اولمپک کھلاڑیوں کی عمر زیادہ طویل ہوتی ہے

آسٹریلوی سائنسدانوں نے تحقیقی رپورٹ میں کہا ہے کہ اولمپک ایتھلیٹس، جو کسی بھی میڈل پوزیشن پر پہنچتے ہیں، دیگر انسانوں کے مقابلے میں اوسطاﹰ دو اعشاریہ آٹھ برس زیادہ زندہ رہتے ہیں۔ آسٹریلیا کی میلبورن یونیورسٹی کی ٹیم کی اس تحقیق میں بتایا گیا ہے کہ اس سے کوئی فرق نہیں پڑتا کہ آیا کسی ایتھلیٹ نے سونے، چاندی یا کانسی کا تمغہ جیتا، مگر ایتھلیٹس دوسروں کے مقابلے میں زیادہ عرصہ جیتے ہیں۔ صحت سے متعلق معیشت کے ماہر فلیپ کلارک کے بقول، ’مزے کی بات یہ ہے کہ سونے کا تمغہ جیتنے والوں میں زندگی کی طوالت کے اعتبار سے اضافی فائدہ نہیں دیکھا گیا ہے۔ اس کا مطلب ہے کہ زیادہ پیسہ اور شہرت اس سلسلے میں کوئی زیادہ کردار ادا نہیں کرتے۔‘ محققین نے اس اعتبار سے گرمائی اور سرمائی اولپمک مقابلوں میں سن 1896 سے شرکت کرنے والے 15ہزار 174 ایتھلیٹس کی زندگیوں کا مطالعہ کیا۔

اس سلسلے میں نو ممالک کے ایتھلیٹس کا گروپ ترتیب دیا گیا تھا، جس میں امریکا، جرمنی، روس، برطانیہ، فرانس، اٹلی، کینیڈا، آسٹریلیا اور نیوزی لینڈ شامل ہیں۔ اس گروپ میں ایتھلیٹس کا مطالعہ ملک، عمر، جنس اور پیدائش کے برس کے اعتبار سے کیا گیا۔ پروفیسر کلارک کے مطابق عمر کی طوالت میں متعدد عناصر کار فرما ہوتے ہیں، جس میں جینز، جسمانی سرگرمیاں اور صحت مند طرز زندگی شامل ہیں۔ ان کا کہنا ہے کہ عمر کی طوالت کے اعتبار سے کسی ایک عنصر کو بنیادی تسلیم کر لینا خاصا مشکل کام ہے۔ تاہم اگر کسی ایتھلیٹ نے 25 برس کی عمر تک کوئی اولمپک میڈل حاصل کر لیا ہے، تو یہ توقع کی جا سکتی ہے کہ وہ زیادہ عمر کا حامل ہو گا، کیونکہ وہ ایک عام آدمی کے مقابلے میں زیادہ صحت مند ہوگا۔ برطانوی میڈیکل جرنل میں شائع ہونے والے اس تحقیقی رپورٹ میں پروفیسر کلارک کا تاہم یہ بھی کہنا ہے کہ مختلف چیزوں اور انسانی عمر کی طوالت کے درمیان ربط کے حوالے سے کچھ کہنا اتنا آسان بھی نہیں۔ انہوں نے کہا کہ ایتھلیٹس کی زندگیوں کے مطالعے سے معلوم ہوتا ہے کہ اس لمبی عمر اور صحت کے بدلے ان کھلاڑیوں کو کئی دیگر چیزوں پر سمجھوتہ بھی کرنا پڑتا ہے اور ان میں اعلیٰ تعلیم بھی شامل ہے، کیونکہ یہ کھلاڑی اپنی توجہ جسمانی ورزشوں اور ایتھلیٹکس کے دیگر معاملات پر مرکوز رکھتے ہیں، اور تعلیمی اعتبار سے ان کی قابلیت بہت زیادہ شاندار نہیں ہوتی۔

اولمپک کھلاڑیوں کی عمر زیادہ طویل ہوتی ہے، تحقیق

ہندوؤں اور مسلمانوں سے نفرت ہے، امریکی خاتون

نیویارک پولیس کے حکام نے ایریکا میننڈز کو حراست میں لے لیا

امریکہ میں نیویارک پولیس نے ایک مقامی خاتون کو حراست میں لیا ہے، جس پر ایک بھارتی تارک وطن کو چلتی ہوئی ریل گاڑی کے سامنے دھکا دے کر قتل کرنے کا الزام ہے۔ استغاثہ کا کہنا ہے کہ 31 سالہ ایریکا میننڈز پر رواں ہفتے نفرت کی بنیاد پر قتل کا الزام عائد کیا گیا ہے۔

اطلاعات کے مطابق ملزمہ نے مبینہ طور پر کہا ہے کہ 2001ء میں امریکہ پر دہشت گرد حملوں کے بعد سے اسے ہندوؤں اور مسلمانوں سے نفرت ہے۔

عینی شاہدین کا کہنا ہے کہ 46 سالہ بھارتی شہری سنیڈو سین کوئینز ریلوے سٹیشن پر موجود تھا جب اسے امریکی خاتون نے ایک چلتی ریل گاڑی کے سامنے دھکا دے دیا۔ مسٹر سین کے بارے میں بتایا گیا ہے کہ وہ کوئینز کے علاقے ہی کے رہائشی تھے اور وہ ’پرنٹنگ بزنس‘ سے وابستہ تھے۔ امریکی عہدیداروں نے کہا ہے کہ اس واقعہ کی ہر پہلو سے تحقیقات کی جا رہی ہیں۔
امریکی خاتون قتل کے الزام میں گرفتار

پانچ روپے کا نوٹ 31 دسمبر کے بعد تبدیل نہیں ہوگا

5 روپے مالیت کا کرنسی نوٹ 31 دسمبر بروز پیر شام 5 بجے کے بعد تبدیل یا استعمال نہیں ہو سکے گا۔ بینک دولت پاکستان نے عوام الناس کو اس ضمن میں آگاہ رہنے کی ہدایت کی ہے اور کہا ہے کہ اگر کسی شخص کے پاس 5 روپے مالیت کے کرنسی نوٹ موجود ہوں تو وہ پیر کی شام 5 بجے تک ملک بھر میں موجود شیڈولڈ بینکوں کی ایک ہزار سے زائد برانچز سے مذکورہ نوٹ تبدیل کرالیں بصورت دیگر یکم جنوری 2013 بروز منگل سے مذکورہ نوٹ نہ تو استعمال کیا جائیگا اور نہ ہی اسے تبدیل کیا جاسکے گا۔ بینک دولت پاکستان کے ترجما ن نے بتایا کہ 5 روپے مالیت کا کرنسی نوٹ تبدیل کرنے کی مدت میں کوئی توسیع نہیں کی جائے گی۔

5 روپے کا نوٹ 31 دسمبر کے بعد تبدیل نہیں ہوگا

زیادتی کا نشانہ بننے والی بھارتی طالبہ چل بسی

سنگاپور کے ماؤنٹ الزبتھ ہسپتال کے چیف ایگزیکیٹیو آفیسر کیلون لوح کی جانب سے ایک اعلان میں بتایا گیا کہ بھارت کے دارالحکومت نئی دہلی میں اجتماعی جنسی زیادتی کا نشانہ بننے والی 23 سالہ بھارتی طالبہ سنگاپور میں ہفتے کے روز صبح کے وقت چل بسی۔ 

جمعرات کو اسے بہتر علاج کےلئے سنگاپور کے ماؤنٹ الزبتھ اسپتال منتقل کیا گیا جہاں وہ آج صبح دل کا دورہ پڑنے اور جسم کے کئی اعضا کے کام چھوڑنے کے باعث چل  بسی، ماؤنٹ الزبتھ اسپتال کے چیف ایگزیکٹو کا کہنا ہے کہ لڑکی کے جسم کو پہنچنے والے زخم بہت شدید تھے، 8 سپیشلسٹ ڈاکٹروں کی ٹیم نے اس کا علاج کیا لیکن اس کی حالت بگڑتی چلی گئی۔

میڈیکل کالج کی طالبہ کو 16 دسمبر کی رات نئی دہلی میں ایک چارٹرڈ بس میں سوار ہونے کے بعد چھ افراد نے لوہے کی سلاخوں سے بری طرح مارا پیٹا اور جنسی زیادتی کرنے کے بعد اسے چلتی بس سے نیچے دھکا دے دیا تھا۔ پولیس نے اس واقعہ میں ملوث تمام چھ افراد کو گرفتار کرکے ان پر اقدام قتل اور اجتماعی جنسی زیادتی کے الزامات عائد کیے ہیں۔

زیادتی کا نشانہ بننے والی بھارتی لڑکی چل بسی

کرکٹ کی تاریخ کا طویل القامت کھلاڑی

اسلام آباد — پاکستان کی قومی کرکٹ ٹیم کے نئے فاسٹ باؤلر محمد عرفان کرکٹ کی تاریخ کے سب سے طویل القامت کھلاڑی ہیں۔ اُن کا قد سات فٹ اور ایک انچ ہے جبکہ اس سے قبل ویسٹ انڈیز کے تیز باؤلر جوئیل گارنر کو یہ اعزاز حاصل تھا جن کا قد چھ فٹ اور آٹھ انچ تھا۔ تیس سالہ محمد عرفان کا تعلق پنجاب سے ہے اور اُنھوں نے 25 دسمبر کو بنگلور میں بھارت کے خلاف اپنا پہلا ٹی ٹوئنٹی میچ کھیلا جو پاکستان نے ایک سنسنی خیز مقابلے کے بعد پانچ وکٹوں سے جیت لیا تھا۔ اس میچ میں عرفان کی تیز رفتار باؤلنگ کا سامنا کرتے ہوئے بھارتی بلے بازوں کو بہت مشکلات کا سامنا رہا۔ میزبان ٹیم کے اِن فارم بلے باز ورات کوہلی اُن کی تیزرفتار گیندوں کو کھیلنے میں ناکام رہے اور یوں وہ عرفان کی ایک عمدہ گیند کو کھیلنے کی کوشش میں وکٹ کیپر کامران اکمل کے ہاتھوں کیچ آؤٹ ہوگئے۔

عرفان نے دو ہزار دس میں انگلینڈ کے خلاف دو ایک روزہ انٹرنینشل میچ کھیل کر اپنے بین الاقوامی کیرئیر کا آغاز کیا تھا مگر مایوس کن کارکردگی کے باعث بعد میں پاکستان نے جو بھی سیریز کھیلی اُنھیں نظر انداز کردیا گیا۔

کرکٹ کی تاریخ کا طویل القامت کھلاڑی

اسلامی تاریخ کے جھروکوں سے

اسلامی تاریخ کے جھروکوں سے

موبی لنک کال سیٹ اپ چارجز لگائے گا

جشنِ سالِ نو کے موقع پر موبی لنک نے اپنے صارفین کو ایک اور اضافی چارج کا تحفہ دینے کی ٹھانی ہے جسے ”کال سیٹ اپ چارجز“ کا نام دیا گیا ہے – جو پاکستان کی ٹیلی کام تاریخ میں بالکل نئی چیز ہے۔

ہمیں ملنے والی معلومات کے مطابق موبی لنک کال سیٹ اپ چارجز کی مد میں یکم جنوری 2013ء کے بعد کی جانے والی تمام کالز پر 10 پیسے وصول کرے گا۔ 10 پیسے کا یہ چارج ہر کال میں سے کاٹا جائے گا اور تمام موبی لنک صارفین پر لاگو ہوگا۔ واضح رہے کہ کال سیٹ اپ چارجز دراصل فی کال چارجز ہیں، فی منٹ نہیں۔ جیسے ہی کال ریسیو ہوگی، کال سیٹ اپ چارجز لاگو ہو جائیں گے، چاہے کال ایک سیکنڈ کی ہی کیوں نہ ہو۔

