قذاق آنکھیں، گلاب چہرہ، بدن پے سلوٹ نشان کو ترسے

قذاق آنکھیں، گلاب چہرہ، بدن پے سلوٹ نشان کو ترسے
لپٹتا آنچل، سمٹتا دامن، لمس میں تیرے ایمان کو ترسے

نشیلی بانہیں، اٹھیں جو تیرے، بدن کو ایسے کمان کردیں
ہر اک قافی، ہر اک کویتا، اثر میں تیرے بیان کو ترسے

کوئی مہکتا گرم تنفس، کوئی چٹکتا سریلا نغمہ
دھڑکتے سینے کے ساحلوں میں، کوئی لہر طوفان کو ترسے

نمود کومل، وجود ریشم، تھکن کو چنتی آغوشِ نسواں
میرے مچلتے غیور جذبے، دعا میں تیرے امان کو ترسے

وہ نیلی نس میں سیال جیسی، نشے کو جپتی نبض کی مالا
شراب جیسے گاہک کو ڈھونڈے، خمار سود و زیاں کو ترسے

اچھا دوست اور اچھا وقت

اچھا دوست اور اچھا وقت

PTCL Brings Free Double Balance for Vfone Customers

Pakistan Telecommunication Company Limited (PTCL) has launched double balance package for its Vfone customers, giving absolutely free additional balance equal to the loaded amount.

PTCL’s Vfone customers can avail this double balance offer if their Vfone account has not been recharged after January 1, 2012. The validity of free balance will be 30 days.

Vfone has the country’s largest WLL coverage and is available with both prepaid and postpaid options. Its customers have the liberty of unlimited free calls from Vfone to Vfone and Vfone to PSTN in ‘Family & Unlimited packages’ against a nominal daily line rent. Customers can also avail extremely low unbeatable rates of Rs.1.30/min only for any network through Vfone’s ‘Exciting Smart package’.

Supported by high-speed Internet with CDMA 1x technology, Vfone also offers SMS facility to and from all networks at a nominal rate of 30 paisas per SMS only.

“PTCL continues to offer most affordable telecommunications packages and special offers to its customers,” said PTCL Senior Executive Vice President Commercial, Naveed Saeed. “Our aim is to exceed customer expectations by offering affordable rates and quality service.”

“Keeping in mind the needs of the customers, we will keep upgrading PTCL’s services,” said PTCL Executive Vice President Wireless, Omar Khalid. “PTCL Vfone offers unmatched voice quality and SMS service with access to high-speed Internet and mobility.”
 

PTCL Brings Free Double Balance for Vfone Customers

کراچی: گندھارا تہذیب کے نوادرات برآمد

پاکستان کے سب سے بڑے شہر کراچی میں پولیس نے چھاپہ مار کر گندھارا تہذیب سے متعلق مجسموں، نوادرات اور بتوں کی بھاری تعداد قبضے میں لے کر دو افراد کو گرفتار کرلیا ہے۔

کراچی کے شرقی علاقے کورنگی میں پولیس کے ڈپٹی سپرنٹنڈنٹ مجید عباس نے بی بی سی کو بتایا کہ پولیس نے ایک خفیہ اطلاع پر کارروائی کرتے ہوئے کورنگی کی سنگر چورنگی کے قریب ایک ٹرک کو روک کر اس سے بظاہر نادر مجسموں اور بتوں پر مشتمل یہ پوری کھیپ قبضے میں لی ہے۔

ان کا کہنا تھا کہ چونکہ ساری برآمد شدہ اشیاء انتہائی وزنی ہیں لہٰذا انہیں ٹرک سے بحفاظت اتارنے کے لیے بھی فورک لفٹ ٹرک جیسی ضروری مشینری کا انتظام کرنا پڑا جس میں خاصا وقت صرف ہوا۔

نامہ نگار جعفر رضوی کے مطابق پولیس افسر نے بتایا کہ برآمد شدہ اشیاء کی اصل قدر و قمیت کی تعین کرنے کے لیے محکمۂ آثار قدیمہ کے ماہرین سے رابطہ کیا گیا ہے جو ابھی جانچ کررہے ہیں۔

