اینڈرائڈ فون تک رسائی کی ’ماسٹر کی‘

سکیورٹی کمپنی بلیو بکس نے ایک ایسی ’ماسٹر کی‘دریافت کی ہے جس کی مدد سے سائبر چور اینڈرائڈ کے کسی بھی فون تک رسائی حاصل کرسکتے ہیں۔ یہ ایسا بگ ہے جس کی مدد سے سائبر حملہ آور اپنے مرضی سے ہدف بنایا گیا فون استعمال کر سکتے ہیں۔ وہ فون سے ڈیٹا چرا سکتے ہیں،اس فون پر کی جانے والی گفتگو خفیہ طور پر سن سکتے ہیں اور فون کو جنک یا بےکار پیغامات بھیجنے کے لئے استعمال کر سکتے ہیں۔ گوگل نے کہا ہے کہ وہ ابھی بلیو بکس کی دریافت پر کوئی تبصرہ نہیں کریں گے۔

بلیو بکس کے بلاگ میں جیف فوریسٹل نے لکھا ہے کہ ماسٹر کی یا بگ کی دریافت کے اثرات بہت زیادہ تھے۔ بگ اینڈرائڈ فون پر انسٹال پروگراموں کی تصدیق کے طریقۂ کار کی وجہ سے پیدا ہوتا ہے۔ جیف فوریسٹل نے کہا کہ اینڈرائڈ کسی اپلیکیشن یا پروگرام کی اصلیت چیک کرنے کے لئے کریپٹوگرافک ڈیجیٹل دستخط استعمال کرتا ہے۔ ان کے ساتھیوں نے ایسا طریقہ دریافت کرلیا ہے جس کے ذریعے اینڈرائڈ کو چکر دیا جاتا ہے اور اسے پروگراموں میں کی جانے والی اُلٹی سیدھی تبدیلیوں کا پتہ نہیں چلتا۔ کسی بھی پروگرام کو جو یہ بگ استعمال کرے گا فون تک ایسے ہی رسائی ہوگی جو ایک قانونی اپلیکیشن کو ہوتی ہے۔

بلیو بکس نے بگ کی دریافت کے بارے میں گوگل کو فروری میں بتایا تھا۔ جیف فوریسٹل کا اس سال اگست میں بلیک ہیٹ ہیکر کے نام سے ہونے والی کانفرنس میں اس مسئلے کے بارے میں مزید انکشافات کرنے کا ارادہ ہے۔

اینڈرائڈ فون تک رسائی کی ’ماسٹر کی‘

ناپسندیدہ ایس ایم ایس کی پی ٹی اے کو شکایت کریں

اگر آپ کو اپنے موبائل پر اشتہاری یا ایسے ایس ایم ایس موصول ہورہے ہوں جو آپ کی مرضی کے بغیر بھیجے جارہے ہیں اور بعض اوقات کوئی نامعلوم شخص بھی خواہ مخواہ ایس ایم ایس کرنا شروع کردیتا ہے۔ یہ تمام صورتیں غیرقانونی ہیں۔ ایسی صورت میں آپ پاکستان ٹیلی کام اتھارٹی کو شکایت کرسکتے ہیں۔ شکایت کرنے کا بہت ہی آسان طریقہ ہے اور اس کے کوئی زیادہ چارجز بھی نہیں ہیں۔ شکایت کرنے کے لئے آپ کو صرف ایک ایس ایم ایس 9000 پر کرنا ہے، 9000 پر ایس ایم ایس کرنے کے صرف 10 پیسے جمع ٹیکس چارجز وصول کئے جائیں گے۔ اس سے آپ کی شکایت آپ کی کمپنی کے پاس درج ہوجائے گی اور آپ کو شکایت کے اندراج کی ایس ایم ایس کے ذریعے اطلاع بھی کی جائے گی۔

طریقہ؛

• آپ نے جس ایس ایم ایس کے بارے میں شکایت کرنی ہے وہ کھولیں اور اس میں سب سے اوپر وہ موبائل نمبر لکھیں جس سے آپ کو ایس ایم ایس کیا گیا ہے پھر سپیس دے کر اس ایس ایم ایس کی تفصیل دیں یعنی ایس ایم ایس میں جو پیغام دیا گیا وہ شامل کریں اور پھر 9000 پر بھیج (send کریں) دیں۔ جس کے جواب میں آپ کو شکایت کے اندراج کی اطلاع اور شکایت کے نمبر سے آگاہ کیا جائے گا۔

سام سنگ گلیکسی ایس فور کی رونمائی

سام سنگ کی جانب سے اگلا بڑا فون آ چکا، آج صبح نیو یارک میں سام سنگ گلیکسی ایس IV کی رونمائی ہوگئی۔ فون اپنی انقلابی خصوصیات کے باعث سمارٹ فون انڈسٹری کی تاریخ کے بہترین فونز میں سے ایک ہے۔

4.99 انچ کے فل ایچ ڈی ڈسپلے، 13 میگا پکسل کے کیمرے اور 8 کور پروسیسر کے ساتھ، یہ فون میدان میں موجود ہر فون کو پچھاڑنے کی صلاحیت رکھتا ہے۔

تفصیلات:
آپریٹنگ سسٹم: اینڈرائیڈ او ایس، ورژن 4.2.2 (جیلی بین)
سی پی یو: کویڈ-کور 1.6 گیگاہرٹز کورٹیکس-اے 15 اور کویڈ کور 1.2 گیگاہرٹز کورٹیکس-اے 7
چپ سیٹ: ایکسی نوس 5 اوکٹا 5410
جی پی یو پاور وی آر ایس جی ایکس 544 ایم پی 3

ڈیزائن:
پیمائش: 5.38 ضرب 2.75 ضرب 0.31 انچ
وزن: 130 گرام

ڈسپلے:
قسم: سپر امولڈ کیپے سیٹو ٹچ اسکرین، 16 ملین رنگ
حجم: 1080 ضرب 1920، 4.99 انچ (~441 پی پی آئی پکسل ڈینسٹی)
پروٹیکشن: کورننگ گوریلا گلاس 3

میموری:
کارڈ سلاٹ: مائیکرو ایس ڈی، 64 جی بی تک
انٹرنل: 16، 32 اور 64 جی بی اسٹوریج، 2 جی بی ریم
کنیکٹیوٹی: جی پی آر ایس، ایج، ایچ ایس ڈی پی اے، 42.2 ایم بی پی ایس؛ ایچ ایس یو پی اے: 5.76 ایم بی پی ایس؛ ایل ٹی ای، کیٹ 3، 50 ایم بی پی ایس یو ایل، 100 ایم بی پی ایس ڈی ایل، وائی فائی 802.11 اے/بی/جی/این/اے سی، وائی فائی ڈائریکٹ، وائی فائی ہاٹ اسپاٹ، بلوٹوتھ، این ایف سی، انفراریڈ پورٹ، مائیکرو یو ایس بی ورژن 2.0 (ایم ایچ ایل)، یو ایس بی آن-دی-گو، یو ایس بی ہوسٹ
بنیادی کیمرہ: 13 میگاپکسل، 4128 ضرب 3096 پکسل، آٹوفوکس، ایل ای ڈی فلیش
خصوصیات: ڈوئیل شوٹ، بیک وقت ایچ ڈی وڈیو اور امیج ریکارڈنگ، جیو-ٹیگنگ، ٹچ فوکس، فیس اور اسمائیل ڈٹیکشن، امیج اسٹیبلائزیشن، ایچ ڈی آر
ثانوی کیمرہ: 2 میگاپکسل
بیٹری: لیتھیم آئیون 2600 ایم اے ایچ بیٹری

ڈیزائن:
فون کا ڈیزائن نوٹ II اور گلیکسی ایس III سے ملتا جلتا ہے۔ یہ بھی “بدنام زمانہ” پولی کاربونیٹ پلاسٹک ہی کا بنا ہوا ہے لیکن بہرحال اس کے اپنے فوائد ہیں۔ یہ وزن کو کم رکھتا ہے اور فون کی پائیداری میں اضافہ کرتا ہے، جوبہت اہم خصوصیات ہیں۔ البتہ فون کے گرد ایک پتلی سی دھاتی تہہ ضرور موجود ہے۔ لیکن پھر بھی بمشکل ہی یہ پریمیم قسم کی چیز ہے۔
فون کی مکمل باڈی کا وزن صرف 130 گرام ہے اور محض 7.9 ملی میٹر کی موٹائی کے ساتھ بہت ہی پتلا ہے۔ لمبائی اور چوڑائی بالترتیب 136.6 اور 69.8 ملی میٹر ہیں۔

ڈسپلے:
ڈسپلے گلیکسی ایس IV کے مضبوط ترین پہلوؤں میں سے ایک ہے۔ یہ 4.99 انچ کی اسکرین اور 1920 ضرب 1080 کے زبردست فل ایچ ڈی ریزولیوشن کا حامل ہے۔ 441 پی پی آئی ہی اپنی نہاد میں ایک بہت بڑی کامیابی ہے۔ اس میں امولڈ یونٹ بھی ہے اس لیے رنگ بہت شوخ اور مختلف زاویوں سے نظارہ بہت زبردست ہے۔ اسے کورننگ گوریلا گلاس 3 پروٹیکشن بھی حاصل ہے۔
یہ دراصل ایک پینٹائل میٹرک ڈسپلے ہے لیکن اس نے ڈسپلے کو بہت زیادہ متاثر نہیں خصوصاً ریزولیوشن کی وجہ سے۔ لیکن آپ اس امر کو جھٹلا نہیں سکتے کہ یہ پوری فون انڈسٹری میں نیا معیار ہے اور تمام فون کمپنیوں کو اپنے اہم فون اس ڈسپلے کو ذہن میں رکھ کر بنانے ہوں گے۔