مثال کے طور پر اگر عام کال نرخ 70پیسہ فی 30 سیکنڈ ہیں تو اس نئے ”کال سیٹ اپ چارجز“ کے بعد آپ کے کال نرخ اولین 30 سیکنڈ کے لیے 80 پیسہ فی 30 سیکنڈ ہو جائیں گے اور ابتدائی 30 سیکنڈز کے بعد 70 پیسہ فی 30 سیکنڈ ہوں گے۔

تمام آپریٹرز مینٹی نینس فی، ایڈمن فی یا آپریشنل فی کے ناموں سے پہلے ہی تمام کارڈ ری لوڈز پر 7 فیصد اضافی فیس وصول کر رہے ہیں ۔ اسی طرح بیلنس کی معلومات اور ہیلپ لائن پر کال پر بھی ایک کے بعد دوسرے آپریٹر نے اضافی نرخ لگائے ہیں۔ پاکستان کی سیلولر انڈسٹری کے ماضی کو دیکھتے ہوئے یہ واضح ہے کہ دیگر کمپنیاں بھی موبی لنک کے نقش قدم پر چلتے ہوئے کال سیٹ اپ چارجز نافذ کریں گی۔ اس لیے تمام نیٹ ورک کے صارفین مستقبل قریب میں اضافی چارجز ادا کرنے کے لیے تیار رہیں۔ پاکستان ٹیلی کمیونی کیشن اتھارٹی ممکنہ طور پر اس فیصلے میں رکاوٹ نہیں بنے گا، کیونکہ وہ ایک مرتبہ واضح طور پر کہہ چکا ہے کہ سیلولر آپریٹرز اپنی پیش کردہ سروسز پر چارجز لاگو کرنے کے لیے آزاد ہیں۔

بریکنگ: موبی لنک ہر کال پر کال سیٹ اپ چارجز لگائے گا

پاکستان بھارت کو شکست دے کر ایشین ہاکی چیمپیئن بن گیا

دوحہ: پاکستان نے ایشین ہاکی چیمپیئنز ٹرافی کے فائنل میں بھارت کو ہرا کر ٹائٹل اپنے نام کرلیا۔ قطر کے دارالحکومت دوحہ میں کھیلے گئے ایونٹ کے فائنل میں پاکستان اور روایتی حریف بھارت کے درمیان مقابلے کا آغاز سنسنی خیز انداز میں ہوا، میچ کے ابتدا میں ہی پاکستان نے گول کرکے بھارت کے خلاف برتری حاصل کرلی لیکن بھارت نے جلد ہی یکے بعد دیگرے 2 گول کر کے ناصرف پاکستان کی برتری کا خاتمہ کر دیا بلکہ قومی ٹیم پر سبقت بھی حاصل کرلی جو پہلے ہاف کے اختتام تک برقرار رہی۔

دوسرے ہاف میں پاکستان نے بھارت کے خلاف جارحانہ انداز اپنایا اور بھارت کے خلاف 3-2 سے برتری حاصل کرلی۔ پاکستان کی جانب سے وقاص نے چوتھا گول کیا۔ میچ نے اس وقت دلچسپ صورتحال اختیار کر لی جب بھارت نے مزید 2 گول کر کے مقابلہ برابر کر دیا۔ کچھ ہی دیر میں پاکستان نے پانچواں اور فتح کن گول کر کے ایک بار پھر برتری حاصل کر لی جو کھیل کے آخر تک برقرار رہی۔ پاکستان کی جانب سے وقاص شریف نے دو راشد ، شفقت رسول اور عرفان نے ایک ایک گول کیا۔
 

پاکستان بھارت کو شکست دے کر ایشین ہاکی چیمپیئن بن گیا

بھارت کے خلاف سات فٹ کا ’خفیہ‘ پاکستانی ہتھیار

پاکستان کرکٹ ٹیم بھارت کے خلاف سیریز کے لیے ایک خفیہ ہتھیار لے کر آئی ہے۔ ایک تیز بولر جس کا قد سات فٹ کے آس پاس ہے لیکن موجودہ سیریز میں ان کے بارے میں کوئی بھی معلومات لینا فی الحال مشکل ہی نہیں بلکہ ناممکن ہے۔

اس بولر کا نام محمد عرفان۔ میچ سے دو دن پہلے پاکستان ٹیم نے صحافیوں سے بات چیت کے لیے کپتان محمد حفیظ کے علاوہ فاسٹ بولر عمر گل اور سہیل تنویر کو بھیجا۔ لیکن عرفان سے بات کرنے کی تمام درخواستیں نامنظور کر دی گئیں۔ پاکستان کے کپتان محمد حفیظ نے بھی اپنے بولرز اور محمد عرفان سے پوچھے گئے سوال پر براہ راست جواب دینے کے بجائے کہا ’ہمارے پاس پہلے میچ اور پوری سیریز کے لیے خاص منصوبہ تیار ہے۔ لیکن ہم اسے میڈیا کے ساتھ شیئر نہیں کر سکتے۔‘ ویسے جب پاکستان کرکٹ ٹیم گراؤنڈ پر پریکٹس کرتی ہے تو یہ کھلاڑی دور سے ہی نظر آتا ہے۔ چھ فٹ اور دس انچ لمبے محمد عرفان کے سامنے کامران اکمل اور عمر اکمل جیسے کھلاڑی ان کے کندھے تک بھی نہیں پہنچتے۔ فرسٹ کلاس کرکٹ میں عرفان نے پینتیس میچوں میں ایک سو اٹھائیس وکٹیں حاصل کی تھیں۔

تیس سالہ عرفان نے کچھ عرصہ پہلے دبئی میں انگلینڈ کے خلاف دو ون ڈے میچ کھیلے تھے۔ اس سیریز میں ان کی کارکردگی کچھ خاص نہیں تھی اور انہیں کوئی کامیابی نہیں ملی۔

محمد عرفان:سات فٹ کا ’خفیہ‘ پاکستانی ہتھیار

لوگ بھلا ہی دیں گے: پروین شاکر کی یاد میں

مر گئے بھی تو کہإں، لوگ بھلا ہی دیں گے
لفظ میرے، مرے ہونے کی گواہی دیں گے

شاعرہ کا یہ گلہ تو بجا نہیں کہ لوگ انہیں بھلا دیں گے۔ البتہ، مصرہ ثانی، خوشبو جیسے لہجے کی شاعرہ کے امر ہونے کا ایک زمانہ  گواہ ہے۔ جی ہاں، ہم بات کر رہے ہیں  پروین شاکر کی جنہیں دنیا سے رخصت ہوئے 18 برس گزرنے کے باوجود لوگ بھولے نہیں، ان کے لفظ ہمیشہ ان کے ہونے کے گواہ رہیں گے۔

24 نومبر، پیر کی سرد رات اور رم جھم برستی بارش میں جونہی مؤذن نے صدائے اذان بلند کی، کراچی کے ایک ہسپتال میں  ایک ننھی سی کلکاری گونجی اور افضل النسا اور سید شاکر حسین  زیدی کے ہاں ایک پری کا جنم ہوا جسے آج دنیا پروین شاکر کے نام سے جانتی ہے۔

بخت سے کوئی شکایت نہ افلاک سے ہے
یہی کیا کم ہے کہ نسبت مجھے اس خاک سے ہے

جدید  اردو شاعری کے  اہم نام  پروین شاکر کے فنی مقام سے تو لوگ آگاہ ہیں ہی، آج  ہم ان کی ذاتی زندگی کے چند اوراق پر نظر ڈالتے ہیں۔ ان کی بڑی بہن نسرین بانو اور پروین نے اپنا بچپن ایک ساتھ ہنستے کھیلتے گزارا۔ دونوں اکٹھے سکول جایا کرتیں۔ پروین جب تیسری کلاس میں تھیں تو انہیں ڈبل پرموشن دیا گیا  یوں دونوں بہنیں ایک ہی کلاس میں آ گئیں۔

ان کی ایک عادت یہ تھی کہ وہ کسی بھی محفل میں اپنے جوتے اتار دیا کرتیں اور ننگے پیر پھرا کرتیں، واپسی پر  اکثر ہی جوتے گم ہو جایا کرتے اور انہیں ننگے پیر گھر آنا پڑتا، وہ گاڑی بھی جوتا اتار کر چلایا کرتیں، ایک دفعہ کا واقعہ ہے کہ وہ اسلام آباد کی جناح سپر مارکیٹ میں  جوتوں کی دکان کے سامنے گاڑی روکے زور زور سے ہارن بجا رہی تھیں، شاپ سے سیلز مین باہر آیا تو پتا چلا کہ پروین شاکر ہیں اور ننگے پیر ہیں انہیں جوتا چاہیے، اصل میں وہ  کسی تقریب میں اپنا جوتا کھو  بیٹھی تھیں اور اب جہاں جانا تھا وہاں بغیر جوتے کے جا نہیں سکتی تھیں۔

ان کے سفر میں جوتے کبھی آڑے نہیں آئے۔ کوئی چیز ان کی راہ میں حائل نہیں ہوئی۔ صرف 24 برس کی عمر میں ان کا پہلا مجموعہ ’’خوشبو‘‘ شائع ہوا۔

عکس خوشبو ہوں بکھرنے سے نہ روکے کوئی
اور بکھر  جاؤں  تو  مجھ کو   نہ سمیٹے  کوئی

انگلش لٹریچر اور لنگئٹکس میں ماسٹرز کے بعد پروین شاکر کچھ عرصہ انگلش کی لیکچرر رہیں پھر  سی۔ایس۔ایس کا امتحان پاس کرنے کے بعد کسٹم میں اسسٹنٹ کمشنر  کے طور پر تعینات ہوئیں۔

رات ابھی تنہائی کی پہلی دہلیز پہ ہے
اور میری جانب اپنے ہاتھ بڑھاتی ہے
سوچ رہی ہوں
ان کو تھاموں
زینہ زینہ سناٹوں کے تہ خانوں میں اتروں
یا اپنے کمرے میں ٹھہروں
چاند مری کھڑکی پہ دستک دیتا ہے

سنہ 1976 میں اُن کی شادی ڈاکٹر نصیر علی سے ہوئی اور 1978ء میں ان کا بیٹا مراد علی پیدا ہوا اور1987ء میں ان کی اپنے شوہر سے علیحدگی ہو گئی۔

کوئی سوال کرے تو کیا کہوں اس سے
بچھڑنے والے سبب تو بتا جدائی کا
۔۔۔۔
کیسے کہ دوں کہ مجھے چھوڑ دیا ہے اس نے
بات تو سچ ہے مگر بات ہے رسوائی کی
۔۔۔۔۔
کون چاہے گا تمہیں میری طرح
اب کسی سے نہ محبت کرنا
۔۔۔

پروین اسلام آباد میں سی۔بی۔آر کی سیکنڈ سیکریٹری مقرر ہوئیں، اس کے بعد کسٹم میں ہی انسپیکشن اور ٹریننگ کی ڈپٹی ڈائریکٹر تعینات ہوئیں۔

کچھ تو ہوا بھی سرد تھی کچھ تھا ترا خیال بھی
دل کو خوشی کے ساتھ ساتھ ہوتا رہا ملال بھی
۔۔۔

26 دسمبر پیر ہی کے روز آفس جاتے ہوئےاسلام آباد میں ان کی گاڑی کا ایکسیڈنٹ ہوا اور کومل لہجے والی ہی شاعرہ صرف 42 برس کی عمر میں  اپنے خالق حقیقی سے جا ملیں۔ انہیں اسلام آباد کے قبرستان میں سپرد خاک کیا گیا۔ اُن کے کتبے پر یہ شعر درج ہیں:

مر بھی جاؤں تو کہاں، لوگ بھلا ہی دیں گے
لفظ میرے، مرے ہونے کی گواہی دیں گے
۔۔۔
عکس خوشبو ہوں بکھرنے سے نہ روکے کوئی
اور بکھر جاؤں تو مجھ کو نہ سمیٹے کوئی