پولیس کے مطابق ماہرین اب تک یہی ابتدائی اندازہ لگا سکے ہیں کہ ان نوادرات کا تعلق دو ہزار سال پرانی گندھارا تہذیب سے ہوسکتا ہے۔ لیکن ان کی درست قدر و قیمت میں کافی وقت لگے گا۔

ڈی ایس پی مجید عباس نے بتایا کہ دونوں گرفتار ملزمان کے ابتدائی بیان کے مطابق یہ اشیاء چھ ماہ پہلے کراچی لائی گئی تھیں اور ابراہیم حیدری کے علاقے کے ایک گودام میں رکھی تھیں۔ ملزمان نے یہ بھی بتایا کہ انہیں یہ ہدایت بھی کی گئی تھی کہ پہلے اس کھیپ کو کراچی کی خشک گودی، بن قاسم پورٹ پہنچایا جائے، جس سے اندازہ ہوتا ہے کہ ممکنہ طور پر یہ کھیپ ملک سے باہر بھی سمگل کی جاسکتی تھی۔

کراچی: گندھارا تہذیب کے نوادرات برآمد

سیاسی قیدیوں کے بچے چُرانے پر قید کی سزا

یہ دونوں افسر فوجی حکومت کے دوران کئے گئے دیگر جرائم کے لئے پہلے ہی جیل میں ہیں۔

بیونس آئرس کی ایک عدالت نے جارج وائڈیلا کو پچاس سال اور رینالڈو، بِگنون کو پندرہ سال کی سزا سنائی ہے۔ اُن پر الزام تھا کہ انہوں نے سنہ انیس سو چھہتر سے انیس سو تراسی کے دوران بڑے منظم انداز سے، سیاسی قیدیوں کے چار سو بچے، اُن سے چھین کر الگ کردیئے۔

بچوں کی چوری کا الزام کل گیارہ لوگوں پر عائد کیا گیا ہے جن میں زیادہ تر سابق فوجی افسران یا پولیس افسر ہیں۔ وائڈیلا اور بگنون سمیت نو افراد کو چونتیس بچے چرانے کے لئے سزا دی گئی ہے جبکہ دو افراد کو مجرم نہیں پایا گیا ہے۔ وائڈیلا کو زیادہ سے زیادہ سزا سنائی گئی ہے کیونکہ ان کے خلاف بیس بچوں کو چرانے کی مجرمانہ سازش ثابت ہوئی۔

وائڈیلا کو دو ہزار دس میں اکتیس مخالفین کو پریشان کرکے مارنے کے الزام میں اور بگنون کو اپریل دو ہزار گیارہ میں سیاسی مخالفین کو پریشان کرکے انہیں مارنے کے الزام میں عمر قید کی سزا سنائی گئی تھی۔

اغوا کیے جانے والے ان بیشتر بچوں کا آج بھی کچھ پتہ نہیں کہ فوجی حکمرانوں نے انہیں کہاں غائب کیا۔ سو کے قریب بچے ایسے تھے جنہیں فوج اور پولیس کے اہلکاروں کی سرپرستی میں دیا گیا۔ صرف انہیں اپنے اصلی ماں باپ تک بالآخر پہنچایا جاسکا تاہم باقی اپنے خاندانوں سے نہ مل سکے۔

ارجنٹائن کے فوجی دور میں تین ہزار کے لگ بھگ سیاسی کارکن، لاپتہ ہوئے تھے اور اب عدالتیں، ایک ایک کرکے وہ مقدمات کھول رہی ہیں۔
 

سیاسی قیدیوں کے بچے چُرانے پر قید کی سزا

مرے فائنل میں، مقابلہ فیڈرر سے ہوگا

برطانوی ٹینس کھلاڑی اینڈی مرے جو ولفرائیڈ سونگا کو ومبلڈن کے سیمی فائنل میں شکست دے کر فائنل میں پہنچ گئے ہیں۔ ومبلڈن کے فائنل میں اینڈی مرے کا مقابلہ اتوار کے روز سولہ بار گرینڈ سلیم حاصل کرنے والے راجر فیڈرر سے ہوگا۔

اینڈی مرے 74 سال بعد پہلے برطانوی کھلاڑی ہیں جو ومبلڈن کے فائنل میں پہنچے ہیں۔ سنہ انیس سو چھتیس میں برطانوی کھلاڑی فریڈ پیری نے ومبلڈن جیتا تھا۔