آپریٹنگ سسٹم:
سام سنگ کے حالیہ فلیگ شپ فونز کی طرح گلیکسی ایس IV بھی جدید ترین سافٹویئر چلاتا ہے۔ اس میں اینڈرائیڈ 4.2.2 جیلی بین شامل ہے جو گوگل کا جدید ترین اینڈرائیڈ سافٹویئرہے۔
اس پر سام سنگ کے ٹچ وِز یو آئی کا تڑکا بھی لگایا گیا ہے جسے ونیلا اینڈرائیڈ کے مقابلے میں بعض افراد پسند نہیں کرتے لیکن پھر بھی اس میں کچھ انوکھی اور نئی خصوصیات شامل ہیں اس لیے بہرحال اس میں کوئی مسئلہ نہیں ہے۔
گزشتہ سال کی طرح گلیکسی ایس IV بہت شاندار سافٹویئر ٹرکس بھی ساتھ لایا ہے۔ اس میں ایس-وائس شامل ہے جسے آپ اینڈرائیڈ کا سری کہہ سکتے ہیں۔ اسمارٹ پاز اس وقت وڈیو کو روک دیتا ہے جب آپ اسکرین سے نظریں ہٹا لیتے ہیں۔ اسمارٹ اسکرول اس وقت ویب پیجز کو اسکرول کرتا ہے جب آپ بیک وقت ڈیوائس کو جھکاتے اور دیکھتے ہیں۔ اس میں ایس-ہیلتھ اور ایس-ٹرانسلیٹر بھی شامل ہیں۔ ہوائی اشارے بھی ایک حیران کن خاصیت ہیں جو آپ کو اسکرین کے سامنے صرف ہاتھ ہلا کر مختلف کام انجام دینے کی سہولت دیتے ہیں۔ آخر میں ہوور-ٹچ آپ کو ڈسپلے کے اوپر اپنی انگلی پھرانے سے ہی مختلف کاموں کی اجازت دیتا ہے۔ وڈیو/آڈیو کوڈیک سپورٹ بھی بہت زبردست ہے۔

ہارڈویئر:
گلیکسی ایس IV میں بھاری بھرکم ہارڈویئر شامل ہے۔ اس میں 4 کور کے دو پروسیسرز نصب ہیں۔ پہلا 1.6 گیگاہرٹز کا کویڈ-کور کورٹیکس اے 15 پروسیسر ہے۔ جبکہ دوسرا کم گنجائش کا حامل 4 -کور کا 1.2 گیگاہرٹز کویڈکور کورٹیکس اے7 ہے۔ بہرحال پریشان ہونے کی ضرورت نہیں آپ نے اس پر انڈے نہیں تلنے۔ چپ سیٹ ایکسی نوس 5 اوکٹا اور جی پی یو پاور وی آر ایس جی ایکس 544 ایم پی 3 ہے۔
ریم 2 جی بی ہے۔ یہ تین اسٹوریج آپشن رکھتا ہے۔ 16، 32 اور 64 جی بی۔ آپ اسے مائیکرو ایس ڈی کارڈ سلاٹ کے ذریعے مزید 64 جی بی تک بڑھا بھی سکتے ہیں۔
مختصراً یہ کہ گلیکسی ایس IV اس کرۂ ارض پر موجود کئی پی سیز سے زیادہ طاقت رکھتا ہے۔ بس اس کےبارے میں یہی کہنا کافی ہے۔

کیمرے:
اپنے فلیگ شپ فونز میں 8 میگا پکسل کے کیمرے لگانے سے سام سنگ کی وابستگی بالآخر اپنے اختتام کو پہنچی۔ گلیکسی ایس IV مکمل ایچ ڈی وڈيو ریکارڈنگ کے ساتھ 13 میگا پکسل کے کیمرے کا حامل ہے، جبکہ سامنے کے رخ پر 2.1 میگا پکسل کا فل ایچ ڈی کیمرہ بھی ہے۔
صرف یہی نہیں، کیمرے اضافی خصوصیات بھی رکھتے ہیں۔ ان میں ایچ ڈی آر موڈ بھی ہے۔ ایسا موڈ بھی جو بیک وقت سامنے اور پشت پر نصب کیمروں سے وڈیو بنا سکتا ہے۔ ایک ڈراما شوٹ جو 9 تصاویر لے کر انہیں ایک واحد تصویر میں شامل کر سکتا ہے۔ حتیٰ کہ ایک موڈ آپ کی لی گئی تصویر سے کوئی خاص چیز نکال بھی سکتا ہے۔
اس میں سینما فوٹو بھی ہے جو ایک وڈیو شوٹ کر کے اور اس کے مخصوص حصے کو منتخب کر کے GIF تصاویر تخلیق کرنے کی سہولت دیتا ہے۔

کنیکٹیوٹی:
کنیکٹیوٹی کے معاملے میں بھی یہ فون نمایاں ہے اس میں بلوٹوتھ 4.0، این ایف سی، کارڈ سلاٹ، مائیکرو یو ایس بی 2.0، یو ایس بی-آن-دی-گو، جی پی ایس، ڈوئیل بینڈ وائی فائی اور وائی فائی ہاٹ اسپاٹ ہیں۔ اس میں آئی آر بلاسٹر بھی موجود ہے جو فون کو مہنگے ترین ریموٹ کنٹرول میں تبدیل کر سکتا ہے۔ جی پی آر ایس اور ایج بھی موجود ہے (پاکستانی ٹیلی کام کمپنیوں کے لیے)۔
یہ مائیکروسم کارڈ سلاٹ اور 4جی ایل ٹی ای تک کے کنکشنز کو سپورٹ کرتا ہے۔

دیگر
دیگر کئی خصوصیات بھی اس پتلی سی ڈیوائس میں موجود ہیں۔ سب سے نمایاں اس میں موجود 2600 ایم اے ایچ کی بھاری بھرکم بیٹری ہے جو طویل بیٹری لائف کی ضمانت دے گی۔ یہ وائٹ فروٹ اور بلیک مسٹ رنگوں میں دستیاب ہوگا۔ کئی سوشل نیٹ ورکنگ سروسز بھی دستیاب ہیں۔ سینسرز کی عام فہرست میں ایکسلرومیٹر، گائیرواسکوپ، بیرومیٹر اور دیگر فون کے اندر نصب ہیں۔

قیمت اور دستیابی:
فون رواں سال اپریل سے دستیاب ہوگا۔ قیمت کی تفصیلات ابھی تک معلوم نہیں لیکن گلیکسی ایس III کو مدنظر رکھیں جو پہلی مرتبہ آمد پر آئی فون سے زیادہ قیمت کا پہلا فون تھا، آپ گلیکسی ایس IV کی کم قیمت پر شرط نہیں لگا سکتے۔
اگر آپ خامیوں، جیسا کہ بڑا سائز اور پلاسٹک مواد، کی زیادہ پروا نہیں کرتے تو میں نہیں سمجھتا کہ گلیکسی ایس IV سے زیادہ کوئی چیز آپ کے لیے موزوں ہوگی۔ اینڈرائیڈ کی دنیا کے نئے بادشاہ کو سلام۔

سام سنگ گلیکسی ایس IV کی رونمائی

موبی لنک کال سیٹ اپ چارجز لگائے گا

جشنِ سالِ نو کے موقع پر موبی لنک نے اپنے صارفین کو ایک اور اضافی چارج کا تحفہ دینے کی ٹھانی ہے جسے ”کال سیٹ اپ چارجز“ کا نام دیا گیا ہے – جو پاکستان کی ٹیلی کام تاریخ میں بالکل نئی چیز ہے۔

ہمیں ملنے والی معلومات کے مطابق موبی لنک کال سیٹ اپ چارجز کی مد میں یکم جنوری 2013ء کے بعد کی جانے والی تمام کالز پر 10 پیسے وصول کرے گا۔ 10 پیسے کا یہ چارج ہر کال میں سے کاٹا جائے گا اور تمام موبی لنک صارفین پر لاگو ہوگا۔ واضح رہے کہ کال سیٹ اپ چارجز دراصل فی کال چارجز ہیں، فی منٹ نہیں۔ جیسے ہی کال ریسیو ہوگی، کال سیٹ اپ چارجز لاگو ہو جائیں گے، چاہے کال ایک سیکنڈ کی ہی کیوں نہ ہو۔

مثال کے طور پر اگر عام کال نرخ 70پیسہ فی 30 سیکنڈ ہیں تو اس نئے ”کال سیٹ اپ چارجز“ کے بعد آپ کے کال نرخ اولین 30 سیکنڈ کے لیے 80 پیسہ فی 30 سیکنڈ ہو جائیں گے اور ابتدائی 30 سیکنڈز کے بعد 70 پیسہ فی 30 سیکنڈ ہوں گے۔