لوگ بھلا ہی دیں گے: پروین شاکر کی یاد میں

ٹنڈولکر ایک روزہ بین الاقوامی کرکٹ سے ریٹائر

دنیائے کرکٹ کے مایہ ناز بلے باز بھارتی کرکٹر سچن ٹنڈولکر نے اتوار کو ایک روزہ بین الاقوامی کرکٹ سے ریٹائرمنٹ کا اعلان کردیا۔ لٹل ماسٹر کے نام سے معروف 39 سالہ سچن ٹنڈولکر نے اپنے 23 سالہ کیریئر میں بے شمار ریکارڈ بنائے جن میں ایک روزہ بین الاقوامی میچوں میں سب سے زیادہ انفرادی رنز اور ایک میچ میں ڈبل سینچری بنانے والے پہلے کھلاڑی کا اعزاز بھی شامل ہے۔ انھوں نے 463 ایک روزہ بین الاقوامی کرکٹ میچوں میں 18426 رنز بنا رکھے ہیں جن میں 49 سینچریاں اور 96 نصف سینچریاں شامل ہیں۔

ایک بیان میں بھارتی بلے باز نے کہا ہے کہ ’’میں نے ایک روزہ میچوں کی کرکٹ سے ریٹائر ہونے کا فیصلہ کیا ہے اور ورلڈ کپ جیتنے والی بھارتی ٹیم کا حصہ ہونے پر مجھے فخر ہے۔‘‘ اپنے بیان میں ٹنڈولکر نے اپنے تمام خیر خواہوں اور مداحوں کا شکریہ ادا کیا جن کا پیار ان کے بقول انھیں اپنے کیریئر کے دوران حاصل رہا۔

ٹنڈولکر نے 1989ء میں پاکستان کے خلاف گوجرانوالہ میں کھیلے گئے ایک میچ سے اپنے ایک روزہ بین الاقوامی کرکٹ کیریئر کا آغاز کیا تھا۔ تاہم سچن ٹنڈولکر بھارت کی طرف سے ٹیسٹ میچ کھیلتے رہیں گے۔

مایہ ناز کرکٹر ٹنڈولکر ایک روزہ بین الاقوامی کرکٹ سے ریٹائر

لڑکیوں کے ساتھ بھی ہو سکتا ہے

ایک طرف سستے کیمرہ فونز کی دستیابی اور اس پر طُرّہ یہ کہ ہمارے نوجوانوں میں کسی گمبھیر صورتحال سے نمٹنے کے حوالے سے عدم آگہی، نتیجتاً ایسے مسائل کا سامنا جن کا خاص طور پر وہ لڑکیاں تصور بھی نہیں کرسکتیں، جو اپنے دوستوں کو نجی لمحات کی وڈیوز یا تصاویر بنانے کی با آسانی اجازت دے دیتی ہیں۔

ہم نے ماضی میں بھی اس حوالے سے ایک تحریر پیش کی تھی، جس میں لڑکیوں سے التجا کی گئی تھی کہ وہ کسی بھی فرد کو، چاہے وہ اُن کا دوست، کزن، رشتہ دار اور خاندان ہی کا فرد کیوں نہ ہو، اپنی تصاویر لینے یا وڈیو بنانے کی اجازت نہ دیں۔ کسی کو بھی نہیں، حتیٰ کہ اپنے منگیتر اور شوہر کو بھی۔ اسی طرح کا معاملہ ایم ایم ایس کا بھی ہے، اپنی نجی تصاویر اور وڈیوز کبھی کسی کو نہ بھیجیں۔

اس پر سختی سے عمل نہ کرنے یا لاپرواہی بہت تباہ کن ثابت ہو سکتی ہے۔ وجہ: یہ جان لیں‌ کہ موبائل فون یا میموری کارڈ سے ڈیلیٹ کی گئی وڈیوز اور تصاویر نکالی جا سکتی ہیں اور کسی غلط ہاتھ میں بھی جا سکتی ہیں۔ یہ بات اپنے پلّو سے باندھ لیں کہ کسی بھی شخص کو اپنے نجی لمحات ریکارڈ کرنے کی اجازت نہیں دینی۔ اور اس پر سختی سے کاربند رہیں، چاہے اس کا آپ کے رشتہ و تعلقات پر اثر کیوں نہ پڑے۔

ہمیں اپنے اہل خانہ اور دوستوں، خصوصاً گاؤں دیہات میں رہنے والے افراد میں اس بات کا شعور اجاگر کرنا ہوگا۔ شاید اس موضوع پر براہ راست گفتگو کرنا موزوں نہ لگے، یا پھر اس قدر آسان نہ ہو، لیکن اس کا ایک بہتر طریقہ یہ ہے کہ ایسے مضامین کے لنکس اُن کو ای میل کریں جن میں نجی وڈیوز کی تباہ کاریوں کی وضاحت کی گئی ہو اور یوں وہ خود اُن کے نتائج پڑھیں۔

اے آر وائی نیوز نے حال ہی میں اس حوالے سے ایک پروگرام کیا تھا، جس میں اک ایسی لڑکی کو مدعو کیا گیا تھا، جس کی وڈیو بنا کر دوست نے بلیک میل کیا تھا اور یوں لڑکی کو اس کے تمام شیطانی احکامات ماننا پڑے۔ اس کے علاوہ ایک ایسا شخص بھی پروگرام میں آیا جس کی لڑکی نے انہی وجوہات کی بناء پر خود کشی کر لی تھی۔

اس وڈیو کو خود دیکھئے اور اسے اپنے اہل خانہ اور دوستوں کے ساتھ شیئر کیجیے

ویڈیو دیکھنے کے لئے کلک کریں

خبردار لڑکیو! یہ آپ کے ساتھ بھی ہو سکتا ہے

کالے رنگ کی کار کو حادثے کا زیادہ خطرہ

برسبین… این جی ٹی… اگر آپ کی کار کالے رنگ کی ہے تو آپ کو کافی محتاط رہ کر ڈرائیونگ کرنی چاہیے۔ ایک حالیہ تحقیق میں یہ انکشاف ہوا ہے کہ کالی رنگ کی کار چلانے والے ڈرائیور حضرات کو حادثات کا خطرہ نسبتاً زیادہ ہوتا ہے۔ 

آسٹریلیا میں کی جا نے والی اس تحقیق میں گزشتہ بیس سال میں ہونے والے آٹھ لاکھ پچا س ہزار (850,000) کاروں کے حادثات کا مطالعہ کیا گیا جس کے نتائج کے مطابق سب سے زیادہ حادثات کالے رنگ کی گاڑیوں کو پیش آئے ہیں جبکہ سفید، سنہری اور پیلے رنگ کی گاڑیاں سب سے زیادہ محفوظ ہوتی ہیں۔ کالے رنگ کی گاڑیوں کو حادثہ پیش آنے کا خطرہ سینتالیس (47) فیصد زیادہ ہوتا ہے جبکہ گرے، سلور دوسرے نمبر پر اور لال اور نیلے رنگ کی گاڑیاں حادثات میں تیسرے نمبر پر ہیں۔ تحقیق کے مطابق ان مخصوص رنگوں کی گاڑیوں کو حادثات پیش آنے کی وجہ یہ ہوسکتی ہے کہ یہ سڑک پر نمایاں نہیں ہو پاتیں اور دوسرے ڈرائیورز کے لیے اُن کو دیکھنا مشکل ہوتا ہے۔ کچھ ماہرین کا کہنا ہے کہ کالے رنگ کی گاڑیاں پسند کرنے والے ڈرائیورز عام طور پر خطرات پسند اور زیادہ تیز ڈرائیونگ کرتے ہیں جو حادثات کا سبب بنتا ہے۔

کالے رنگ کی کاروں کوایکسیڈنٹ کا خطرہ زیادہ ہوتا ہے، تحقیق

صرف 3 فیصد امریکی صحت مند دل کے مالک

واشنگٹن (جنگ نیوز) امریکن ہارٹ ایسوسی ایشن کی نئی رپورٹ کے مطابق صرف 3 فیصد امریکی صحت مند دل کے مالک ہیں جبکہ 10 شہری امراض قلب کے باعث دوائیاں استعمال کرتے ہیں۔ 

رپورٹ کے مطابق مثالی صحت مند دل کے حوالے سے ڈسٹرکٹ کولمبیا میں شرح 6.9 سب سے زیادہ ہے جبکہ ورمونٹ میں 5.5، ورجینیا میں 5 فیصد ہے۔ سب سے کم شرح اوکلوہاما میں 1.2 فیصد اور مغربی ورجینیا اور میسی سیپی میں 1.5 فیصد ہے۔

حاملہ خواتین: صبح کے وقت متلی سے بچنے کا طریقہ

ایسی حاملہ خواتین جنہیں صبح کے وقت اکثر متلی کا سامنا رہتا ہے، انہیں اس کیفیت سے نجات کے لیے پورے دن میں تھوڑی تھوڑی مقدار میں پانچ یا چھ مرتبہ کھانا کھانا چاہیے۔ جرمنی میں گائنیکالوجی کے ماہر ڈاکٹروں کی تنظیم کے صدر کرسٹیان آلبرِنگ کہتے ہیں کہ حاملہ خواتین اگر کھانا کم مقدار میں کھائیں اور اسے اچھی طرح چبائیں، تو وہ اس خوراک کو بہت اچھی طرح ہضم کر سکیں گی۔ اس کے علاوہ ایسی حالت میں خواتین کو صرف وہی کچھ کھانا چاہیے، جو انہیں واقعی بہت پسند ہو۔ ورنہ یہ امکان بہت زیادہ ہو جائے گا کہ انہیں بار بار متلی کی کیفیت اور قے کا سامنا رہے گا۔

جرمن گائنیکالوجسٹس ایسوسی ایشن کے صدر کے مطابق حاملہ خواتین میں متلی اور قے کی کیفیت بہت زیادہ ہوتی ہے، خاص طور پر صبح کے وقت۔ اس کا سبب حمل کے بعد ہارمونز میں آنے والی وہ تبدیلیاں ہوتی ہیں جو صبح کے وقت زیادہ ہوتی ہیں۔ لیکن بنیادی طور پر ان کے اثرات کسی بھی وقت سامنے آ سکتے ہیں۔ ڈاکٹر Christian Albring کے بقول صبح کے وقت مسلسل متلی ہونے اور قے آنے جیسی کیفیت حمل کے چھٹے اور 14 ویں ہفتے کے درمیان سب سے زیادہ ہوتی ہے۔ اس کے بعد کے عرصے میں حاملہ خواتین میں یہ شکایت بہت کم دیکھنے میں آتی ہے۔

ماہرین کا کہنا ہے کہ صبح کے وقت متلی کی یہ کیفیت اتنی شدید نہیں ہوتی کہ مریضہ کو ہسپتال میں داخل کرانا پڑے۔ طبی زبان میں اس حالت کو hyperemesis gravidarum کہتے ہیں۔ ڈاکٹر آلبرِنگ کا کہنا ہے کہ صبح کے وقت طبیعت کی یہ خرابی یا morning sickness دو سے تین فیصد تک حاملہ خواتین میں دیکھنے میں آتی ہے۔ وہ کہتے ہیں کہ یہ معمول کی حالت ہوتی ہے، جس کا کسی ہسپتال میں علاج ضروری نہیں ہوتا۔