اینڈی نے سونگا کو چھ تین، چھ چار، تین چھ اور سات پانچ سے شکست دی۔ یہ مقابلہ دو گھنٹے سینتالیس منٹ جاری رہا۔

سوئس کھلاڑی سونگا کو ہرانے کے بعد اینڈی نے کہا ’میں کافی مطمئین ہوں۔ یہ ایک بہت سخت مقابلہ تھا اور ہم دونوں ہی کو مواقعے ملے تھے‘۔

اس سے قبل سوئٹزرلینڈ کے ٹینس سٹار راجر فیڈرر نے مردوں کے ومبلڈن چیمپئین شپ کے سیمی فائنل میں دفاعی چیمپیئن سربیا کے نواک یوکووِچ کو ہرا کر فائنل کے لیے کوالیفائی کرلیا ہے۔ یہ فیڈرر کا آٹھواں ومبلڈن فائنل ہوگا۔

فیڈرر نے یوکووچ کو ہرا کر ومبلڈن ٹورنامنٹ میں تاریخ رقم کی ہے۔ وہ ٹینس کے پہلے کھلاڑی ہیں جو اپنا آٹھواں ومبلڈن فائنل کھیلیں گے۔ فیڈرر نےسیمی فائنل میں یوکووِچ کو چھ تین، تین چھ، چھ چار اور چھ تین سے شکست دی۔

فیڈرر نے پہلا سیٹ چھ تین سے جیتا جبکہ دوسرے سیٹ میں جاکووچ نے چھ تین سے کامیابی حاصل کر کے مقابلہ ایک ایک سے برابر کردیا۔ فیڈرر نے تیسرے سیٹ میں عمدہ کھیل کا مظاہرہ کرتے ہوئے یوکووچ کو چھ چار سے شکست دی۔ میچ کے چوتھے سیٹ میں بھی فیڈرر نے یوکووچ کو سنھبلنے کا موقع نہ دیا اور چھ تین کے فرق سے یہ سیٹ جیت لیا۔

فیڈرر نے دو گھنٹے اور انیس منٹ کے مقابلے کے بعد یہ میچ جیتا۔

فائنل میں فیڈرر کا مقابلہ اینڈی مرے یا سونگا سے ہو گا۔ اگر فیڈرر فائنل جیتنے میں کامیاب ہوجاتے ہیں تو یہ ان کا ساتواں ومبلڈن ٹائٹل ہوگا۔

مرے فائنل میں، مقابلہ فیڈرر سے ہوگا

قفقاز میں طویل العمری کرم الٰہی ہے

دنیا میں ایسے لوگ معدودے چند ہیں جن کی زندگی میں تین صدیوں کے سال آتے ہوں۔ شمالی قفقاز کی ری پبلک داغستان کے باسی ماگومید لابازانوو ایسے کم لوگوں میں سے ایک ہیں۔ وہ انیسویں صدی کے آواخر میں پیدا ہوئے تھے اور تھوڑا عرصہ پہلے ہی انہوں نے اپنی 122ویں سالگرہ منائی ہے اور اس موقع پر انہوں نے قفقاز کا روایتی تقریبی رقص بھی کیا۔

ان کی بستی کے ایک باسی کا کہنا ہے ہے وہ ایک سو بائیس برس کی عمر میں نہ صرف صحت مند ہیں بلکہ ان کی یادداشت بھی اچھی ہے۔ ماگومید لابازانوو نے بتایا کہ انہوں نے کبھی شراب کو ہاتھ نہیں لگایا، کبھی سگریٹ نہیں پی اور نہ ہی کبھی اپنی زوجہ سے بے وفائی کی۔ علاوہ ازیں کھانے میں ہمیشہ اعتدال برتا اور صرف وہی کھایا جو اپنے کھیت میں اپنے ہاتھوں سے اگایا۔ سبزیاں، پھل، ہرے پتے اور مکئی کے آٹے کی بنی روٹی۔ مگر اپنی طویل العمری کی اصل وجہ وہ محنت اور حرکت کو قرار دیتے ہیں۔ ماگومید لابازوو نے چھ برس کی عمر سے کام کرنا شروع کردیا تھا۔ وہ اپنے باپ کو مویشی چرانے میں مدد دیتے تھے۔ اب تک کی ان کی پوری زندگی زراعت سے وابستہ رہی ہے۔ ظاہر ہے 122 سال کی عمر میں اب ان کے جسم میں پہلے کی سی مستعدی تو نہیں رہی لیکن ان کی روح اب بھی جوان ہے۔ ساری عمر وہ دین اسلام کے بتائے ہوئے اصولوں پر چلتے رہے ہیں۔ پنج گانہ نماز ہمیشہ ادا کی۔