تمام آپریٹرز مینٹی نینس فی، ایڈمن فی یا آپریشنل فی کے ناموں سے پہلے ہی تمام کارڈ ری لوڈز پر 7 فیصد اضافی فیس وصول کر رہے ہیں ۔ اسی طرح بیلنس کی معلومات اور ہیلپ لائن پر کال پر بھی ایک کے بعد دوسرے آپریٹر نے اضافی نرخ لگائے ہیں۔ پاکستان کی سیلولر انڈسٹری کے ماضی کو دیکھتے ہوئے یہ واضح ہے کہ دیگر کمپنیاں بھی موبی لنک کے نقش قدم پر چلتے ہوئے کال سیٹ اپ چارجز نافذ کریں گی۔ اس لیے تمام نیٹ ورک کے صارفین مستقبل قریب میں اضافی چارجز ادا کرنے کے لیے تیار رہیں۔ پاکستان ٹیلی کمیونی کیشن اتھارٹی ممکنہ طور پر اس فیصلے میں رکاوٹ نہیں بنے گا، کیونکہ وہ ایک مرتبہ واضح طور پر کہہ چکا ہے کہ سیلولر آپریٹرز اپنی پیش کردہ سروسز پر چارجز لاگو کرنے کے لیے آزاد ہیں۔

بریکنگ: موبی لنک ہر کال پر کال سیٹ اپ چارجز لگائے گا

لڑکیوں کے ساتھ بھی ہو سکتا ہے

ایک طرف سستے کیمرہ فونز کی دستیابی اور اس پر طُرّہ یہ کہ ہمارے نوجوانوں میں کسی گمبھیر صورتحال سے نمٹنے کے حوالے سے عدم آگہی، نتیجتاً ایسے مسائل کا سامنا جن کا خاص طور پر وہ لڑکیاں تصور بھی نہیں کرسکتیں، جو اپنے دوستوں کو نجی لمحات کی وڈیوز یا تصاویر بنانے کی با آسانی اجازت دے دیتی ہیں۔

ہم نے ماضی میں بھی اس حوالے سے ایک تحریر پیش کی تھی، جس میں لڑکیوں سے التجا کی گئی تھی کہ وہ کسی بھی فرد کو، چاہے وہ اُن کا دوست، کزن، رشتہ دار اور خاندان ہی کا فرد کیوں نہ ہو، اپنی تصاویر لینے یا وڈیو بنانے کی اجازت نہ دیں۔ کسی کو بھی نہیں، حتیٰ کہ اپنے منگیتر اور شوہر کو بھی۔ اسی طرح کا معاملہ ایم ایم ایس کا بھی ہے، اپنی نجی تصاویر اور وڈیوز کبھی کسی کو نہ بھیجیں۔

اس پر سختی سے عمل نہ کرنے یا لاپرواہی بہت تباہ کن ثابت ہو سکتی ہے۔ وجہ: یہ جان لیں‌ کہ موبائل فون یا میموری کارڈ سے ڈیلیٹ کی گئی وڈیوز اور تصاویر نکالی جا سکتی ہیں اور کسی غلط ہاتھ میں بھی جا سکتی ہیں۔ یہ بات اپنے پلّو سے باندھ لیں کہ کسی بھی شخص کو اپنے نجی لمحات ریکارڈ کرنے کی اجازت نہیں دینی۔ اور اس پر سختی سے کاربند رہیں، چاہے اس کا آپ کے رشتہ و تعلقات پر اثر کیوں نہ پڑے۔

ہمیں اپنے اہل خانہ اور دوستوں، خصوصاً گاؤں دیہات میں رہنے والے افراد میں اس بات کا شعور اجاگر کرنا ہوگا۔ شاید اس موضوع پر براہ راست گفتگو کرنا موزوں نہ لگے، یا پھر اس قدر آسان نہ ہو، لیکن اس کا ایک بہتر طریقہ یہ ہے کہ ایسے مضامین کے لنکس اُن کو ای میل کریں جن میں نجی وڈیوز کی تباہ کاریوں کی وضاحت کی گئی ہو اور یوں وہ خود اُن کے نتائج پڑھیں۔

اے آر وائی نیوز نے حال ہی میں اس حوالے سے ایک پروگرام کیا تھا، جس میں اک ایسی لڑکی کو مدعو کیا گیا تھا، جس کی وڈیو بنا کر دوست نے بلیک میل کیا تھا اور یوں لڑکی کو اس کے تمام شیطانی احکامات ماننا پڑے۔ اس کے علاوہ ایک ایسا شخص بھی پروگرام میں آیا جس کی لڑکی نے انہی وجوہات کی بناء پر خود کشی کر لی تھی۔

اس وڈیو کو خود دیکھئے اور اسے اپنے اہل خانہ اور دوستوں کے ساتھ شیئر کیجیے

ویڈیو دیکھنے کے لئے کلک کریں

خبردار لڑکیو! یہ آپ کے ساتھ بھی ہو سکتا ہے

امریکہ میں سام سنگ سرفہرست

سام سنگ گیلیکسی۔ فائل فوٹو اے ایف پی۔۔۔

سام سنگ نے امریکی موبائل مارکیٹ میں اپنی پہلی پوزیشن مزید مستحکم کر لی ہے جبکہ ایپل کمپنی اس درجے میں دوسرے نمبر پر آ گئی ہے۔ کام سکور کے سروے کے مطابق اکتوبر میں ختم ہونے والے تین ماہ کے عرصے تک جنوبی کوریا کی کمپنی ٹاپ مینوفیکچرر بن گئی ہے جبکہ اس مدت میں کمپنی کا مارکیٹ شیئر بھی 25.6 سے بڑھ کر 26.3 فیصد پر پہنچ گیا ہے۔ ایپل، جو صرف سمارٹ فروخت کرتی ہے، وہ پہلی دفعہ امریکی مارکیٹ میں دوسرے نمبر پر آگئی ہے جبکہ اس کا مارکیٹ شیئر 1.5 فیصد اضافے کے ساتھ 17.8 فیصد پر پہنچ گیا ہے۔ جنوبی کوریا کی ہی ایک اور کمپنی ایل جی 17.6 فیصد شیئر کے ساتھ تیسرے جبکہ موٹورولا 11 فیصد کے ساتھ چوتھے نمبر پر ہے۔

سروے کے مطابق سمارٹ فون کی مارکیٹ میں گوگل اینڈرائیڈ سرفہرست ہے جس کا مارکیٹ شیئر 52.2 فیصد سے بڑھ کر 53.6 فیصد ہو گیا۔ سمارٹ فون میں بھی ایپل دوسرے نمبر پر براجمان ہے اور اس کا مارکیٹ شیئر 0.9 فیصد اضافے سے 34.3 فیصد ہو گیا ہے۔ دوسری جانب بلیک بیری کی فروخت میں نمایاں کمی آئی ہے اور اس کا مارکیٹ شیئر 9.5 فیصد سے 7.8 فیصد تک گر گیا ہے جبکہ اکتوبر کے آخر میں مائیکروسافٹ کی جانب سے متعارف کرائے جانے والے ونڈوز فون 8 کے شیئر میں بھی کمی آئی اور اس کا شیئر 3.6 فیصد سے گر کر 3.2 فیصد پر پہنچ گیا ہے۔
 

 امریکی موبائل مارکیٹ میں سام سنگ سرفہرست

سکریچ کارڈ کی فروخت پر ایکسائز ڈیوٹی لی جائے گی

اسلام آ باد: ایف بی آر نے سیلولر موبائل فون کمپنیوں اور دوسری ٹیلی کام کمپنیوں سے سکریچ کارڈ کے استعمال کے بجائے فروخت پر فیڈرل ایکسائز ڈیوٹی وصول کرنے کا اصولی فیصلہ کیا ہے۔

ایف بی آر کے سینئر افسر نے بتایا کہ یہ فیصلہ سپریم کورٹ آف پاکستان کے بھجوائے جانے والے ٹرانسپیرنسی انٹرنیشنل کے لیٹر پرطلب کی جانے والی رپورٹ پر کیا گیا تاہم حتمی فیصلہ سپریم کورٹ آف پاکستان کی ہدایات پر کیا جائیگا۔ ذرائع نے بتایا کہ ایف بی آر نے اس لیٹر پر تمام سیلولر موبائل فون کمپنیوں اور ٹیلی کام کمپنیوں کو خطوط ارسال کر دیے ہیں جن میں کمپنیوں سے کہا گیا ہے کہ 5 دن میں اپنے نکتہ نظر اور موقف سے آگاہ کریں۔

ذرائع نے بتایا کہ ٹرانسپیرنسی انٹرنیشنل کے لیٹر میں کہا گیا تھا کہ فیڈرل ایکسائز ڈیوٹی کارڈ کی فروخت کے بعد ہی ایف بی آر کو جمع ہونا چاہیے جس سے ایف بی آر کو اربوں روپے کا ریونیو حاصل ہوگا۔ ذرائع نے بتایا کہ کمپنیوں کے جواب ملنے پر رپورٹ تیار کرکے سپریم کورٹ میں جمع کرائی جائے گی اورعدالتی ہدایات پر عمل ہوگا تاہم ذرائع کے مطابق ایف بی آر کے پاس سکریچ کارڈ کے استعمال کے بجائے فروخت پر کمپنیوں سے ٹیکس وصول کرنے کے اختیارات ہیں۔

فون سکریچ کارڈ کی فروخت پر ایکسائز ڈیوٹی لی جائے گی، ایف بی آر کا اصولی فیصلہ

بھارت: لڑکیوں کے موبائل فون اور حجاب پر پابندی

بھارتی ریاست راجستھان کے گاﺅں ڈوسا میں پنچائیت نے لڑکیوں کے موبائل فون استعمال کرنے اور حجاب کرنے پر پابندی عائد کردی ہے۔ پولیس کا کہنا ہے کہ گاﺅں کے کسی شخص نے جرگے کے اس فیصلے کے خلاف شکایت درج نہیں کرائی۔ پنچائیت میں شامل بزرگوں نے موقف اختیار کیا کہ جن لڑکیوں کے پاس موبائل فون ہیں وہ لڑکوں سے باآسانی رابطہ کرسکتی ہیں جس سے مختلف النوع مسائل جنم لے سکتے ہیں۔ آگے چل کر ان کے اہل خانہ کو مشکلات کا سامنا کرنا پڑسکتا ہے۔ 