ڈاکٹر کرسٹیان آلبرِنگ کہتے ہیں، ’صبح کے وقت متلی کی شکار حاملہ خواتین کو خاص طور پر دن بھر ایسی خوراک استعمال کرنی چاہیے جن میں گلوکوز اور نشاستہ یعنی کاربوہائیڈریٹ زیادہ ہوں۔ ایسی خوراک میں خاص طور پر میٹھی اشیاء تو ہوں لیکن چکنائی اور تیزابیت پیدا کرنے والی خوراک سے اجتناب بہتر ہوتا ہے۔ اس کے علاوہ ایسی خواتین کو پکے ہوئے کھانوں کی خوشبو سے دور رہنا چاہیے اور ریفریجریٹر میں رکھی گئی اشیاء سے پرہیز بھی کرنا چاہیے کیونکہ متلی کی کیفیت میں انسانوں کی سونگھنے کی حس بہت اہم کردار ادا کرتی ہے۔

حاملہ خواتین: صبح کے وقت متلی سے بچنے کا طریقہ

پاکستان ہاکی کے کھلاڑیوں کے شکوے

پاکستان ہاکی ٹیم کے مایہ ناز فاروڈ شکیل عباسی جنہیں حالیہ میلبورن چیمپئنز ٹرافی کا بہترین کھلاڑی قرار دیا گیا ہے نے کہا ہے کہ میں بارہ برس سے پاکستان کی طرف سے کھیل رہا ہوں آج دنیا کا بہترین کھلاڑی قرار دیا گیا ہوں مگر میرے پاس نوکری نہیں ہے ان حالات میں میں کیسے کسی کو ہاکی کھیلنے کا مشورہ دے سکتا ہوں؟ انہوں نے کہا کہ میں کسی سے گلہ نہیں کر رہا کیونکہ شکایت کمزور لوگ کرتے ہیں اور عوام مجھے پسند کرتے ہیں اور میرے لیے یہی اصل اعزاز ہے۔

کپتان محمد عمران کو بھی چیمپئنز ٹرافی میں وکٹری سٹینڈ پر آنے کے بعد حکومت کی جانب سے پزیرائی نہ ملنے کا گلہ ہے۔ عمران کا کہنا تھا کہ مزدور کو مزدوری پسینہ خشک ہونے سے پہلے ملنی چاہیے مگر وکٹری سٹینڈ پر آنے کے باوجود ہمیں اب تک کسی نے نہیں پوچھا۔

پاکستان میں نیوکلیئر ادویات کے استعمال میں اضافہ

پاکستان میں ایٹمی صلاحیت کو بجلی پیدا کرنے، خوراک کی شیلف لائف بڑھانے، فصلوں کی پیداوار بڑھانے، بیماریوں کا سراغ لگانے اور کئی بیماریوں کا علاج کرنے کے لیے بھی استعمال کیا جا رہا ہے۔

پاکستان میں صحت کے شعبے میں نیوکلیئر ادویات سے بھرپور استفادہ کیا جا رہا ہے، اس وقت ملک میں پچاس ایسے طبی مراکز موجود ہیں جہاں نیوکلیئر ادویات استعمال کی جا رہی ہیں، ان میں سے بیس میڈیکل سنٹرز پاکستان اٹامک انرجی کمیشن کے زیر اہتمام کام کر رہے ہیں جبکہ باقی سرکاری اور نجی شعبے میں خدمات سر انجام دے رہے ہیں۔

پاکستان سوسائٹی آف نیوکلیئرمیڈیسن کے صدر ڈاکٹر درصبیح نے ڈی ڈبلیو کو بتایا کہ پاکستان میں ہر سال دس لاکھ سے زائد مریض نیوکلیئر ادویات سے استفادہ کرتے ہیں جبکہ نیوکلیئر ادویات کے شعبے میں کام کرنے والے ڈاکٹروں کی تعداد ایک سو پچاس کے قریب ہے۔

ڈاکٹر در صبیح (جو کہ ملتان انسٹیٹیوٹ آف نیوکلیئر میڈیسن اینڈ ریڈیو تھراپی کے ڈائریکٹر بھی ہیں) نے بتایا کہ نیوکلیئر میڈیسن نہ صرف بیماریوں کی تشخیص میں معاون ثابت ہو رہی ہیں بلکہ ان کے ذریعے تھائی روئیڈ، سرطان اور جوڑوں کے درد سمیت متعدد بیماریوں کا علاج بھی کیا جا رہا ہے۔

ایک سوال کے جواب میں ڈاکٹر صبیح کا کہنا تھا کہ دنیا اب نیوکلیئر میڈیسن سے بھی آگے یعنی مالیکولر ٹریٹمنٹ کی طرف جا رہی ہے،اس کی وجہ سے اب بیماری کے شکارانسان کے خلیے کا انفرادی تجزیہ کر کے اس کے مرض کی حقیقی وجہ معلوم کرکے مریض کے لیے انفرادی دوا تجویز کرنا بہت آسان ہو گیا ہے، اپنی بات کی وضاحت کرتے ہوئے ان کا مزید کہنا تھا کہ اس سے قبل بعض ڈاکٹر کھانسی کے مریضوں کومختلف آپشنز استعمال کرتے ہوئے اپنے اندازے سے دوا تجویزکر دیا کرتے تھے اسی لیے ہر مریض پراس دوا کا مختلف اثر ہوتا تھا، کچھ ٹھیک ہوجاتے تھے اور کچھ کو آفاقہ نہیں ہوتا تھا۔ اب مالیکولرٹریٹمنٹ کے ذریعے ٹیلرڈ ٹریٹمنٹ ممکن ہو گیا ہے۔

نیوکلیئر ادویات سے علاج عام طور پر بہت مہنگا ہوتا ہے لیکن پاکستان میں اس علاج پر اٹھنے والی لاگت پر حکومت کی طرف سے بھاری سبسڈی دی جاتی ہے، اس لیے یہ علاج ابھی تک عام آدمی کی پہنچ میں ہے۔ایک اندازے کے مطابق تقریبا پچاس فی صد پاکستانیوں کو نیوکلیئر ادویات کی سہولت بغیر کسی معاوضے یا پھر انتہائی قلیل معاوضے پر دستیاب ہے۔

مکمل مضمون پڑھنے کے لئے کلک کریں

پاکستان میں نیوکلیئر ادویات کے استعمال میں اضافہ

برطانوی خاندان میں 103 سال بعد لڑکی کی پیدائش

آوِن گوینیتھ جنکنز اپنے والد ایمیر اور بڑے بھائی میکہ کے ساتھ

برطانیہ کے علاقے ویلز کے جنوب مغرب میں رہائش پذیر ایک خاندان 103 سال بعد پہلی لڑکی کی پیدائش کی خوشی منا رہا ہے۔ آوِن گوینیتھ جنکنز 1909 کے بعد کارمنتھنشائر میں رہائش پذیر جنکنز خاندان میں پیدا ہونے والی پہلی لڑکی ہیں۔ آوِن کے دادا ہوول جنکنز کا کہنا ہے کہ ’سارہ کے بعد میرے والد اور ان کے بھائیوں کے ہاں صرف لڑکے پیدا ہوئے پھر ہمارے ہاں بھی لڑکے ہی پیدا ہوئے اور اب جا کے میرے بیٹے کے ہاں بیٹی پیدا ہوئی ہے۔‘

یہ خاندان جو کہ امانفورڈ کے قصبے ٹائکروس میں رہتے ہیں کا کہنا ہے کہ انہیں بھی یہ اندازہ نہیں تھا مگر جب انہوں نے اپنے خاندان کی تاریخ کھنگالی تو اندازہ ہوا کہ یہ کتنی انوکھی پیدائش ہے۔ آوِن کے والد ایمیر نے اعتراف کیا کہا کہ پہلے تو ان کے لیے یہ ایک دھچکہ تھا پھر بعد میں انہوں نے کہا کہ جب آوِن پیدا ہوئی تو انہوں نے اس بارے میں سوچنا اور بات کرنا شروع کیا۔ انہوں نے کہا اس کے بعد ہم نے اپنے خاندان کی تاریخ چھاننا شروع کی اور ہم پر یہ حقیقت واضح ہوئی کہ یہ ہمارے خاندان میں ایک سو تین سال بعد پہلی لڑکی کی پیدائش ہے۔ 

سارہ اولون جنکنز (1909ء) خاندان میں پیدا ہونے والی آخری لڑکی تھیں

آوِن کی پیدائش سوانزی کے سنگلٹن ہسپتال میں ایک ہفتہ قبل ہوئی اور پیدائش کے وقت ان کا وزن آٹھ پاؤنڈز تھا۔ آوِن کی پیدائش سے پہلے سارہ اولون جنکنز اس خاندان میں پیدا ہونے والی آخری لڑکی تھیں جن کی پیدائش اکتوبر 1909 میں ہوئی تھی۔ آوِن کے والد کہا کہنا ہے کہ آوِن ’بہت خوبصورت بچی ہے جو تنگ نہیں کرتی اور رات بھر سوتی ہیں اور ان کی نشونما ان کے بھائی کی نسبت بہتر ہو رہی ہے۔‘

آوِن کے دادا ہوول جنکنز نے بتایا کہ انہیں معلوم تھا کہ آوِن سے پہلے سارہ اولوِن جنکنز خاندان میں پیدا ہونے والی آخری لڑکی تھیں۔ ہوول کا کہنا ہے کہ وہ اور ان کی بیوی دونوں بہت ہی خوش ہیں اور یہ ایک بہت ہی پیاری بچی ہے جس کی پیدائش پر سب خوشی منا رہے ہیں۔

ایک صدی بعد پہلی لڑکی کی پیدائش

چارلی چپلن کی ہیٹ اور چھڑی بِک گئیں

ہالی ووڈ کے لیجنڈری اداکار و ہدایت کار اور کامیڈین چارلی چپلن کی منفرد پہچان ان کی انتہائی مقبول ہیٹ اور چھڑی گذشتہ دنوں 62 ہزار ڈالر سے زائد میں نیلام کر دی گئیں۔ معروف نیلام گھر بونہمز کے تحت نیلامی کے لیے پیش کی گئیں چارلی چپلن کی یہ ہیٹ اور چھڑی ان کے Lttle Tramp کردار کی نمایاں پہچان تھیں۔ 

امریکی ریاست کیلی فورنیا کے شہر لاس اینجلس میں اتوار کے روز نیلامی کے لیے پیش کی گئی اس ہیٹ اور چھڑی کے 40 سے60 ہزار ڈالر تک میں فروخت ہو جانے کی توقعات ظاہر کی گئی تھیں تاہم یہ توقعات سے زائد قیمت پر ایک نامعلوم خریدار نے حاصل کرلیں۔

چارلی چپلن کی مشہور ہیٹ اور چھڑی 62 ہزار ڈالر میں نیلام

ودیا بالن، پیا کی ہو گئیں

ودیا بالن اور سدھارتھ رائے کپور

بالی ووڈ کی ممتاز اداکارہ ودیا بالن نے ممبئی میں اپنے بوائے فرینڈ سدھارتھ رائے کپور سے شادی کر لی ہے۔ شادی تامل اور پنجابی روایات کا اتصال اور ملن تھی اور اس میں دولھا اور دلھن کے عزیزوں نے شرکت کی۔ رائے کپور انڈیا میں فلموں اور ٹیلی وژن پروگراموں کی پروڈکشن کرنے والی ایک بڑی کمپنی یو ٹی وی موشن پکچرز کے سی ای او ہیں۔

پریس ٹرسٹ آف انڈیا کے مطابق شادی کی تقریبات کا آغاز 11 دسمبر کو ایک نجی عشائیے سے ہوا، جس کے بعد 12 دسمبر کو مہندی کی رسم ہوئی۔ جوڑا چنائی میں بھی ایک ضیافت دینے والا ہے۔

34 سالہ بالن نے اب تک متعدد ہندی، بنگالی اور ملیالم فلموں میں مرکزی کردار نبھائے ہیں اور اپنی اداکاری پر متعدد ایوارڈ حاصل کیے ہیں۔ انھوں نے 2005 میں ’پرینیتا‘ سے فلموں میں اداکاری کی ابتدا کی۔ 

