ ثابت نہ بھی ہو تو والدین کو یہ نہیں بھولنا چاہیے کہ بچے کی نظر میں یہ پیٹ کا درد ہی ہے۔ ڈاکٹر الرش کے مطابق ایسے میں بچوں کو بہتر توجہ دینی چاہیے اور ان کے خوف یا ذہنی دباؤ کی وجوہات دور کرنے کی کوشش کرنی چاہیے۔ اس کا ایک متبادل یہ بھی ہوسکتا ہے کہ بچے کو اُس وقت تک لیٹے رہنے دینا چاہیے، جب تک یہ درد ختم نہیں ہوجاتا۔

بچوں کے پیٹ میں درد کیوں ہوتا ہے؟

ٹی 20 ورلڈ کپ: میزبان (سری لنکا) پہلے میچ میں فاتح

اجنتا مینڈیز نے بین الاقوامی ٹی ٹوئنٹی مقابلوں میں بہترین بولنگ کا اپنی ہی ریکارڈ توڑ دیا

آئی سی سی ٹی 20 عالمی کپ کے پہلے میچ میں سری لنکا نے زمبابوے کو 82 رنز سے شکست دے دی ہے۔ اس سے پہلے سری لنکا نے مقررہ 20 اوورز میں 4 وکٹوں کے نقصان پر 182 رنز بنائے تھے۔ زمبابوے کی ٹیم اس ہدف کے تعاقب میں 100 رنز بنا کر آؤٹ ہوگئی۔ اجنتا مینڈیز نے ٹیم میں واپسی پر شاندار بولنگ کا مظاہرہ کرتے ہوئے بین الاقوامی ٹی ٹوئنٹی مقابلوں میں بہترین بولنگ کا اپنا ہی ریکارڈ توڑ دیا۔ انہوں نے 4 اووروں میں 8 رنز دے کر 6 وکٹیں حاصل کیں۔ زمبابوے کے 4 کھلاڑی صفر پر آؤٹ ہوئے جبکہ ان کے کامیاب ترین بلے باز بیس کے سکور کے ساتھ ہیملٹن مساکا زدہ رہے۔

سری لنکا کی جانب سے دلشان مونا ویرا اور دلشان تلک رتنے نے اننگز کا آغاز کیا۔ دونوں بلے بازوں نے محتاط بیٹنگ کرتے ہوئے اپنی ٹیم کو اچھا آغاز فراہم کیا۔ سری لنکا کی جانب سے سنگا کارا نے 44 اور مینڈس نے 43 رنز بنائے۔

سری لنکا میں منگل سے شروع ہوا ٹی ٹوئنٹی کرکٹ ورلڈ کپ چوتھا عالمی کپ ہے۔ اس ٹورنامنٹ میں 12 ٹیمیں حصہ لے رہی ہیں اور فائنل میچ 7 اکتوبر کو کھیلا جائےگا۔ دفاعی چیمپئن انگلینڈ کا پہلا مقابلہ افغان ٹیم سے جمعہ کے روز ہوگا جبکہ بھارت اپنا پہلا میچ افغانستان کے ساتھ بدھ کے روز کھیلےگا۔ پاکستان نے پیر کے روز بھارت کے ساتھ ورام اپ میچ میں بہترین کارکردگی کا مظاہرہ کیا تھا اور اس نے بھارت کو پانچ وکٹوں سے شکست دی تھی۔

کسی بھی ایشیائی ملک میں کھیلا جانے والا یہ پہلا ٹی ٹوئنٹی عالمی کپ ہو گا۔ اس سے پہلے تین عالمی کپ جنوبی افریقہ، انگلینڈ اور ویسٹ انڈیز میں منعقد ہو ئے ہیں۔

ٹی ٹوئنٹی ورلڈ کپ: میزبان ٹیم پہلے میچ میں فاتح

سامان سو برس کا، پل کی خبر نہیں

 

سامان سو برس کا، پل کی خبر نہیں

تخلیقِ کائنات کا تجربہ دہرانے کی کوشش

واشنگٹن — تخلیقِ کائنات کے رازوں سے پردہ اٹھانا ایک مدت سے سائنس دانوں کی آرزو رہی ہے۔ سائنسی اندازوں کے مطابق تخلیقِ کائنات کا واقعہ لگ بھگ 14 ارب سال پہلے پیش آیا تھا۔ اب اتنے پرانے واقعے کی کھوج لگانا کچھ آسان کام تو ہے نہیں، اسی لیے ماہرینِ فلکیات اور سائنس دان ایک مصنوعی (ورچوئل) کائنات تخلیق دے کر ’بِگ بینگ‘ کا تجربہ دہرانے کی کوشش کررہے ہیں۔

