بیجنگ… چین میں سیمنٹ کی جالی میں پھنسے بچے کا سَر مسلسل جدوجہد کے بعد ریسکیو ٹیم نے کامیابی سے نکال لیا ہے۔ اس بچے نے کھیل کے دوران اس جالی میں اپنا سَر گھسا تو دیا لیکن واپس نکالنا اس کے لئے مشکل ہی نہیں ناممکن ہوگیا۔ اس صورت حال کو دیکھتے ہوئے گھر والوں نے ریسکیو ٹیم کو اطلاع دی جنھوں نے کئی گھنٹوں کی محنت کے بعد بچے کا سر نکال لیا۔ ریسکیو کے دوران بچے کی آنکھوں سے مسلسل آنسو بہتے رہے۔ بچے کا سَر کسی بھی زخم یا نقصان کے بغیر مقامی افراد کے ہجوم کے سامنے کامیابی سے نکال لیا گیا۔