ان کی پہلی سپر ہٹ فلم ’لگے رہو منا بھائی‘ تھی۔ انھوں نے پا 2009، عشقیہ 2010، نو ون کِلڈ جیسیکا2011، دی ڈرٹی پکچر 2011 اور کہانی 2012 میں عمدہ اداکاری پر ایوارڈ حاصل کیے ہیں۔

ودیا بالن، پیا کی ہو گئیں

ودیا بالن صبح سویرے 4 بج کر 45 منٹ پر ایک مندر میں سدھارتھ رائے کپور کی بیوی بن گئیں

بھارت بلائینڈ ٹی ٹوئنٹی کرکٹ کا عالمی چیمپیئن

بلائینڈ ٹی ٹوئنٹی ورلڈ کپ کے فائنل میں بھارت نے پاکستان کو 30 رنز سے شکست دے کر عالمی چیمپیئن ہونے کا اعزاز حاصل کر لیا۔ بھارت کے شہر بنگلور میں جمعرات کو کھیلے گئے فائنل میں پاکستان نے ٹاس جیت کر بھارت کو پہلے بیٹنگ کی دعوت دی جس نے مقررہ 20 اوورز میں 8 وکٹوں کے نقصان پر 258 رنز بنائے۔ بلے باز چیتن نے 98 رنز کی اننگز کھیلی۔ پاکستان کی طرف سے محمد جمیل، محمد اکرم اور ادریس سلیم نے دو، دو وکٹیں حاصل کیں۔

پاکستانی ٹیم ہدف کے تعاقب میں 9 وکٹوں کے نقصان پر 228 رنز بنا سکی۔ فائنل سے قبل ٹورنامنٹ کے تمام میچوں میں پاکستانی ٹیم ناقابل تسخیر رہی تھی۔

بھارت بلائینڈ ٹی ٹوئنٹی کرکٹ کا عالمی چیمپیئن

عالمی دن منائے جانے کی تاریخیں

• 02۔ فروری آب گاہوں کا عالمی دن 
• 04۔ فروری سرطان (کینسر) کے خلاف آگاہی کا عالمی دن 
• 06۔ فروری عورتوں کے اعضاء کاٹنے کے خلاف عالمی دن 
• 10۔ فروری عدم تشدد کا عالمی دن 
• 13۔ فروری ریڈیو کا عالمی دن 
• 20۔ فروری سماجی انصاف کا عالمی دن 
• 21۔ فروری مادری زبانوں کا عالمی دن 
• 22۔ فروری سکاؤٹ تحریک کا عالمی دن 
• 08۔ مارچ خواتین کا عالمی دن 
• 14۔ مارچ دریاﺅں کی آگاہی کا عالمی دن
• 20۔ مارچ تھیٹر کا عالمی دن 
• 22۔ مارچ پانی کا عالمی دن 
• 23۔ مارچ موسمیات کا عالمی دن 
• 24۔ مارچ تپدق (ٹی بی) کا عالمی دن 
• 07۔ اپریل صحت کا عالمی دن 
• 17۔ اپریل ہیمو فیلیا کا عالمی دن 
• 21۔ اپریل سائنسی ایجادات اور تخلیقات کا عالمی دن 
• 22۔ اپریل زمین کا عالمی دن 
• 23۔ اپریل کتابوں کا عالمی دن 
• 25۔ اپریل ملیریا سے بچاﺅ کا عالمی دن 
• 26۔ اپریل حقوق ملکیت دانش کا عالمی دن (Intellectual Property Day) 
• 01۔ مئی مزدوروں کا عالمی دن 
• 03۔ مئی دمہ سے آگاہی کا عالمی دن 
• 12۔ مئی نرسوں کا عالمی دن 
• 17۔ مئی بلند فشار خون کا عالمی دن 
• 22۔ مئی حیاتیاتی تنوع کا عالمی دن 
• 23۔ مئی کچھوﺅں کا عالمی دن 
• 31۔ مئی تمباکو نوشی کا عالمی دن 
• 04۔ جون جارحیت کا شکار بچوں کا عالمی دن 
• 05۔ جون ماحولیات کا عالمی دن 
• 08۔ جون سمندروں کا عالمی دن 
• 12۔ جون محنت کش بچوں کا عالمی دن 
• 14۔ جون خون عطیہ کرنے کا عالمی دن 
• 20۔ جون پناہ گزینوں کا عالمی دن 
• 26۔ جون منشیات کے خاتمے کا عالمی دن 
• 11۔ جولائی آبادی کا عالمی دن 
• 28۔ جولائی ہیپاٹائٹس سے آگاہی کا عالمی دن 
• 09۔ اگست کو قدیم مقامی باشندوں کا عالمی دن
• 12۔ اگست نوجوانوں کا عالمی دن
• 04۔ ستمبر حجاب کا عالمی دن 
• 08۔ ستمبر خواندگی کا عالمی دن 
• 08۔ ستمبر پیرالمپک کا عالمی دن 
• 16۔ ستمبر اوزون کے بچاؤ کا عالمی دن 
• 21۔ ستمبر امن کا عالمی دن 
• 27۔ ستمبر سیاحت کا عالمی دن 
• 29۔ ستمبر امراض قلب کا عالمی دن 
• 02۔ اکتوبر عدم تشدد کا عالمی دن 
• 05۔ اکتوبر اساتذہ کا عالمی دن
• 10۔ اکتوبر ذہنی صحت کا عالمی دن
• 11۔ اکتوبر بیٹی سے محبت کا عالمی دن
• 12۔ اکتوبر انڈوں کا عالمی دن 
• 13۔ اکتوبر قدرتی آفات سے بچاؤ کا عالمی دن 
• 15۔ اکتوبر نابینا افراد کا عالمی دن 
• 16۔ اکتوبر خوراک کا عالمی دن 
• 17۔ اکتوبر غربت کا عالمی دن 
• 24۔ اکتوبر پولیو کا عالمی دن 
• 24۔ اکتوبر اقوام متحدہ کا عالمی دن 
• 28۔ اکتوبر جلد کی بیماری سورائسز سے آگہی کا عالمی دن 
• 14۔ نومبر ذیا بیطس کا عالمی دن 
• 15۔ نومبر سگریٹ نوشی سے انکار کا عالمی دن 
• 16۔ نومبر برداشت اور رواداری کا عالمی دن 
• 17۔ نومبر طالب علموں کا عالمی دن 
• 18۔ نومبر نمونیہ کے خلاف آگہی کا عالمی دن 
• 19۔ نومبر مردوں کا عالمی دن 
• 20۔ نومبر بچوں کا عالمی دن 
• 21۔ نومبر ماہی گیروں کا عالمی دن 
• 21۔ نومبر ٹی وی کا عالمی دن 
• 25۔ نومبرعورتوں پر تشدد کے خاتمے کا عالمی دن 
• 30۔ نومبر کمپیوٹر سیکورٹی کا عالمی دن 
• 01۔ دسمبر ایڈز کا عالمی دن 
• 03۔ دسمبر معذوروں کا عالمی دن 
• 05۔ دسمبر رضا کاروں کا عالمی دن 
• 07۔ دسمبر شہری ہوا بازی کا عالمی دن 
• 09۔ دسمبر انسداد بدعنوانی کا عالمی دن 
• 10۔ دسمبر انسانی حقوق کا عالمی دن 
• 11۔ دسمبر پہاڑوں کا عالمی دن
• 13۔ دسمبر ہاتھ دھونے کا عالمی دن
• 18۔ دسمبر مہاجر مزدوروں کا عالمی دن
• 20۔ دسمبر انسانی یک جہتی کا عالمی دن

*** پاکستان میں ہر سال مئی کا دوسرا اتوار ماؤں کا دن منایا جاتا ہے۔

*** ہر سال جولائی کے پہلے ہفتہ کے روز امداد باہمی کا عالمی دن منایا جاتا ہے۔

*** دنیا بھر میں ہر سال ابتدائی طبی امداد کا دن ستمبر کے دوسرے ہفتے میں منایا جاتا ہے۔

*** اقوام متحدہ کی جانب سے عالمی یوم سکونت ہر سال اکتوبر کے پہلے پیر منایا جاتا ہے۔

*** اقوام متحدہ کا ادارہ یونیسکو ہر سال نومبر کی تیسری جمعرات دنیا بھر میں فلسفے کا عالمی دن مناتا ہے۔

*** اقوام متحدہ کے تحت ہر سال نومبر کا تیسرا اتوار دنیا بھر میں ٹریفک حادثات کے شکار افراد کی یاد میں عالمی دن کے طور پر منایا جاتا ہے۔

زبان خامہ کی چند عام خامیاں

طالب الہاشمی

قائمقام؟

کچھ عرصہ سے ہمارے بعض صحافی دوست اپنی تحریروں میں ’’قائم مقام‘‘ کی جگہ ’’قائمقام‘‘ لکھ رہے ہیں۔ ایک ’’م‘‘ کو حذف کر دینا بِلا جواز ہے۔ ’’قائم مقام‘‘ ہی صحیح لفظ ہے۔ 

ناراضگی، حیرانگی، محتاجگی، درستگی وغیرہ؟

ناراضی، حیرانی، محتاجی اور درستی کی جگہ ناراضگی، حیرانگی، محتاجگی اور درستگی لکھنا اور بولنا فصاحت اور قاعدے کے خلاف ہے۔ فارسی قاعدہ یہ ہے کہ اگر اسمِ صفت کا آخری حرف ہ (ہا) نہ ہو تو حاصل مصدر بنانے کے لئے اس کے آخر میں ی (یا) لگاتے ہیں چنانچہ ناراض، حیران، محتاج، درست وغیرہ جتنے اسمائے صفات ’’ہ‘‘ پر ختم نہیں ہوتے ان کے حاصل مصدر ناراضی، حیرانی، محتاجی، درستی بنتے ہیں۔ صرف دو لفظ ’’ادا‘‘ اور ’’کرخت‘‘ اس قاعدے سے مستثنیٰ ہیں۔ ان کے حاصل مصدر کرختی اور ادائیگی کے بجائے کرختگی اور ادائیگی بنائے گئے ہیں ورنہ اصولاً جب کسی اِسم صفت کا آخری حرف ہ ہو تو ’’ہ‘‘ کی جگہ ’’گی‘‘ لگا کر اس کا حاصل مصدر بنایا جاتا ہے مثلاً عمدہ، شستہ، مردانہ، کمینہ، نمایندہ، فرزانہ، درندہ، زندہ، فریفتہ، وارفتہ، سنجیدہ کے حال مصدر عمدگی، شستگی، مردانگی، کمینگی، نمایندگی، فرزانگی، درندگی، زندگی، فریفتگی، وارفتگی، سنجیدگی ہوں گے۔ 

خوامخواہ؟

 صحیح لفظ ’’خواہ مخواہ‘‘ جس کا مطلب ہے ’’چاہو یا نہ چاہو‘‘ ایسے موقع پر بولا جاتا ہے جب کوئی شخص کسی دوسرے کے معاملے میں بِلاجواز یا زبردستی دخل دے۔ معلوم نہیں بعض اہلِ قلم اپنی تحریروں میں ’’خواہ‘‘ کے بعد ’’ہ‘‘ کو کیوں خذف کر دیتے ہیں۔

زبان خامہ کی چند عام خامیاں

گھریلو کام کرنے والی خواتین لمبی عمر پاتی ہیں

لندن: گھر کے کاموں میں مصروف رہنے والی خواتین صحت مند اور لمبی عمر پاتی ہیں۔ برطانیہ میں ہوئی ایک تحقیق کے مطابق گھریلو خواتین کو فٹ رہنے اور لمبی عمر پانے کے لئے چھ سے آٹھ گھنٹے گھریلو کاموں میں گزارنے چاہییں۔ ایسی خواتین کی نہ صرف عمر لمبی ہوتی ہے بلکہ ان کے جسم میں جوڑوں کا درد، شوگر اور بلڈ پریشر، جیسی بیماریوں سے لڑنے کی صلاحیت بھی بڑھتی ہے اور یوں گھریلو کاموں کی وجہ سے انہیں بغیر علاج کئی بیماریوں کی تکلیف سے چھٹکارا مل جاتا ہے۔