امریکی محکمہ توانائی کی ’ارگون نیشنل لیبارٹری‘ سے منسلک ماہرینِ طبیعات دنیا کے تیسرے تیز ترین کمپیوٹر کی مدد سے ’بِگ بینگ‘ کے اس تجربے کو دوبارہ دہرانے کی کوششوں میں مصروف ہیں جس سے انہیں امید ہے کہ کائنات کی ابتدا کے بارے میں جاننے میں مدد ملے گی۔

ایک مدت تک سائنس دان اور ماہرینِ فلکیات ٹیلی سکوپوں کے ذریعے اندھیرے آسمانوں کا مطالعہ کرتے آئے ہیں اور اس مشق کے ذریعے انہوں نے کائنات کے نقشے تیار کیے ہیں۔ فلکیات کے میدان میں ہونے والی ترقی اور جدید ٹیکنالوجی کے مدد سے کائنات اور کہکشاؤں کے ان نقشوں کو حقیقت سے مزید ہم آہنگ کرنے میں مدد ملی ہے۔

اب انہی آسمانی نقشوں کی مدد سےماہرین نے ’ارگون میرا سپر کمپیوٹر‘ پر ایک مصنوعی کہکشاں تخلیق کی ہے جس پر وہ اب تک کا سب سے ہائی ریزولوشن والا ’بِگ بینگ‘ تجربہ کریں گے اور کائنات میں مادے کی تقسیم کی حقیقت کا کھوج لگائیں گے۔

سلمان حبیب اس منصوبے کے قائدین میں سے ایک ہیں جن کا کہنا ہے کہ ٹیکنالوجی کے میدان میں آنے والی انقلابی تبدیلیوں نے اس بڑے پیمانے پر کائنات کو سمجھنے کی کوشش کرنے کا جواز فراہم کیا ہے۔ سلمان حبیب کے بقول کائنات کی تخلیق کا راز سمجھ میں آجانے سے پوری سائنس سمجھی جاسکتی ہے۔

اس منصوبے کے ایک اور قائد کیٹرن ہیٹمین کے مطابق تجربے کے دوران میں مختلف اوقات میں کائنات کی مختلف ہیئتوں کی تصویروں اور موویز سے مدد لی جائے گی۔

سائنس دانوں کو امید ہے کہ اس تجربے سے ’ڈارک میٹر‘ یا ’تاریک مادے‘ کے بارے میں زیادہ سے زیادہ جاننے میں مدد ملے گی۔ ’ڈارک میٹر‘ مادے کی ایک خیالی قسم ہے جس کے بارے میں ماہرین کا گمان ہے کہ کائنات کا بیش تر حصہ اسی پر مشتمل ہے۔

سلمان حبیب کہتے ہیں خلا کے بارے میں ایک عام تاثر یہ ہے کہ یہ یا تو رکی ہوئی ہے یا ایک مخصوص شکل میں موجود ہے، حالاں کہ حقیقت یہ ہے کہ وقت گزرنے کے ساتھ ساتھ نئی خلائیں تخلیق پارہی ہیں۔

سلمان کہتے ہیں کہ کائنات میں توسیع کا فلسفہ آئین سٹائین کی 'تھیوری آف ریلیٹویٹی' سے بھی تقویت پاتا ہے لیکن اس نظریے کے مطابق اس توسیعی عمل کو وقت گزرنے کے ساتھ ساتھ سست پڑجانا چاہیے تھا۔

لیکن حقیقت اس کے برعکس ہے اور 2011ء میں طبعیات کا 'نوبیل انعام' حاصل کرنے والی تحقیق اور دیگر مشاہدوں سے یہ پتا چلا ہے کہ کائنات کی توسیع کے عمل میں تیزی آگئی ہے۔

سلمان حبیب کے مطابق اس راز پر تاحال پردہ پڑا ہوا ہے کہ ایسا کیوں ہورہا ہے لیکن کئی سائنس دانوں نے اس گمان کا اظہار کیا ہے کہ کائنات کی اس توسیعی عمل کے پیچھے درحقیقت 'تاریک توانائی' یا 'ڈارک انرجی' کی قوت موجود ہے۔

'ڈارک میٹر' کی طرح 'ڈارک انرجی' بھی توانائی کی ایسی قسم ہے جس کا کوئی ثبوت دستیاب نہیں۔ لیکن سائنس دانوں کا کہنا ہے کہ 70 فی صد کائنات اس توانائی پر مشتمل ہے اور امید ہے کہ یہ تجربہ 'ڈارک انرجی' کے بارے میں بھی معلومات فراہم کرے گا۔

تخلیقِ کائنات کا تجربہ دہرانے کی کوشش