پنچائیت میں اس بات پر بھی زور دیا گیا کہ لڑکیوں کو حجاب پہنے سے بھی روکا جائے کیوں کہ حجاب کی آڑ میں وہ باآسانی اپنی شناخت چھپا لیتی ہیں اور باہر گھومنے میں کوئی عار محسوس نہیں کرتیں۔ میڈیا رپورٹس کے مطابق گزشتہ ہفتے گاﺅں کی ایک لڑکی دوسرے گاﺅں کے لڑکے کے ساتھ بھاگ گئی تھی جس کے بعد یہ جرگہ منعقد کیا گیا۔ پولیس کا کہنا ہے کہ پنچائیت کے اس فیصلے کے خلاف کسی نے شکایت درج نہیں کرائی۔

نوکیا لومیا 800: مکمل ری ویو

نوکیا کی جانب سے کم و بیش ایک سال قبل متعارف کروایا جانا والا پہلا ونڈوز فون لومیا 800 بالآخر پاکستان پہنچ ہی گیا۔ کمپنی کی جانب سے اس فون کو پاکستان میں اتنی دیر سے ریلیز کرنے کی کیا منطق ہے ہم یہ سمجھنے سے قاصر ہیں۔ لیکن اس غلطی کا بھاری خمیازہ یقیناً انہیں بھگتنا پڑے گا کیونکہ اب تو نوکیا کے جانب سے ونڈوز 8 سے مزین نئے لومیا فونز، 820 اور 920 بھی متعارف کروا دیے گئے ہیں جو ایک دو ماہ کے اندر دنیا بھر میں دستیاب ہونگے (شاید پاکستان میں اتنی جلدی نہ ملیں)۔ خیر نوکیا کی دوسری غلطی کہ اس فون کی قیمت پاکستانی مارکیٹ میں لگ بھگ 40 ہزار روپے مقرر کی گئی ہے جو کہ کچھ زیادہ ہے۔

 

کچھ عرصہ قبل نوکیا کی جانب ری ویو کے لیے ہمیں یہ سمارٹ فون موصول ہوا، فون کے فیچرز اور اس کی خوبیوں / خامیوں کے حوالے سے ہماری کیا رائے ہے؟ ملاحظہ کیجئے۔

ڈبے میں کیا ہے؟
ڈبے کے سائز کو بہت چھوٹا رکھا گیا ہے، جس میں فون اور دیگر اسیسریز کو اوپر تلے رکھ کر جگہ پر کی گئی ہے۔ ڈبے میں موجود چیزوں کی تفصیل کچھ یوں ہے:
سمارٹ فون
چارجر اورڈیٹا کیبل
ہینڈز فری
ربڑ کور
گائیڈ میٹریل

سمارٹ فون کا ڈیزائن:
نوکیا کی جانب سے اس فون کی تیاری میں میگو ڈیوائس N9 کا ڈیزائن مستعار لیا گیا ہے، ایک ہی پولی کاربونیٹ پلاسٹک کے ٹکڑے سے بنا یہ فون انتہائی خوبصورت اور دلکش ہے۔ آپ چار رنگوں میں چاہے کوئی سا بھی خریدیں ان پر پینٹ نہیں کیا گیا بلکہ اسے اسی رنگ کے پلاسٹک سے بنایا گیا ہے لہذا رنگ اترنے کی فکر سے تو نجات ملی۔ فون میں گوریلا گلاس کا استعمال کیا گیا ہے جو مضبوط اور پائیدار ہونے کے ساتھ ساتھ بہترین تصویر بھی فراہم کرتا ہے۔ فون خمدار چوکور شکل کا ہے، اس کی لمبائی 116.5 ملی میٹر اور چوڑائی 61.2 ملی میٹر ہے۔ فون کی موٹائی 12.1 ملی میٹر ہے اور اس کا وزن 142 گرام ہے۔

فون کی سکرین کا سائز 3.7 انچ ہے جو کہ 480×800 پکزل ریزولیوشن فراہم کرتی ہے۔ سامنے کی جانب سکرین کے علاوہ نوکیا لوگو، ایرپیس سپیکر ،لائیٹ سنسر اور تین ٹچ بٹن نصب کیے گئے ہیں۔ فون کی پشت 8 میگا پکزل کیمرہ اور ڈول ایل ای ڈی فلیش لائیٹ سے مزین ہے۔ فون کی دائیں جانب والیوم کیز، پاور بٹن اور کیمرہ بٹن نصب ہے جبکہ بائیں جانب بالکل خالی ہے۔ فون کے اوپر 3.5 ملی میٹر ہیڈ فون جیک، مائیکرو یو ایس بی پورٹ اور مائیکرو سم کارڈ سلوٹ موجود ہے جبکہ فون کی نچلی سطح سپیکر اور مائیکروفون سے مزین ہے۔ سپیکر فون نچلی جانب نصب ہونے کی وجہ سے جب آپ کوئی ویڈیو دیکھ رہے ہوں تو ایسے معلوم ہوتا ہے کہ آواز کہیں اور سے آرہی ہے، اسی لیے نوکیا کی جانب سے دیگر ماڈلز میں سپیکر کی جگہ تبدیل کر لی گئی ہے۔

 

گو کہ فون کا ڈیزائن بہت ہی دلکش اور پائیدار ہے لیکن فون کی سکرین اور پولی کاربونیٹ باڈی دونوں ہی پر انگلیوں کے نشانات بہت جلد پڑ جاتے ہیں، لہذا آپ کو فون استعمال کرتے وقت اس کی صفائی کا خاص خیال رکھنا ہوگا۔ یہاں ایک بات قابل ذکر ہے کہ فون میں عام سم کی بجائے مائیکرو سم کا استعمال ہوتا ہے جس کے لیے یا تو آپ کو نئی ”چھوٹی سم“ خریدنا ہوگی یا پھر اپنی موجودہ سم کاٹ کر چھوٹی کرنا ہوگی۔

ہارڈوئیر کی تفصیلات:
فون میں 1.4GHz سنگل کور پراسیسر کا استعمال کیا گیا ہے اور اس کی ریم 512MB ہے۔ اس فون میں Adreno 205 گرافکس چپ نصب ہے جس کی بدولت آپ اس پر تھری ڈی گیمز باآسانی کھیل سکتے ہیں۔ گو کہ مارکیٹ میں آج کل ڈول کور اور کواڈ کور پراسیسرز کے حامل سمارٹ فون بھی دستیاب ہیں لیکن چونکہ لومیا 800 کو خاص طور پر ونڈوز فون 7.5 کے لیے بنایا گیا لہذا سنگل کور پراسیسر اور 512 MB کے ریم کے باوجود فون کی رفتار بہت تیز ہے اور آپ کو کسی قسم کا lag محسوس نہیں ہوتا۔

فون کی میموری 16GB ہے ، چونکہ ونڈوز فون 7.5 میں میموری کارڈ سپورٹ شامل نہیں لہذا نوکیا کی جانب سے اس فون میں میموری کارڈ سلوٹ نہیں رکھی گئی۔ ایک عام صارف کے لیے 16GB کچھ کم ہے کیا؟

فون میں 8 میگا پکزل کیمرہ نصب ہے جس میں Carl Zeiss لینز استعمال کیا گیا ہے، اس کے ساتھ ڈول ایل ای ڈی فلیش لائیٹ بھی نصب ہے جو اندھیرے میں تصاویر اتارنے میں مدد فراہم کرنے کے ساتھ ساتھ لوڈشیڈنگ کے وقت روشنی فراہم کرنے کا ذریعہ بھی ہے۔ اس فون کا کیمرہ رزلٹ بہت خوب ہے اور علیحدہ سے کیمرہ بٹن ہونے کی وجہ آپ کو تصاویر اتارنے میں کوئی مشکل پیش نہیں آتی، بس بٹن دبائیں اور کیمرہ خودکار فوکس کے ذریعے اعلی تصویر اتار دے گا۔ ساکن تصاویر اتارنے کے ساتھ ساتھ یہ کیمرہ 720p ہائی ڈیفینیشن ویڈیوز بنانے کی صلاحیت بھی رکھتا ہے۔ فون میں سامنے کی جانب کوئی کیمرہ نصب نہیں لیکن آپ سکائپ پر پشت والا کیمرہ استعمال کرسکتے ہیں۔

 

فون میں 1450mAh بیٹری استعمال کی گئی ہے جو آپ کو نارمل استعمال پر 2 دن تک کا بیک اپ فراہم کرتی ہے، لیکن اگر آپ زیادہ گیمز کھیلنے یا وائی فائی انٹرنیٹ استعمال کرنے کے شوقین ہیں تو دیگر سمارٹ فونز کی طرح یہ بمشکل ایک دن ہی چلے گی۔ ایک ہی پلاسٹک کے ٹکڑے سے بنا ہونے کے باعث آپ فون کی بیٹری کو تبدیل نہیں کرسکتے۔
کال کوالٹی کے حوالے سے فون کی کارکردگی بہت اچھی ہے اور آپ انتہائی شور میں بھی باآسانی کالز کرسکتے ہیں۔ فون وائی فائی، بلیوٹوتھ، ایف ایم ریڈیو، جی پی ایس، ایکسیلرومیڑ اور لائیٹ سنسرز سے بھی مزین ہے۔