گھریلو کام کرنے والی خواتین لمبی عمر پاتی ہیں: تحقیق

سکھ فوجی نے 180 سالہ برطانوی روایت توڑ دی

جتندر پال سنگھ بھلا نامی سکھ فوجی نے برطانیہ کی ایک پرانی روایت توڑ دی ہے۔ وہ بکنگھم پیلس کے باہر تعینات سکاٹس گارڈز میں شامل پہلے فوجی ہیں جو سر پر انگریزوں کی کالی فر والی ٹوپی کی بجائے پگڑی پہنتے ہیں۔ جتندرپال سنگھ بھلا پگڑی پہننے کی سرکاری اجازت حاصل کر چکے ہیں۔

واضح رہے کہ بکنگھم پیلس کے باہر تعینات سکاٹس گارڈز سن 1832 سے کالی فر والی ٹوپیاں پہنتے ہیں۔ روایت کے مطابق ایسی ٹوپی آدھا میٹر لمبی اور سات سو گرام وزنی ہونی چاہئے۔

سکھ فوجی نے برطانیہ کی ایک پرانی روایت توڑ دی

جتندرپال سنگھ

لندن میں پاکستانی راتوں رات سپر سٹار بن گیا

ون پاؤنڈ فش؛ پاکستانی سپر سٹار شاہد نذیر

لندن میں مچھلی بیچنے والا پاکستانی نوجوان شاہد نذیر راتوں رات سپر سٹار بن گیا، یو ٹیوب پر ریلیز ہونے والی ویڈیو کو دو روز میں تین لاکھ اسی ہزار سے زائد شائقین دیکھ چکے ہیں۔

لندن کے بازار میں مچھلی بیچنے والے شاہد نذیر نے کبھی خواب میں بھی نہ سوچا ہوگا کہ یوں اچانک شہرت کی دیوی اس پر مہربان ہوجائے گی۔ روزگار کمانے کی نیت سے پاکستان سے برطانیہ جانے والے شاہد نذیر نے مچھلی فروخت کرنا شروع کی تو گاہکوں کو اپنی طرف متوجہ کرنے کے لئے اس نےخالص پاکستانی سٹائل میں آواز لگانے کا فیصلہ کیا۔ سریلا انداز گورے گاہکوں کو اتنا پسند آیا کہ سٹور کے باہر مچھلی خریدنے والوں کا رش رہنے لگا۔
 

ون پاؤنڈ فش، لندن میں پاکستانی راتوں رات سپر سٹار بن گیا

ودیا بالن جمعہ کو پیا گھر سدھار جائیں گی

فلم ڈرٹی پکچر سے شہرت کی بلندیوں کو چھونے والی معروف بھارتی اداکارہ ودیا بالن کی شادی 14 دسمبر کو تامل اور پنجابی رسم رواج کے مطابق انجام پائے گی۔

ایک بھارت چینل کے مطابق ودیا تامل ہونے کے ناطے سے چاہتی ہیں کہ ان کی شادی تامل رسم رواج کے مطابق انجام پائے جبکہ دوسری طرف ان کے ہونے والے شوہر سدھارتھ رائے کپور پنجابی ہونے کے باعث چاہتے ہیں کہ یہ شادی تامل کے ساتھ ساتھ پنجابی رسم و رواج کے مطابق ہو۔ ودیا بالن کے اہل خانہ نے تصدیق کی ہے کہ شادی کی مرکزی تقریب جمعے کو شہر چھمبور کے مندر میں ہوگی جبکہ بعد ولیمے کی تقریبات میں بالی وڈ کے تمام بڑے ستاروں کو مدعو کیا جائے گا۔

ودیا بالن جمعہ کو پیا گھر سدھار جائیں گی

’رقم نہیں دے سکتیں تو مجھ سے شادی کرنا ہوگی‘

افغانستان کے ایک اعلیٰ جج کی خفیہ ریکارڈنگ سامنے آئی ہے جس میں انہیں طلاق کے مقدمے میں مدد مانگنے والی ایک عورت سے رقم اور شادی کا مطالبہ کرتے ہوئے پایا گیا ہے۔ صوتی ریکارڈنگ میں جج ظہورالدین کو سنا جا سکتا ہے کہ وہ 20 سالہ خاتون دیوا سے نہ صرف دو ہزار ڈالر سے زیادہ کی رقم بلکہ ان کا رشتہ بھی مانگ رہے ہیں۔ ریکارڈنگ سامنے آنے کے بعد جج نے ان الزامات سے انکار کیا ہے اور کہا ہے کہ شادی کی تجویز محض ایک مذاق تھا۔

دیوا نے افغانستان کے شہر جلال آباد میں ہونے والی یہ گفتگو خفیہ طور پر ریکارڈ کی اور بی بی سی کو حاصل ہونے والی اس ریکارڈنگ میں ظہورالدین دیوا سے ایک لاکھ بیس ہزار افغانی یا دو ہزار امریکی ڈالر نقد رقم کا مطالبہ کرنے کے بعد ان سے بار بار شادی کا مطالبہ دہراتے ہیں۔

دیوا کا کہنا ہے کہ جب وہ مقدمے کی سماعت کے لیے عدالت پہنچیں تو ظہورالدین نے مقدمے میں مدد دینے کے لیے ان کے گھر آنے کی پیش کش کی اور گھر آنے کے بعد جج نے رقم کا مطالبہ کیا۔ دیوا کے مطابق ’جب بات رشوت دینے پر آئی تو میں نے اپنا ریکارڈر آن کر لیا اور ان کی آواز ریکارڈ کرنا شروع کر دی‘۔ دیوا ایک مقامی ریڈیو سٹیشن سے منسلک صحافی ہیں اور انہوں نے ریکارڈنگ کا سامان اپنے لباس میں چھپا رکھا تھا۔ بی بی سی کو حاصل شدہ ریکارڈنگ میں پینسٹھ سالہ جج کو اپنے لیے بیس ہزار جبکہ مقدمے کا فیصلہ کرنے والے جج کے لیے ایک لاکھ افغانی کا مطالبہ کرتے اور دیوا کی جانب سے اتنی رقم کی ادائیگی سے معذوری ظاہر کرنے پر ان سے شادی کا مطالبہ کرتے سنا جا سکتا ہے۔ ظہورالدین کو یہ کہتے بھی سنا جا سکتا ہے کہ ’میں تمہارے لیے بیس لاکھ دوں گا اور تمہیں سر سے پیر تک سونے سے لاد دوں گا‘۔

جب بی بی سی نے مذکورہ جج سے رابطہ کیا اور انہیں ثبوت دکھائے تو ان کا دعویٰ تھا کہ صحافی خاتون نے ریکارڈنگ میں تحریف کی ہے اور یہ سب ان کی ’ترقی روکنے کے لیے مخالفین کی سازش ہے‘۔ شادی کے مطالبے کے حوالے سے ظہورالدین نے کہا کہ وہ سب مذاق تھا لیکن یہ بات یاد رہے کہ اس پندرہ منٹ کی ریکارڈنگ میں انہوں نے شادی کا مطالبہ پندرہ مرتبہ دہرایا تھا۔ انہوں نےگفتگو کے دوران یہ دعویٰ بھی کیا کہ وہ اپنی حیثیت کا فائدہ اٹھا کر دیوا کے شوہر کو دھمکا کر شہر سے باہر بھجوا سکتے ہیں۔ دیوا کے اہلخانہ نے یہ صوتی ٹیپ کابل میں سپریم کورٹ کے حوالے کی ہے۔ بی بی سی کے نامہ نگار کے مطابق یہ واقعہ افغانستان کے عدالتی نظام میں پائی جانے والی بدعنوانی کو نمایاں کرتا ہے۔ افغانستان کی بدعنوانی کے نگران ادارے کے سربراہ نے بی بی سی کو بتایا ہے کہ وہ اس معاملے کی تحقیقات کا ارادہ رکھتے ہیں۔

’رقم نہیں دے سکتیں تو مجھ سے شادی کرنا ہوگی‘

کبھی یاد آئے تو پوچھنا

کبھی یاد آئے تو پوچھنا

ذرا اپنی خلوتِ شام سے

کیسے عشق تھا تیری ذات سے

کیسے پیار تھا تیرے نام سے

ذرا یاد کر کہ وہ کون تھا؟

جو کبھی تجھے بھی عزیز تھا

وہ جو جی اٹھا تیرے نام سے

وہ جو مرمٹا تیرے نام سے

ہمیں بے رخی کا نہیں گلہ

کہ یہی وفائوں کا ہے صلہ

مگر ایسا جرم تھا کون سا؟

گئے ہم دعا و سلام سے

نہ کبھی وصال کی چاہ کی

نہ کبھی فراق میں آہ کی

کہ میرا طریقہ بندگی ہے جدا

طریقہ عام سے

ڈرائیونگ صحت کے لیے نقصان دہ، بس میں سفر کے فوائد

لندن… برطانوی یونیورسٹی میں کی جانے والی ایک حالیہ تحقیق میں انکشاف کیا گیا ہے کہ ڈرائیونگ کرنا بھی صحت کے لیے نقصان دہ ثا بت ہو سکتا ہے، جب کہ پبلک ٹرانسپورٹ سے سفر کرنے کے بے شمار فوائد ہیں۔ سائیکولوجسٹ پر مبنی محققین کی ٹیم کے مطابق خود ڈرائیونگ کر کے سفر کرنے والوں میں ذہنی تناؤ کا تناسب بس سے سفر کرنے والے مسافروں سے زیادہ ہے، ڈرائیونگ کرنے والے افراد میں خراب ٹریفک، رش اور ٹریفک جام بلند فشارِ خون کا سبب بنتے ہیں اور وہ سفر کے دوران اور بعد میں بھی ذہنی دباؤ کا شکار رہتے ہیں۔ اس مطالعے میں کئی افراد پر کی گئی تحقیق کے تحت بس سے سفر کرنے والے افراد میں خود ڈرائیونگ کرنے والے افراد کی نسبت 33 فیصدکم ذہنی تناؤ سامنے آیا جبکہ اس مطالعے میں 93 فیصد شرکاء نے ڈرائیونگ کرنے کو ذہنی تناؤ کا سبب قرار دیا۔

ڈرائیونگ کرنا صحت کے لیے نقصان دہ،بس سے سفر میں فوائد

سگریٹ نوشی سے یاد داشت میں کمی

اسلام آباد: سگریٹ نوشی اور بلند فشار خون سے بڑی عمر کے افراد کی یاداشت اور توجہ میں کمی جبکہ کم عمر افراد کی سیکھنے کی صلاحتیں بری طرح متاثر ہوتی ہیں۔

کنگز کالج لندن میں کئی گئی حالیہ طبی تحقیق کے مطابق 50 سال سے زائد عمر کے سگریٹ پینے والے افراد کو ہائی بلڈ پریشر کی تکلیف کا سامنا ہوسکتا ہے جس سے دل کے دورے کے خدشات بڑھ جاتے ہیں۔ تحقیقی ٹیم نے کہا ہے کہ سگریٹ نوشی اور بلڈ پریشر سے بڑی عمر کے افراد اور نوجوان طبقہ بری طرح متاثر ہوتے ہیں۔ نوجوان طبقے کی یاداشت اور توجہ میں کمی کے علاوہ ان کی سیکھنے کی صلاحیتیں بھی متاثر ہوتی ہیں۔ سگریٹ نوشی سے دماغ اور پھیپھڑے بری طرح متاثر ہوتے ہیں۔ انہوں نے کہا کہ اچھی اور بھرپور صحت کے لئے سگریٹ نوشی سے اجتناب کرنے کی ضرورت ہے۔ اسی طرح بلڈ پریشر سے بچنے کے لئے سادہ غذا اور ورزش معمول بنا کر صحت مند طریقے سے زندگی بسر کی جاسکتی ہے۔

