سیول (جنگ نیوز / آن لائن) شمالی کوریا کے شہریوں کو ملک کی خاتون اول کا دیدار نصیب ہوگیا۔ سرکاری میڈیا کے اعلان سے افواہیں دم توڑگئیں، شکوک وشبہات کے بادل چھٹ گئے، نوجوان لیڈرکم جونگ ال کی اہلیہ منظرعام پر آگئیں۔ کامریڈ ری سول جو انقلاب کوریا کے بانی کم ال سنگ کے پوتے صدر کم جونگ کی اہلیہ ہیں۔ تفصیلات کے مطابق شمالی کوریا کے لیڈر کم جونگ ان کے ہمراہ اکثر دیکھے جانے والی ایک خاتون کے بارے میں چہ میگوئیوں کے بعد پہلی بار شمالی کورین سرکاری ٹی وی نے اعلان کیا ہے کہ کم جونگ ان شادی شدہ ہیں۔ ان کی بیوی کا نام ری سول جو بتایا گیا ہے۔ گزشتہ کئی عوامی دوروں اور تقاریب میں ایک دوشیزہ شمالی کورین لیڈر کے ہمراہ رہی تھی جس کے بعد اب سرکاری ٹی وی نے اعلان کیا کہ کم جونگ نے اپنی اہلیہ کے ہمراہ ایک پارک کا دورہ کیا۔
کوئی تبصرے نہیں:
ایک تبصرہ شائع کریں
آپ کی رائے باعث مسرت لیکن موقف کا غیر اخلاقی حصہ حذف کر دیا جائے گا۔