سافٹوئیر اور انٹرفیس:
نوکیا لومیا 800 مائیکروسافٹ ونڈوز فون 7.5 جسے عرف عام میں مینگو کا نام دیا جاتا ہے سے مزین ہے۔ فون کے انٹرفیس میں ٹائلز کا استعمال کیا گیا ہے جن میں بہت سے ٹائلز ساکن اور کچھ متحرک ہوتی ہے جیسے تصاویر کا سلائیڈ شو، فیس بک اور ٹوئیٹر اپڈیٹس، موسم کا حال وغیرہ۔ اگر آپ اس سے قبل ونڈوز فون استعمال کرچکے ہیں تو یقیناًآپ کو اس فون میں کچھ نیا نہیں ملے گا۔

دیگر موبائل فون آپریٹنگ سسٹمز کی نسبت ونڈوز فون 7.5 بہت ہی عمدہ اور جانب نظر سافٹ وئر ہے، خاص کر اگر آپ اینڈرائیڈ صارف ہیں تو یقیناً آپ اینڈرائیڈ کی سست رفتار سے بہت تنگ ہوں گے، اس کے مقابلے میں ونڈوز فون بہت تیز ہے اور آپ کو کسی قسم کا lag محسوس نہیں ہوگا۔ آپ فیس بک، ٹوئیٹر، دیگر سوشل میڈیا اکاؤنٹس، اپنی ای میلز اور دوستوں کی جانب سے موصول ہونے والے پیغامات ایک ہی جگہ موصول کر سکتے ہیں۔ ہوم سکرین پر موجود متحرک ٹائلز آپ کو ہر نئے اپڈیٹ سے باخبر رکھتی ہیں۔ فون میں موجود مائیکروسافٹ آفس کی مدد سے آپ کسی بھی وقت ورڈ، ایکسل اور پاورپوائیٹ کی نئی فائلز تخلیق کرنے کے ساتھ ساتھ کلاؤڈ پر موجود اپنی پرانی فائلز بھی استعمال کرسکتے ہیں۔ فون میں ایکس باکس لائیو کی سہولت بھی موجود ہے جس کی مدد سے آپ اپنے دوستوں کے ساتھ گیمز کھیل سکتے ہیں اور اپنے سکور شئیر کر سکتے ہیں۔ آپ مارکیٹ پلیس سے بہت سی گیمز، گانے اور ویڈیوز بھی خرید سکتے ہیں اور انہیں لائیو ٹائلز بھی بنا سکتے ہیں تاکہ صرف ایک ٹچ پر آپ کا پسندیدہ گانا چل پڑے۔

 

جہاں ونڈوز فون 7.5 ایک منفرد اور دلکش سافٹ وئر ہے وہیں اس میں بہت سی خامیاں بھی ہیں، جیسے عام طور پر آپ سمارٹ فونز میں ملٹی ٹاسکنگ یعنی ایک ہی وقت میں بہت سی ایپلی کیشنز کھول سکتے ہیں، لیکن اس فون میں یہ سہولت موجود نہیں اور آپ ایک وقت میں صرف ایک ہی ایپلی کیشن استعمال کر سکتے ہیں۔ اسی طرح دیگر گوگل اینڈرائیڈ اور آئی او ایس کے مقابلے میں ونڈوز فون کے لیے بہت کم ایپلی کیشنز دستیاب ہیں، اور ان کی کوالٹی بھی اتنی اچھی نہیں۔ اگر آپ پہلی بار ونڈوز فون استعمال کررہے ہیں تو یقیناً آپ کو اس بات کا شکوہ بھی رہے گا کہ آپ نہ تو بلیوٹوتھ کے ذریعے فائلز کا تبادلہ کر سکتے ہیں اور نہ ہی اس میں کسی قسم کا فائل مینجر موجود ہے۔ کمپیوٹر پر یا اس سے فائلز ٹرانسفر کرنے کے لیے بھی آپ کو مائیکروسافٹ کا سافٹ وئر استعمال کرنا ہوگا جو پہلے فائلز کو کنورٹ کرے گا اور یہ صرف تصاویر، گانے اور ویڈیوز ہی منتقل کرسکتا ہے۔ گو کہ ان میں سے بہت سی خامیوں پر ونڈوز فون کے نئے ورژن 8 میں قابو پالیا گیا ہے لیکن اطلاعات کے مطابق لومیا 800 نئی ونڈوز پر اپگریڈ نہیں ہوسکے گا۔ مگر گھبرائیے مت نوکیا کی جانب سے جلد ہی اس فون کے لیے ونڈوز 7.8 نامی خصوصی ورژن پیش کیا جا رہا ہے جو ونڈوز فون 8 کے بہت سے فیچرز سے مزین ہوگا۔

ہماری رائے:
نوکیا کی جانب سے اس فون کو پاکستان میں پیش کرنے میں تاخیر کی وجہ سے بہت سے صارفین شاید اب اس کی جانب راغب نہ ہوسکیں، سونے پر سہاگہ نوکیا کی جانب سے اس فون کی قیمت بھی بہت زیادہ مقرر کی گئی ہے جس کی وجہ بہت سے لوگ جو یہ فون خریدنا چاہ رہے ہونگے وہ بھی کشمکش کا شکار ہیں۔ بلاشبہ فون کا ڈیزائن بہت ہی عمدہ اور دلکش ہے، اس کی مضبوطی اور پائیداری اور ہارڈوئیر فیچر بھی بہت اعلی ہیں۔فون کی اہمیت کو کم کرنے والی چیز اس کا سافٹ وئر ہے، امید ہے کہ ونڈوز فون 7.8 میں اس کمی پر بڑی حد تک قابو پالیا جائے گا۔ اگر آپ نوکیا کے مداح ہیں تو یقیناً یہ فون آپ کے لیے بہت موزوں ہے۔

نوکیا لومیا 800: مکمل ری ویو

پی ٹی سی ایل ایوو ٹیبلیٹ؛ قیمت صرف 12000 روپے

لیجئے جناب آخر کار پی ٹی سی ایل کو بھی عقل آہی گئی، کمپنی کی جانب سے متعارف کروائی جانے والی خصوصی عید آفر میں صارفین کو پی ٹی سی ایل ایوو ٹیب اب 30 ہزار روپے کی بجائے صرف 12 ہزار روپے میں فروخت کی جارہی ہے۔ جس کے ساتھ صارفین کو 3 ماہ تک لامحدود انٹرنیٹ بھی مفت فراہم کیا جائے گا۔

پی ٹی سی ایل ایوو ٹیبلیٹ کی نمایاں خصوصیات کچھ یوں ہیں:

3G سمارٹ فون ٹیبلیٹ جس میں ایوو وائرلیس براڈ بینڈ کی سہولت بھی موجود ہے۔
7 انچ لمبی ٹی ایف ٹی ٹچ سکرین۔
800MHz پراسیسر اور 512MB ریم۔
گوگل اینڈرائیڈ فرویو 2.2 آپریٹنگ سسٹم۔
5 میگا پکزل آٹو فوکس کیمرہ اور سامنے کی جانب ویڈیو کالنگ کے لیے دوسرا کیمرہ۔
جی ایس ایم اور CDMA سم کی سہولت جس میں آپ کالز اور ایس ایم دونوں سے فائدہ اٹھا سکتے ہیں۔
32GB تک میموری کارڈکی سہولت اور ساتھ میں 2GB کارڈ مفت۔

شرائط و ضوابط:
یہ آفر صرف ایوو ٹیب خریدنے والے صارفین کے لیے دستیاب ہے۔
آفر پی ٹی سی ایل ون سٹاپ شاپس اور مجاز ڈسٹری بیوٹرز کے ذریعے ہی دستیاب ہے۔
تین ماہ کے بعد صارفین کو Non-PSTN پیکج پر منتقل کردیا جائے گا جس کے چارجز 2100 روپے ماہانہ ہونگے۔ صارفین اپنا پیکج تبدیل بھی کرسکتے ہیں۔
پی ٹی سی ایل کی یہ نئی آفر ہے تو بہت اچھی لیکن بہت دیر کردی مہربان آتے آتے، اگر پی ٹی سی ایل کی جانب سے یہ آفر ایوو ٹیب متعارف کرواتے وقت پیش کی جاتی تو یقیناً صارفین کی بڑی اکثریت یہ ٹیبلیٹ ضرور خریدتی، لیکن اب 800MHz پراسیسر اور اینڈرائیڈ 2.2 کا زمانہ پرانا ہوچکا ہے، دوسری طرف بہت سے صارفین ایوو سروس کی ناقص کوالٹی اور کم سپیڈز سے بھی نالاں دکھائی دیتے ہیں۔ لہذا اگر آپ یہ ٹیبلیٹ خریدنے کے بارے میں سوچ رہے ہیں تو ذرا مزید سوچ لیجئےکہیں گھاٹے کا سودا ثابت نہ ہو۔