سگریٹ نوشی سے یاد داشت میں کمی

پاکستانی ہیکر نے بنگلہ دیشی ہیکر سے ویب سائٹ چُھڑا لی

لاہور: شیڈو گروپ نے بنگلہ دیشی ہیکر سے پنجاب اسمبلی کی ویب سائٹ کا کنٹرول حاصل کر کے ویب سائٹ پر ”پاکستان زندہ باد“ کا نعرہ تحریر کر دیا۔

اس سے قبل کریک برین نامی بنگلہ دیشی ہیکر نے پنجاب اسمبلی کی ویب سائیٹ پر پیغام چھوڑا تھا کہ شیڈو 008 نامی پاکستانی ہیکر نے ان کی سیکڑوں بنگلہ دیشی ویب سائیٹ ہیک کی تھیں جس کے جواب میں یہ کارروائی کی گئی ہے، بنگلہ دیشی ہیکر نے ویب سائٹ پر پیغام دیا ہے کہ اگر ہماری ویب سائیٹس ہیک کرنے کا سلسلہ بند نہ ہوا تو مزید پاکستانی ویب سائیٹس ہیک کریں گے۔

بنگلہ دیش ہیکر نے ایف آئی اے سے شیڈو 008 نامی پاکستانی ہیکر کے خلاف کارروائی کا بھی مطالبہ کیا ہے دوسری جانب سپیکر رانا اقبال نے ویب سائٹ ہیک کرنے کا نوٹس لیتے ہوئے متعلقہ حکام کو فوری طور پر رپورٹ پیش کرنے کا حکم دیا تھا جس کے بعد پاکستانی ہیکر شیڈو گروپ نے بنگلہ دیشی ہیکر سے ویب سائٹ کا کنٹرول حاصل کر کے ویب سائٹ پر ”پاکستان زندہ باد“ کا نعرہ لکھ دیا.
 

شیڈو گروپ نے بنگلہ دیشی ہیکر سے ویب سائٹ کا کنٹرول حاصل کرلیا

عالمی کبڈی چیمپئن شپ، پاکستانی ٹیم ناقابل شکست

لدھیانہ: تیسری عالمی کبڈی چیمپئن شپ میں پاکستانی ٹیم نے اٹلی کو زیر کر کے سیمی فائنل میں جگہ بنالی۔ بھارت کے شہر لدھیانہ میں کھیلے گئے میچ میں پاکستانی ٹیم نے ایونٹ میں اپنی شاندار فارم برقرار رکھتے ہوئے مضبوط اٹلی کی ٹیم کو آؤٹ کلاس کر دیا۔ پاکستانی ٹیم کے بہترین کھیل نے حریف ٹیم کی ایک نہ چلنے دی اور انہیں پورے میچ میں پاکستانی ٹیم کے جارحانہ کھیل کا سامنا کرنا پڑا۔ ایونٹ میں یہ پاکستانی کبڈی ٹیم کی مسلسل تیسری فتح ہے۔ 

پاکستانی ٹیم نے ابتدائی میچ میں سیر الیون اور دوسرے میچ میں سکاٹ لینڈ کو یک طرفہ مقابلے کے بعد زیر کیا تھا۔ پاکستان ٹیم نے گذشتہ دنوں روایتی حریف بھارت کو ہرا کر ایشیا کپ کا ٹائٹل جیتنے کا اعزاز حاصل کیا تھا۔ اسے موجودہ فارم کو پیش نظر رکھتے ہوئے عالمی ٹائٹل کے لئے مضبوط امیدوار تصور کیا جا رہا ہے۔ میگا ایونٹ کے سیمی فائنلز 12 دسمبر کو کھیلے جائیں گے جبکہ فائنل 15 دسمبر کو کھیلا جائےگا۔

عالمی کبڈی چیمپئن شپ، پاکستان کا ناقابل شکست رہنے کا ریکارڈ

ذرا تم رات ہونے دو

ذرا تم رات ہونے دو

میں تتلیوں کو سُلا دوں گا
ذرا تم رات ہونے دو
میں جگنوؤں کو جگا دوں گا
ذرا تم رات ہونے دو

میری نمناک آنکھوں کو
نہ دیکھو تم حقارت سے
میں تم کو بھی رُلا دوں گا
ذرا تم رات ہونے دو

کہاں آغاز ہوتا ہے
کہاں انجام ہوتا ہے
ہُنر سارے سکھا دوں گا
ذرا تم رات ہونے دو

جو تم نے مجھ سے پوچھا ہے
کہاں ہو گی تمھاری رات
جہاں ہو گی بتا دوں گا
ذرا تم رات ہونے دو

دو روپے پچاس پیسے + ٹیکس میں 500 ایس ایم ایس

ZONG always focuses on giving YOU innovative yet hassle-free products to make your SMS communication easier! ZONG was the first operator in Pakistan to introduce Daily SMS Bundle to provide YOU with the simplest means to SMS 24/7. ZONG now has the largest variety of SMS Bundle packages for YOU to choose the package most suitable for YOUR lifestyle.

ZONG now introduces its latest SMS Bundle – Pakistan’s Best Daily SMS Bundle @PKR 2.50 + T. To subscribe dial *704# from your mobile.

With Pakistan’s Best Daily SMS Bundle @PKR 2.50 + T, ZONG proves it offers the best range of SMS packages for YOU to select – Now Say It All and SMS It All – only with ZONG!

500 SMS for whole day for only Rs 2.50 + T On exceeding 500 SMS, additional SMS will be charged as per tariff plan This bundle is valid for 24 hours only In order to re-subscribe, your number should be active and you must have sufficient balance available.

انتخابات میں‌ کس جماعت کی کامیابی کا امکان ہے؟

آئندہ عام انتخابات میں‌ کس سیاسی جماعت کی کامیابی کا زیادہ امکان ہے؟

کے عنوان سے ایک ووٹ پول شروع کیا گیا ہے، اس کے ذریعے کوئی بھی شخص ممشاز بلاگ پر اپنی رائے کا اظہار کرسکتا ہے۔ اس کے لئے لاگ اِن کرنے کی ضرورت نہیں۔ اس ووٹ پول کے لئے چار بڑی سیاسی جماعتوں کے نام دیئے گئے ہیں ووٹ دینے کے لئے کسی ایک پارٹی کا چناؤ کرنا ہے۔ ووٹ پول کا سیاسی یا کوئی دوسرا مقصد نہیں ہے۔


1۔ پاکستان پیپلز پارٹی
2۔ پاکستان مسلم لیگ ن
3۔ پاکستان مسلم لیگ ق
4۔ پاکستان تحریک انصاف

شکیل آفریدی نے سی آئی اے حکام سے 4 ملاقاتیں کیں

شکیل آفریدی کو مخبری کے دس ہزار ڈالر ملے، رابطے کے لئے سپیشل ڈیوائس تیار ہوئی۔ ہیپاٹائٹس ٹیسٹ کے بہانے اسامہ کے بچوں کے سیمپل امریکا بھجوائے گئے۔ اہلیہ کی وائس میچنگ بھی کی گئی۔ ایبٹ آباد کمیشن کی رپورٹ دنیا نیوز نے حاصل کر لی۔

ایبٹ آباد کمشن رپورٹ میں انکشاف کیا گیا ہے کہ اسامہ بن لادن کی گرفتاری میں اہم کردار ادا کرنے والے ڈاکٹر شکیل آفریدی آخری وقت تک اس بات سے لاعلم تھے کہ ایبٹ آباد کمپاونڈ میں جن افراد کی ڈی این اے سیمپلنگ انہیں کرنی ہے وہ کوئی اور نہیں اسامہ کے بچے ہیں۔ ڈاکٹر شکیل آفریدی کی سی آئی اے کے لوگوں کے ساتھ پہلی ملاقات پشاورمیں ایک بین الاقوامی این جی او کے دفتر میں ہوئی تین سے چار ملاقاتوں میں ڈاکٹر شکیل آفریدی نے ایبٹ آباد کے اس علاقے میں جہاں اسامہ کا کمپاونڈ موجود تھا ہیپاٹائٹس کے خلاف مہم چلانے کی حامی بھر لی۔ ڈاکٹر شکیل آفریدی نے اس علاقے میں تین بار ہیپاٹائٹس کے خلاف کمپئین چلائی مگر اسامہ بن لادن کے بچوں کو قطرے پلا سکے نہ اس کی آڑ میں سمپلنگ ہو سکی جس کے بعد ڈاکٹر شکیل آفریدی نے ایک لیڈی ہیلتھ وزیٹر کو تیس ہزار روپے انعام کا لالچ دیا اور کہا کہ اگر اس کمپاونڈ میں رہنے والے بچوں کی سمپلنگ نہ ہو سکی تو ہمارا پروگرام بند ہو جائے گا۔ لیڈی ہیلتھ وزیٹر نے اسامہ کے ساتھ رہائش پذیر خالد الکویتی کے ساتھ تعلقات استوار کئے اور اس کے ذریعے ڈی این اے سمپل حاصل کرنے کی کوشش شروع کر دی۔ خالد الکویتی نے اس شرط پر کہ وہ گھر میں داخل نہیں ہو گی۔ بچوں کو باہر بلا کر ویکسین پلانے کی اجازت دے دی اور لیڈی ہیلتھ وزیٹر اپنے مقصد میں کامیاب ہو گئی۔ یہ سمپل کنفرمیشن کے لئے امریکہ بجھوائے گئے۔ رپورٹ میں یہ انکشاف بھی کیا گیا ہے کہ شکیل آفریدی کے پاس سی آئی اے کی دی ہوئی ایک ڈیوائیس تھی جس پر اسلام آباد سے سی آئی اے کی ایک خاتون اہلکار ان کے ساتھ رابطہ کرتی تھی۔ رپورٹ میں یہ بھی کہا گیا ہے کہ شکیل آفریدی کو اسلام آباد بلایا جاتا تھا۔ اس دوران ایک بڑی گاڑی میں سی آئی اے کی ایک لیڈی ایجنٹ لیٹ کر سفر کرتی تھی تاکہ گاڑی بظاہر خالی محسوس ہو۔ ایجنسیوں کے پیچھا کرنے کا خدشہ دور ہونے پر شکیل آفریدی کو اس گاڑی میں سوار کرایا جاتا اور وہ بھی اس گاڑی میں لیٹ کر سفر کرتے جنہیں ہدایات دینے کے بعد گاڑی سے اتار دیا جاتا۔ اسامہ کے کمپاونڈ کی مکمل معلومات بھی سی آئی اے کو ڈاکٹر شکیل کو دی گئی ڈیوائیس کے ذریعے حاصل ہوئیں، اسامہ کی اہلیہ خیریہ کی وائس میچنگ بھی ڈاکٹر شکیل آفریدی کی ایک اسسٹنٹ ڈاکٹر آمنہ کے ذریعے کی گئی۔ رپورٹ کے مطابق ڈی این اے کی کنفرمیشن پر ڈاکٹر شکیل آفریدی کو ہدایت ملی کہ وہ تین روز میں اپنا پراجیکٹ وائینڈ اپ کر دیں۔ اپنی جائیداد کا انتظام کریں اور امریکہ شفٹ ہو جائیں۔ آپریشن کے دن تک سی آئی اے ڈاکٹر شکیل کو پاکستان چھوڑنے کا کہتی رہی انہیں بگرام کے راستے افغانستان لے جانے کی پیش کش بھی کی گئی لیکن وہ لیت لعل سے کام لیتے رہے اور آپریشن کے بعد انہیں گرفتار کر لیا گیا۔ رپورٹ کے مطابق ڈآکٹر شکیل آفریدی کو سی آئی سے اس کام کے عوض دس ہزار ڈالر دئیے گئے۔

