ملک میں حج آپریشن شروع ہوگیا ہے۔ اسلام آباد، پشاور اور لاہور سے پروازیں عازمین کو لے کر حجاز مقدس روانہ ہوگئی ہیں۔ اسلام آباد سے پانچ سو سے زائد عازمین کو لے کر پی آئی اے کی پرواز پی کے پچیس زیرو ایک حجاز مقدس روانہ ہوئی۔ وزیر اطلاعات قمرزمان کائرہ اور نوید قمر نے عازمین کو الوداع کیا۔
پشاور سے تین سو انتیس عازمین کو لے کر پہلی پرواز جدہ روانہ ہوئی۔ وزیر مواصلات ارباب عالم گیر نے حجاج کرام کو رخصت کیا۔
کراچی سے پہلی پرواز اکیس ستمبر، سکھر سے پچیس، ملتان سے ستائیس جبکہ سیالکوٹ سے یکم اکتوبر کو پہلی پرواز روانہ ہوگی۔ عازمین کی دیکھ بھال کےلیے چھ سو بیس افراد پر مشتمل طبی عملہ، تین سو تیس معاونین، چار سو رضاکار جبکہ وزارت مذہبی امور کے دو سو افراد پر مشتمل سٹاف بھی سعودی عرب جائے گا۔ حجاج کی واپسی اکتیس اکتوبر سے شروع ہوگی۔
کوئی تبصرے نہیں:
ایک تبصرہ شائع کریں
آپ کی رائے باعث مسرت لیکن موقف کا غیر اخلاقی حصہ حذف کر دیا جائے گا۔