پی ٹی سی ایل ایوو ٹیبلیٹ اب صرف 12000 روپے میں : تین ماہ کا انٹرنیٹ مفت

سام سنگ گیلیکسی پر پابندی ختم

امریکی ریاست کیلیفورنیا میں ایک عدالت نے سام سنگ کے سمارٹ فون گیلیکسی نیکسس کی فروخت پر عائد پابندی ہٹانے کا حکم دیا ہے۔ عدالت کے اس فیصلے کو الیکٹرونک ساز و سامان بنانے والی امریکی کمپنی اپیل کے لیے ایک دھچکا مانا جا رہا ہے کہ کیونکہ اپیل اور سام سنگ کے درمیان کافی عرصے سے جملہ حقوق کے مسائل پر تنازعات جاری ہیں اور دونوں نے ایک دوسرے پر سمارٹ فون کے ڈیزائن کی نقل کا الزام لگا رکھا ہے۔

عدالت نے اپنے حکم میں کہا ہے کہ جس امریکی عدالت نے جون کے مہینے میں سام سنگ کے سمارٹ فون گیلیکسی نیکسس کی فروخت پر پابندی عائد کی تھی اس نے اپنے حقوق کا غلط استمعال کیا۔ واضح رہے کہ اس سے قبل کیلیفورنیا میں ایک امریکی عدالت نے سام سنگ اور ایپل کے مابین جاری جملہ حقوق کے تنازع کے تصفیے تک ملک میں سام سنگ کے سمارٹ فون گلیکسی نیکسس کی فروخت پر پابندی لگا دی تھی۔ اس سے قبل اس ماہ کے آغاز میں سام سنگ کے ٹیبلٹ کمپیوٹر گلیکسی ٹیب 10.1 کی فروخت پر سے بھی پابندی ہٹا لی گئی تھی۔

سام سنگ نے عدالت کے فیصلے کا خیر مقدم کرتے ہوئے کہا کہ ’اس فیصلے سے یہ بات صاف ہوتی ہے کہ پٹنٹ قانون کا مقصد نئے تجربات کو فروغ دینا ہے نا کہ غیر ضروری روکاوٹیں ڈال کر صارفین کی پسند کو محدود کرنا ہے۔‘

ایپل کا کہنا ہے کہ سام سنگ نے اس کی مصنوعات کے ڈیزائن کی نقل کی ہے جبکہ سام سنگ کا دعویٰ ہے کہ ایپل مصنوعات میں انٹرنیٹ سے رابطہ قائم کرنے کا طریقہ سام سنگ کا بنایا ہوا ہے۔

سام سنگ گیلیکسی پر پابندی ہٹا دی گئی

سام سنگ کا نیا سمارٹ فون گلیکسی نوٹ ٹو

گیلیکسی نوٹ ٹو کی ٹچ سکرین کا سائز 5.5 انچ ہے

سام سنگ نے اپنا ’اوور سائز‘ سمارٹ فون گلیکسی ٹو کا نیا ورژن متعارف کرا دیا ہے۔ ایپل کے آئی فون فائیو کی فروخت شروع ہونے کے محض ایک ہفتے بعد متعارف کرایا جانے والا گلیکسی نوٹ ٹو دراصل ایپل فون کا مقابلہ کرنے کی کوشش ہے۔

ایپل کمپنی کے آئی فون فائیو کے پہلے ہی ہفتے میں 50 لاکھ یونٹس فروخت ہوئے ہیں۔ ماہرین کے مطابق ایپل کا مقابلہ کرنے کے لیے سام سنگ محض ایک کی بجائے صارفین کے لیے زیادہ سے زیادہ پراڈکٹس مارکیٹ میں لا رہا ہے۔ گلیکسی نوٹ گزشتہ برس نومبر میں متعارف کرایا گیا تھا۔

جنوبی کوریا کی کمپنی سام سنگ کی طرف سے اعلان کیا گیا ہے کہ گلیکسی نوٹ ٹو بہت جلد امریکا سمیت دنیا کے 128 ممالک میں فروخت کے لیے پیش کر دیا جائے گا۔ گلیکسی نوٹ ٹو سام سنگ کے معروف گلیکسی ایس کے مقابلے میں سائز میں کچھ بڑا ہے۔ اس کے ساتھ ایس پین 'S pen' بھی فراہم کیا گیا ہے جس کی مدد سے صارف اپنی اسکرین پر نہ صرف نوٹس تحریر کر سکتا ہے بلکہ ڈرائنگ بھی کر سکتا ہے۔

سام سنگ کے موبائل یونٹ کے سربراہ جے کے شِن J.K. Shin کے مطابق، ’’ہمیں یقین ہے کہ گلیکسی نوٹ ٹو کی فروخت پہلے تین ماہ کے دوران اس کے گزشتہ ورژن کی فروخت کے مقابلے میں دو گنا ہوگی۔‘‘

دنیا کے ٹاپ سمارٹ فون مینوفیکچرر سام سنگ کی طرف سے گلیکسی نوٹ گزشتہ برس نومبر میں متعارف کرایا گیا تھا۔ اس کے بعد سے اب تک اس کے 10 ملین یونٹس فروخت ہوچکے ہیں۔ جبکہ رواں برس مئی کے آخر میں متعارف کرائے جانے والے سام سنگ کے معروف ترین سمارٹ فون گلیکسی ایس تھری کے اب تک 20 ملین سے زائد یونٹس فروخت ہوچکے ہیں۔

شِن کا گلیکسی نوٹ کے حوالے سےکہنا تھا، ’’عالمی مارکیٹ میں اس نئی پراڈکٹ کیٹیگری کے لیے جگہ بنانے میں کچھ وقت ضرور لگا، مگر اب ہمیں ماضی کے مقابلے میں صارفین کا زیادہ بہتر رد عمل مِل رہا ہے۔‘‘

گلیسکی نوٹ ٹو میں گوگل کا اینڈرائڈ آپریٹنگ سسٹم موجود ہے۔ اس میں 1.6 گیگاہرٹز کا کواڈ کور پروسیسر نصب کیا گیا ہے جو نہ صرف گزشتہ ڈوئل کور کے مقابلے میں کہیں زیادہ طاقتور ہے بلکہ اس میں ایک ہی وقت میں کئی ایک ایپلیکیشنز استعمال کی جا سکتی ہیں۔ Galaxy Note II کی ٹچ اسکرین کا سائز 5.5 انچ ہے اس فون کی لمبائی 15.1 سینٹی میٹر (5.9 انچ)، چوڑائی 8 سینٹی میٹر جبکہ موٹائی 9.4 ملی میٹر ہے۔ اس کی ٹچ سکرین کا سائز 5.5 انچ ہے۔ اس میں سکرین کو دو حصوں میں تقسیم کرکے بیک وقت دو پروگرام دیکھنے کی سہولت بھی موجود ہے۔

سام سنگ کے موبائل یونٹ کے سربراہ جے کے شِن J.K. Shin کے مطابق، ’’آپ اپنی ای میل چیک کرتے ہوئے چیٹ میسجز کا جواب بھی دے سکتے ہیں یا بیک وقت ویڈیو کانفرنس بھی جاری رکھ سکتے ہیں۔ یا پھر کسی اہم مقرر کی ویڈیو تقریر دیکھتے ہوئے بیک وقت نوٹس بھی لے سکتے ہیں۔‘‘

گلیکسی کی طرف سے اپنی نئی پراڈکٹ کو ایک ایسے وقت پر لانچ کیا گیا ہے کہ جب اہم سمارٹ فون مینوفیکچررز کی جانب سے یکے بعد دیگرے اپنے نئے ماڈلز متعارف کرائے جا رہے ہیں۔

ایپل کے آئی فون کے علاوہ، سام سنگ کے نسبتاً چھوٹے مدمقابل ایل جی الیکٹرونکس کی طرف سے بھی گزشتہ ہفتے Optimus G بھی متعارف کرایا گیا ہے۔ ایل جی کو امید ہے کہ وہ رواں برس اپنے 80 ملین سمارٹ فون فروخت کرنے کے ہدف کو حاصل کر لے گی۔

سام سنگ کا نیا اسمارٹ فون گلیکسی نوٹ ٹو

موبائل کے ذریعے ﺗﺎﺭﯾﺦ ﺍﻭﺭ وقت ﻣﻌﻠﻮﻡ ﮐﺮﯾﮟ

بعض اوقات ایسے ہوتا ہے کہ موبائل سے بیٹری نکالیں تو موبائل فون سے وقت اور تاریخ ختم ہوجاتی ہے۔ اگر کبھی آپ کے موبائل میں وقت اور تاریخ ختم یا غلط ہوجائے اور فوری طور پر درست تاریخ اور وقت معلوم کرنے کا کوئی ذریعہ نہ ہو تو اپنے موبائل سے ﺗﺎﺭﯾﺦ ﺍﻭﺭ وقت ﻣﻌﻠﻮﻡ کرنے کے لئے ایک مفید ٹپ نوٹ کریں، ایسی ٹپ ﺟﺲ کے ذریعے پاکستانی شہری اپنی ﯾﻮ ﻓﻮﻥ ﺳﻢ کے ذریعے صرف 6 پیسے خرچ کرکے نہ صرف درست ﺗﺎﺭﯾﺦ ﺍﻭﺭ وقت معلوم کرسکتے ہیں بلکہ نمبر بھی معلوم کرسکتے ہیں۔

اپنے موبائل سے #780* ﮈﺍﺋﻞ ﮐﺮﯾﮟ، ﺁﭖ کے موبائل سکرین پر چار آپشن (تصویر میں ملاحظہ فرمائیں) 1۔ ٹائم، 2۔ ڈیٹ، 3۔ مائی نمبر اور 5۔ ایگزیٹ ظاہر ہوں گے۔ آپشن نمبر 4 نہیں ہے۔ اس طرح ﺁﭖ ﺗﺎﺭﯾﺦ، وقت اور اپنا نمبر معلوم کرسکتے ہیں۔ اس سروس کے لئے صرف 6 پیسے کٹوتی کی جاتی ہے۔

Zong Offers Unlimited Calls for Rs.6

Ab Laga Asal SIXER!!
 