شکیل آفریدی نے سی آئی اے حکام سے 4 ملاقاتیں کیں: ایبٹ آباد کمیشن

یوکرین میں 6 کلو گرام سے زائد وزنی بچے کی پیدائش

یوکرین کے صوبہ زاپوروژئے کے شہر میلی توپول میں میکسم درانک اور الینا کے ہاں 6 کلو گرام دو سو اسی گرام وزنی بچہ پیدا ہوا۔ بچے کا قد 64 سینٹی میٹر ہے۔ بچے کے قد اور وزن کی دنیا میں مثال نہیں ملی۔ یہ بات میلی توپول سٹی کونسل نتالیا فیدوروا نے بتائی۔

میلی توپول سٹی میٹرنٹی ہسپتال کے ڈاکٹروں کا کہنا ہے کہ یہ بچہ پانچ مہینے کے بچے کے برابر ہے۔ اکتیس سالہ ماں کا یہ تیسرا بچہ ہے۔ بچے کی ماں الینا نے اس بات پر افسوس کا اظہار کیا کہ سارے کپڑے اس کے بچے کے لئے بہت کم ثابت ہوئے اور اب انہیں بڑے کپڑے خریدنا پڑیں‌ گے۔ ماں اور بچے کی صحت ٹھیک ہے۔

یوکرین میں چھہ کلوگرام دو سو گرام وزنی بچہ پیدا ہوا

چاول کی ریکارڈ فصل والا بیج بنا لیا، پاکستانی سائنسدان

پاکستان کے ایک سائنسدان نے دعویٰ کیا ہے کہ وہ چاول کی زیادہ سے زیادہ پیداوار دینے والے ایک نئے بیج کی تیاری میں کامیاب ہو گئے ہیں۔ پاکستان کی ہزارہ یونیورسٹی مانسہرہ میں شعبہ جینیات کے پروفیسر ڈاکٹر فدا ایم حسین کا کہنا ہے کہ جدید ٹیکنالوجی سپر این پی ٹی کی مدد سے انہوں نے ایسا بیج تیار کیا ہے جس سے چاول کی زیادہ سے زیادہ فصل حاصل کی جا سکتی ہے۔ ان کا دعویٰ ہے کہ اس ٹیکنالوجی کے ذریعے فی ایکڑ 15 ٹن تک پیداوار حاصل کی جا سکتی ہے جبکہ عام طور پر تیار کی جانے والے فصل سے فی ایکڑ پانچ ٹن چاول حاصل ہوتے ہیں۔ ڈاکٹر فدا ایم حسین نے ڈی ڈبلیو کو بتایا کہ وہ گزشتہ 12 برس سے ایک منصوبے پر کام کر رہے تھے جس کے ذریعے چاول کے پودے کے تنے کی موٹائی اور لمبائی میں اضافے کے ساتھ اس کے پتوں کا حجم بھی بڑھایا جا سکے تاکہ زیادہ سے زیادہ فصل حاصل کی جا سکے۔

انہوں نے کہا: ’’میں ایسی فصل تیار کرنے میں کامیاب ہو گیا ہوں جس کا قد چھ فٹ ہے۔ اس کے تنے کی موٹائی 1.2 سینٹی میٹر ہے جبکہ عام طور پر دستیاب قسم کے تنے کی موٹائی 0.4 سینٹی میٹر ہے۔ اس کا خوشہ ایک سے ڈیڑھ فٹ لمبا ہے جس سے چاول کے چھ سو سے آٹھ سو دانے حاصل ہوئے۔ پیداوار کے تناسب سے یہ دنیا میں چاول کی سب سے زیادہ پیداوار دینے والی فصل ہے۔“

ڈاکٹر فدا کے مطابق انہوں نے فصل کی تیاری میں بائیو ٹیکنالوجی استعمال کرتے ہوئے فصل میں جینیاتی تبدیلی نہیں کی بلکہ اسے روایتی طریقے سے حاصل کیا ہے: انہوں نے کہا: ’’اس کے لئے ہم نے نئی اور پرانی ورائٹی جو ساٹھ برس قبل استعمال ہوتی تھی، انہیں لیتے ہوئے کئی تجربات کیے، ان کی کئی فصلیں تیار کیں اور ان کے کئی جین پولز کو اکٹھا کیا جس کے بعد ہم اس نئی ٹیکنالوجی کے ذریعے زیادہ پیداوار دینے والی فصل تیار کرنے میں کامیاب ہوئے۔ اس کے ذریعے صرف باسمتی چاول ہی نہیں بلکہ تمام صوبوں سے حاصل ہونے والی ورائٹی کے چاولوں کی زیادہ فصل حاصل کی جا سکتی ہے۔‘‘

ڈاکٹر فدا کا کہنا ہے کہ انہیں حکومتی سطح پر کسی قسم کی مدد نہیں دی گئی اور نہ ہی اس تجربے کی کامیابی کے بعد دی جا رہی ہے: ’’میں نے پاکستان ایگری کلچر ریسرچ کونسل کے علاوہ پاکستان کوآڈینیٹر رائس کو بھی لکھا جس کے بعد ان اداروں کے ممبران نے آکر میری اس فصل کو دیکھا اور پرکھا۔ اس قت کئی غیر ملکی ایجنسیاں اور پاکستانی نجی ادارے میری اس ٹیکنالوجی میں دلچسپی ظاہر کر رہے ہیں ۔ تاہم میں چاہتا ہوں کہ حکومت اس منصوبے سے فائدہ اٹھائے اور اس کے ہائبرڈ کی تیاری میں میری معاونت کرے تو پاکستان دنیا میں چاول کی طلب کو بڑی حد تک پورا کر سکتا ہے۔“

چین ، بھارت اور انڈونیشیا کے بعد پاکستان چاول پیدا کرنے والا دنیا کا چوتھا بڑا ملک ہے۔ پاکستانی معیشت کو سہارا دینے والے اجناس میں چاول دوسری سب سے اہم خوراک ہے پاکستان میں سالانہ اوسطاً چھ ملین ٹن چاول پیدا ہوتا ہے۔

چاول کی ریکارڈ فصل دینے والا بیج بنا لیا، پاکستانی سائنسدان کا دعویٰ

شہزادی کے لیے جعلی ٹیلی فون کال، نرس کی خود کشی

لندن — شہزادی کیتھرین کے حاملہ ہونے کی خبر جہاں ساری دنیا نے بہت خوشی سے سنی وہیں جمعہ کو لندن کے کنگ ایڈورڈ ہسپتال کی ایک نرس جاکینتا سیلڈانہ کی خود کشی کی خبر نے ساری دینا کو اداس کر کے رکھ دیا۔ شہزادی کیٹ ان دنوں حاملہ ہیں اور انھیں شدید کمزوری کے باعث گزشتہ پیر کی دوپہر اس ہسپتال میں لایا گیا تھا جہاں وہ چند دن زیر علاج رہنے کے بعد جمعرات کو ہسپتال سے رخصت ہو کرسینٹ جیمس پیلس منتقل ہوچکی ہیں۔ ہسپتال ذرائع نے اس خبر کی تصدیق کی ہے کہ مرنے والی مسز سیلڈانہ ہی وہ نرس تھی جس نے سڈنی ریڈیو کے میزبانوں کی جھوٹی فون کال کو شہزادی کے کمرے میں منتقل کیا تھا۔ سیلڈانہ دو بچوں کی ماں تھی۔ جمعہ کی صبح ساڑھے نو بجے وسطی لندن کی رہائش گاہ سے اس کی لاش برآمد ہوئی۔ سکاٹ لینڈ یارڈ کے مطابق فی الحال اس کیس کو شک کی نظر سے نہیں دیکھا جا رہا ہے۔

برطانوی اخبار ’دی گارڈین‘ کی خبر کے مطابق جھوٹی فون کال منگل کے روز سڈنی آسٹریلیا کے مشہور ’ٹو ڈے ایف ایم ریڈیو‘ کے دو میزبانوں میل جریگ اور مائیکل کرسٹین نے اس ہسپتال میں کی اور انھوں نے برطانوی لب و لہجہ میں خود کو ملکہ برطانیہ اور شہزادہ چارلس ظاہر کرتے ہوئے شہزادی کیٹ کی خیریت دریافت کی۔ اس مذاق کا شکار بننے والی نرس جاکینتا سیلڈانہ نےاس کال کو ملکہ برطانیہ کی کال سمجھتے ہوئے شہزادی کی تیمارداری میں مصروف نرس کو ٹرانسفر کر دیا اس طرح دونوں میزبان شہزادی کی صحت سے متعلق تازہ ترین صورت جاننے میں کامیاب ہو گئے۔

سینٹ جیمز پیلس کے ترجمان کے مطابق شہزادی کیتھرین اور شہزادہ ولیم کو نرس کی موت سے گہرا دکھ پہنچا ہے اور وہ مصیبت کی اس گھڑی میں مسز سیلڈانہ کے خاندان اور ہسپتال انتظامیہ کے ساتھ ہیں۔ ذرائع نے مزید کہا کہ شہزادی کیٹ اور شہزادہ ولیم کی جانب سے اس جھوٹی فون کال پر ہسپتال انتظامیہ سے شکایت درج نہیں کرائی گئی تھی۔ ادھر کنگ ایڈورڈ ہسپتال انتظامیہ کا کہنا ہے کہ 46 سالہ سیلڈانہ کو اس واقعہ کے بعد ملازمت سے بر طرف نہیں کیا گیا تھا اور انتظامیہ اس موقع پر اس کے ساتھ کھڑی تھی۔

سڈنی ریڈیو پر دونوں میزبانوں نے اپنے شو میں ہسپتال کوجھوٹی فون کال کرنے کا سارا واقعہ من و عن پیش کیا، دنیا بھر کے میڈیا کی طرف سے بھی اس خبر کو شہ سرخیوں میں جگہ ملی۔ شو کے اختتام پر ریڈیو انتطامیہ نے اس مذاق پر شاہی خاندان سے معذرت بھی کی تھی۔ سیلڈانہ کی خود کشی کی خبر پر دنیا بھر کے لوگوں کی جانب سے سڈنی ریڈیو کو تنقید کا سامنا ہے جبکہ ریڈیو انتظامیہ نے دونوں میزبانوں کو فی الحال شو کرنے سے روک دیا ہے۔ 

شہزادی کے لیے جعلی کال، نرس کی خود کشی

بازار جانے کی دعا

لِپ سٹک کے استعمال سے دماغ پر اثر پڑ سکتا ہے

لِپ سٹک لگانے والی خواتین ہوشیار ہو جائیں کیونکہ نئی تحقیق کے مطابق لِپ سٹک کے استعمال سے دماغ پر اثر پڑ سکتا ہے۔ تحقیق کے مطابق زیادہ تر لِپ سٹک مصنوعات میں سيسا موجود ہوتا ہے جس کی ہلکی سی مقدار بھی دماغ اور سیکھنے کی صلاحیت کو متاثر کرتی ہے۔ ایک امریکی میگزین کی طرف سے کرائے گئے سروے میں 22 لِپ سٹک برانڈز کو شامل کیا گیا۔ ان میں 55 فیصد لِپ سٹک میں زہریلے عناصر پائے گئے۔ امریکا میں کی گئی تحقیق میں 12 لِپ سٹک مصنوعات میں سيسا پایا گیا ان میں سيسا بہت زیادہ مقدار میں پایا گیا جو دماغ کے لیے انتہائی خطرناک ہوتا ہے۔ ماہرین نے خواتین کو متنبہ کیا ہے کہ سيسے کی کم مقدار سے بھی صحت کے لیے سنگین خطرے پیدا ہو سکتے ہیں اور اس سے دماغی صحت پر اثرات پڑ سکتا ہے۔
 

لپيسٹک کے استعمال سے دماغ پر اثر پڑ سکتا ہے: تحقیق