Zong has come up with a new offer; the Rs.6 Offer!

The offer will enable all Zong prepaid subscribers to enjoy unlimited Zong to Zong calls nationwide (Pakistan bhar se Pakistan bhar mein) from 6am till 6pm.

Jut pay Rs.6+ tax, to Subscribe Dial *666# and select 1
and

Dial *666# and select 2 to un-subscribe to the offer. 

Offer is available on all prepaid packages except M9, Perfect Package & Flutter. However, subscribers on the said packages can avail the offer with their consent after which they will be moved to Z20
Will there be a tariff switch fee if moving from Flutter or M9?

Yes, the standard tariff switch fee of Rs.15+ tax will be charged along with the daily subscription charges of Rs.6+ tax.
 

Offer can not be subscribed along with LBC. The two offers cannot be subscribed simultaneously. subscriber have to unsubscribe the existing offer to subscribe to the other.

آئی فون فائیو: انتظار تمام ہوا

ایپل نے آئی فون فائیو متعارف کروا دیا ہے۔ نیا آئی فون پہلے کے ورژن کے مقابلے میں زیادہ ہلکا، پتلا اور کارکردگی کے لحاظ سے زیادہ طاقتور ہے۔

ایپل کی جانب سے آئی فون فائیو بدھ کو سان فرانسسکو میں ایک تقریب کے دوران متعارف کروایا گیا ہے۔ اس موقع پر ایپل کے چیف ایگزیکٹو ٹِم کُک کا کہنا تھا کہ یہ تعارفی تقریب آئی فون کی تاریخ میں سب سے اہم ہے۔

اس امریکی کمپنی نے اپنے نئے فون کو ’دنیا کا پتلا ترین سمارٹ فون‘ قرار دیا ہے۔ آئی فون فور ایس کے مقابلے میں یہ 18 فیصد پتلا اور 20 فیصد ہلکا ہے۔

اس تقریب کے موقع پر ایپل کے مارکیٹنگ چیف فِل شِلر کا کہنا تھا: ’’نیا آئی فون ایک مکمل نگینہ ہے۔ اس پراڈکٹ کا سافٹ ویئر اور انجنیئرنگ ہماری ٹیم کے لیے اب تک کا سے سب سے چیلنجنگ کام رہا ہے۔‘‘

آئی فون فائیو کے آرڈرز جمعے سے لینا شروع کر دیے جائیں گے۔ امریکا، کینیڈا، برطانیہ، فرانس، جرمنی، آسٹریلیا، ہانگ کانگ، سنگاپور اور جاپان میں اس کی ڈیلیوری 21 ستمبر شروع ہوجائے گی۔

سال کے آخر تک یہ ایک سو ملکوں میں دستیاب ہوگا۔ امریکا میں دو سال کے کانٹریکٹ کے ساتھ اس کی قیمت 199 ڈالر ہوگی۔

پہلے آئی فونز کے مقابلے میں یہ فون سائز میں بڑا ہے۔ شِلر کا کہنا ہے: ’’جب آپ اپنا فون پکڑیں تو یہ بہت خوبصورتی سے آپ کے ہاتھ میں آنا چاہیے، ہم نے یہی سوچتے ہوئے آئی فون فائیو ڈیزائن کیا ہے۔‘‘ ان کا مزید کہنا تھا: ’’اس کی خوبصورت بڑی سکرین پر آپ جو کچھ دیکھتے ہیں وہ بہت حسین دکھائی دیتا ہے۔‘‘

اس فون میں ایپل نے اپنا نیا A6 پروسیسر استعمال کیا ہے۔ شِلر کا کہنا ہے کہ اس پروسیسر کی بدولت ویب گرافکس لوڈ کرنے کی سپیڈ دگنی ہے۔ آئی فون فائیو کی بیٹری بھی زیادہ طاقتور بنا دی گئی ہے، جو موبائل فون اور انٹرنیٹ کے استعمال کے لیے آٹھ گھنٹے ہے اور وائی فائی کے ساتھ استعمال کی صورت میں دس گھنٹے ہے۔ ایپل نے اس میں اپنا میپنگ سافٹ ویئر بھی شامل کیا ہے جبکہ سِری کو اپ گریڈ کردیا گیا ہے جو قبل ازیں آئی فون فور ایس میں متعارف کروایا گیا تھا۔

خبر رساں ادارے اے ایف پی کے مطابق مورگن سٹینلے کی تجزیہ کار کیٹی ہوبرٹی نے امکان ظاہر کیا ہے کہ ایپل روا‌ں برس کی آخری سہ ماہی میں 48 سے 53 ملین آئی فونز فروخت کرسکتا ہے جبکہ آئندہ برس 266 ملین۔

آئی فون فائیو: انتظار تمام ہوا

آئی فون فائیو آج متعارف کرایا جا رہا ہے

معروف امریکی کمپیوٹر ساز کمپنی ایپل کی طرف سے ایک میڈیا ایونٹ کا انعقاد آج کیا جارہا ہے۔ عالمی وقت کے مطابق رات 10 بجے ہونے والے اس ایونٹ میں توقع کی جارہی ہے کہ آئی فون کا نیا ورژن متعارف کرایا جائے گا۔

آئی فون فائیو کی متوقع تعارفی تقریب میں اب چند گھنٹوں کا وقفہ رہ گیا ہے۔ نئے آئی فون کے فیچرز اور اس کی قیمت کے حوالے سے افواہوں اور خفیہ معلومات مبینہ طور پر عام کرنے کا سلسلہ ابھی تک زور و شور سے جاری ہے۔

9to5Mac.com نامی ویب سائٹ کے مطابق امریکا کے لیے نئے آئی فون کی قیمت وہی ہوگی جو موجودہ آئی فون فور ایس کی ہے۔ یعنی دو برس کے موبائل فون کانٹریکٹ کے ساتھ 16GB کے لیے 199 ڈالرز، 32GB کے لیے 299 جبکہ 64GB کے لیے 399 ڈالرز۔ دوسری طرف اندازے لگائے جارہے ہیں کہ آئی فون فائیو کی فروخت شروع ہونے کے ایک ہفتے کے اندر اس کے چھ ملین سے 10ملین تک یونٹس فروخت ہوں گے۔

اطلاعات کے مطابق نئے آئی فون کی سکرین چار انچ ہوگی جبکہ یہ فور ایس کے مقابلے میں قدرے پتلا بھی ہوگا۔ 2007ء میں آئی فون متعارف کرائے جانے کے بعد سے اس کی سکرین کا سائز 3.5 انچ رہا ہے۔ یہ پہلا موقع ہوگا کہ اس کی سکرین کا سائز تبدیل ہوگا۔

ایپل کی طرف سے آئی فون فور دو برس قبل یعنی 2010ء میں متعارف کرایا گیا تھا۔ بتایا گیا ہے کہ نئے آئی فون کے ڈیزائن میں اس وقت کے بعد سے کی جانے والی یہ سب سے بڑی تبدیلی ہوگی۔

آئی فون متعارف کرائے جانے کے بعد سے ایپل کو دیگر حریف کمپنیوں کی طرف سے سخت مقابلے کا سامنا ہے۔ ان میں سام سنگ سب سے نمایاں ہے۔ ان کمپنیوں کی طرف سے اس دوران ایسی ڈیوائسز متعارف کرائی گئیں جو ماہرین کے مطابق نہ صرف سکرین سائز بلکہ ٹیکنیکل صلاحیتوں کے حوالے سے بھی آئی فون پر سبقت رکھتی ہیں۔ 

حال ہی میں ایک امریکی مارکیٹ ریسرچ کمپنی IDC کی طرف سے جاری کردہ ایک رپورٹ میں بتایا گیا تھا کہ سام سنگ رواں برس کی دوسری سہ ماہی میں 51 ملین ڈیوائسز فروخت کرکے سمارٹ فون تیار کرنے والی اب سرفہرست کمپنی بن گئی ہے۔ یہ تعداد سمارٹ فونز کے کُل مارکیٹ شیئر کا 32 فیصد بنتا ہے۔ ایپل کی طرف سے اسی مدت کے دوران 26 ملین آئی فونز فروخت کیے گئے اور اس طرح اس کے حصے میں عالمی مارکیٹ کا 16.9 فیصد حصہ آیا۔

سام سنگ کی طرف سے چند روز قبل بتایا گیا تھا کہ اس کے نئے سمارٹ فون گلیکسی ایس تھری کی فروخت شروع ہونے کے پہلے ایک سو دنوں کے دوران 20 ملین یونٹس فروخت ہوئے ہیں۔

Glaxy S-III کی سکرین کا سائز 4.8 انچ ہے۔ یہ فون اینڈرائڈ فور آئس کریم سینڈوچ آپریٹنگ سسٹم کا حامل ہے۔ اس کی پچھلی جانب آٹھ میگا پکسل جبکہ سامنے کی جانب 1.9 میگا پکسل کا کیمرہ نصب ہے۔ سام سنگ کے مطابق یہ اس کا اب تک کا سب سے زیادہ فروخت ہونے والا فون ہے۔

رواں برس کے آغاز میں کوریا کی کمپنی سام سنگ نے دنیا کی سب سے زیادہ فون بنانے والی کمپنی ہونے کا اعزاز 14 برس بعد نوکیا سے چھین لیا تھا۔

آئی فون فائیو آج متعارف کرایا جا رہا ہے

نوکیا کے دو نئے سمارٹ فون

موبائل فونز مارکیٹ پر ماضی میں راج کرنے والی کمپنی نوکیا کی طرف سے ایپل اور سام سنگ کا مقابلہ کرنے کے لیے دو نئے سمارٹ فونز متعارف کرائے گئے ہیں، جو ونڈوز آپریٹنگ سسٹم کے حامل ہیں۔ جن میں Lumia 920 اور Lumia 800 شامل ہیں۔ ان فونز میں بعض ایسے اختراعی فیچرز شامل کیے گئے ہیں جن کے بارے میں خیال کیا جارہا ہے کہ ان کی بدولت صارفین سام سنگ اور ایپل کو چھوڑ کر نوکیا کے ان نئے سمارٹ فونز کی طرف راغب ہوں گے۔

نوکیا کے سمارٹ ڈیوائسز کے حوالے سے ایگزیکٹیو وائس پریزیڈنٹ جو ہارلو Jo Harlow نے نیویارک میں ایک پریس کانفرنس سے خطاب کرتے ہوئے کہا، ’’ہم نے گزشتہ 18 ماہ میں بہت سے اہم اقدامات کیے ہیں اور آج ہم اگلا قدم اٹھانے کے لیے تیار ہیں۔‘‘ جو ہارلو کے مطابق لومیا 920 کے صارفین کو سمارٹ فون استعمال کرنے کا ایک انوکھا تجربہ حاصل ہوگا کہ پھر وہ اسے چھوڑنے کا تصور بھی نہیں کریں گے۔

فِن لینڈ سے تعلق رکھنے والی کمپنی نوکیا کی طرف سے اپنا کھویا ہوا مقام دوبارہ حاصل کرنے کی کوششوں کے سلسلے میں گزشتہ برس یعنی 2011ء میں مائیکروسافٹ کے ساتھ مل کر سمارٹ فونز تیار کرنے کا اعلان کیا گیا تھا۔ ایپل کے آئی فون اور اینڈرائڈ آپریٹنگ سسٹم پر مبنی سمارٹ فونز کی بڑھتی مقبولیت کے باعث مائیکروسافٹ کا کاروبار بھی خطرات کا شکار تھا، تاہم اب کمپیوٹرز اور موبائل ڈیوائسز کے لیے ونڈوز ایٹ آپریٹنگ سسٹم کے ذریعے اس امریکی سافٹ ویئر کمپنی کو امید ہے کہ وہ اپنا مارکیٹ شیئر بچانے میں کامیاب ہوجائے گی۔ 

لومیا 920 میں وائرلیس چارجنگ کی سہولت کے علاوہ بہتر بنایا گیا آٹھ میگا پکسل کا کیمرہ بھی موجود ہے۔ اس کیمرے میں ابھرا ہوا یعنی فلوٹنگ لینز لگایا گیا ہے جس کے باعث یہ عام موبائل فون کیمروں کی نسبت پانچ سے 10 گنا تک زیادہ روشنی حاصل کرتا ہے۔ اس میں نوکیا میپس پر مشتمل بِلٹ ان نیویگیشن سسٹم کے علاوہ آگمینٹڈ ریئیلٹی ایپلیکیشن بھی موجود ہے جو ارد گرد کے علاقے میں موجود اہم مقامات کے نام اور تفصیلات سکرین پر ظاہر کرتی ہے۔ اس فون کی خمیدہ سکرین 4.5 انچ ہے جبکہ اس میں طاقتور ڈوئل کور Qualcomm S4 Snapdragon پروسیسر نصب ہے۔ 

نوکیا کی طرف سے بتایا گیا ہے کہ یہ نئے فونز رواں برس کے آخری تین مہینوں میں منتخب ممالک میں فروخت کے لیے پیش کیے جائیں گے۔ تاہم نہ تو ان نئے سمارٹ فونز کی قیمت کے بارے میں کچھ بتایا گیا ہے اور نہ ہی اس کی فروخت شروع ہونے کی کسی طے شدہ تاریخ کے بارے میں۔

سمارٹ فون تیار کرنے والی کمپنیوں کی طرف سے آئندہ چند مہینوں کو اپنی فروخت کے حوالے سے انتہائی اہم قرار دیا جارہا ہے۔ سام سنگ کی طرف سے ونڈوز ایٹ پر مشتمل اپنا سمارٹ فون گزشتہ ہفتے ہی متعارف کرایا گیا ہے، جبکہ ایپل کی طرف سے بھی توقع کی جارہی ہے کہ وہ 12 ستمبر کو اپنا آئی فون فائیو متعارف کروا دے گی۔ اس کے علاوہ HTC اور موٹرولا کی طرف سے بھی لانچ ایونٹ طے ہیں۔نوکیا کے دو نئے سمارٹ فون

یوفون رمضان آفر سحر سے افطار لاتعداد فری کالز

آفر ختم کرنے کے لئے #446* ڈائل کریں

سحر کے وقت 3 بجے سے شام 7 بجے تک کے چارجز 4 روپے 78 پیسے

سمارٹ فون ایک نیا سٹیٹس سمبل

سیمسنگ نے سستے اور مہنگے دونوں سمارٹ فون بنائے ہی

بھارت ہو یا دنیا کا کوئی ملک سمارٹ فون رکھنا ہر ایک شخص کا خواب ہے اور سمارٹ فون اگر سیم سنگ کمپنی کا ہو تو بات ہی کیا۔ جی ہاں، سات سے آٹھ برس قبل سیم سنگ کمپنی صرف الیکٹرونک مصنوعات کے لیے مشہور تھی لیکن آج وہ سمارٹ فون بنانے والی دنیا کی نمبر ون کمپنی بن گئی ہے۔

سیم سنگ نے سمارٹ فون کے بازار میں نوکیا اور ایپل جیسی کمپنیوں کو پیچھے چھوڑ دیا ہے۔ جہاں تک عام فون کا سوال ہے اس کی فروخت میں بھی پوری دنیا میں سیم سنگ نے نوکیا کو پیچھے چھوڑ دیا ہے۔

ماہرین کا کہنا ہے کہ آنے والے برسوں میں سیم سنگ کمپنی اپنی کامیابی کو قائم رکھے گی۔

بھارت میں موبائل بازار کے ماہر راجیو مکھنی کا کہنا ہے ’حالانکہ بھارت میں ابھی بھی نوکیا فون زیادہ فروخت ہوتے ہیں۔ لیکن منافع کی اگر بات کریں تو نوکیا کا سیم سنگ سے کوئی مقابلہ نہیں ہے۔ پوری دنیا میں سیم سنگ موبائل بنانے والے نمبر ون کمپنی بن گئی ہے۔ اس کی سب سے بڑی وجہ یہ ہے کہ سیم سنگ کمپنی نے سستے اور مہنگے دونوں سمارٹ فون بنائے ہیں جس سے بیشتر افراد سمارٹ فون خرید سکتے ہیں۔‘

یہ بات بہت زیادہ پرانی نہیں ہے جب سیم سنگ کے بارے میں یہ کہا جاتا تھا کہ سیم سنگ دنیا کی ایک ایسی الیکٹرونک کمپنی کا نام ہے جس کا سامان وہ لوگ خریدتے ہیں جو سونی، نوکیا، ہٹاچی اور توشیبا کے مصنوعات نہیں خرید سکتے ہیں۔

لیکن گزشتہ کچھ برسوں میں سیم سنگ کمپنی نے موبائل کے بازار میں سب سے زیادہ منافع کمایا ہے اور وہ دنیا کی نمبر ون موبائل کمپنی بن گئی ہے۔

راجیو مکھنی کہتے ہیں ’سیم سنگ کی مارکیٹنگ بہت اچھی رہی ہے۔ سیم سنگ نے ہر طبقے کے لیے ایک سمارٹ فون بنایا ہے۔ یہ فون اس شخص کے لیے اس کا وزیٹنگ کارڈ بن گیا ہے یعنی اگر وہ جیب سے اپنا فون نکالتا ہے تو اس سے اسکی حیثیت معلوم ہوجاتی ہے۔ سمارٹ فون لوگوں کے لیے سٹیس سمبل بن گیا ہے۔‘

سمارٹ فون ایک نیا سٹیٹس سمبل

China Mobile Secret Codes

If you have any China Mobile or any other Korean Make Mobile and language is set to China or other than English. You can use the following trick to bring it to English.

*#0000# this will bring your China mobiles to default language English- Enjoy.

China Mobile Secret Codes;

*#06# - Displays your IMEI. No need to tap Call.
*#33# - Bar All Outgoing Calls Deactivated.
*#67# - CallForward When bussy Deactivated.
*#61# - Call Forward When not reply Deactivated.
*#30# - call Id presentation Provided.
*#147# - Factory Mode.
*#258# - Engineer's Mode.Default user code : 1122, 3344, 1234, 5678
Engineer mode : *#110*01#
Factory mode : *#987#
Enable COM port : *#110*01# -> Device -> Set UART -> PS Config -> UART1/115200
Restore factory settings : *#987*99#
LCD contrast : *#369#
Software version : *#800#
Software version : *#900#
Set default language : *#0000# Send
Set English language : *#0044# Send
Set English language (new firmware) : *#001# Send
Default user code : 1122, 3344, 1234, 5678

apply at own risk