طویل العمری کے حوالے سے روس کا علاقہ قفقاز دنیا میں اولیں مقام پر آتا ہے۔ صرف داغستان میں ہی پورے مغربی یورپ میں موجود ایک سوسال سے زائد عمر کے لوگوں کی نسبت ڈیڑھ گنا لوگ ہیں۔ یہ اطلاعات بھی ہیں کہ پہاڑوں پہ بسنے والے کچھ لوگوں نے ڈیڑھ صدی کی عمر بھی پائی، روس کی سائینس اکادمی کے قفقاز سے متعلق تحقیق کے حصے کے سربراہ انور کسری ایو بتاتے ہیں، ”قفقاز کے پہاڑی علاقے میں طویل العمر شخص کا بے حد احترام کیا جاتا ہے۔ معمر شخص انتہائی قابل تعظیم ہوجاتا ہے۔ اسے کبھی تنہا نہیں چھوڑا جاتا۔ وہ ہمیشہ کنبے کے ساتھ ہی رہتا ہے۔ یوں سمجھیے کہ کسی گھر میں طویل العمر شخص کی موجودگی کو اللہ کا خاص کرم سمجھا جاتا ہے“۔

قفقاز میں کہا جاتا ہے کہ انسان کو بوڑھا ہونے سے خائف نہیں ہونا چاہیے بلکہ خوش ہونا چاہیے اور با تعظیم عمر کا منتظر رہنا چاہیے۔ یہ اہم نہیں ہے کہ آدمی نے کتنی عمر پائی بلکہ یہ اہم ہے کہ جو عمر اللہ تعالٰی نے اسے دی وہ اس نے کیسے گذاری۔ ”قفقاز میں اسلام قدیم وقتوں سے موجود ہے۔ تمام معاشرتی اور سیاسی زندگی اسلام کے اصولوں کے مطابق مرتب ہے۔ پہاڑ کے لوگوں کا یہ سلسلہ بہت متحد اور منظم ہے۔ بذات خود طویل العمری کو بھی کرم الٰہی خیال کیا جاتا ہے تاکہ وہ اس جہان میں بہت دیر تک اپنے کنبے اور خاندان کے ساتھ رہ سکے اور اپنے بچوں کی تربیت کرسکے اور انہیں پیار دے سکے“۔ انور کسری ایو نے بتایا۔
اپنی عمر کی انفرادیت کے باوجود نہ تو خود ماگومید لابازانوو نے اور نہ ہی ان کے اہل خانہ نے گنس بک آف ورلڈ ریکارڈز سے رجوع کیا۔ ان کا کہنا یہ ہے کہ جس کو چاہیے ہوگا وہ خود ہی ان کی عمر کے بارے میں جان لے گا۔

قفقاز میں طویل العمری کرم الٰہی ہے

پاپوا نیو گنی: آدم خوروں نے ووٹنگ کو ناکام بنایا

پاپوا نیو گنی میں آدم خوروں کے ایک گروپ نے سات افراد کو ہلاک کرکے انہیں کھا لیا۔ یوں مقامی لوگوں میں دہشت پھیل گئی ہے حتی کہ بہت زیادہ لوگ ووٹنگ میں حصہ لینے کی ہمت نہیں کرسکے۔ ”صدائے روس“ کی روسی ویب سائٹ نے برطانوی اخبار ”ڈیلی ٹیلی گراف“ کے حوالے سے اطلاع دی ہے کہ آدم خوروں کا کہنا ہے کہ وہ ان جادوگروں کو ختم کرنا چاہتے تھے جو بیمار لوگوں سے رقوم اینٹھتے تھے۔ پولیس ذرائع کے مطابق قتل میں بارہ آدم خوروں کا ہاتھ ہے۔ روسی خبر رساں ایجنسی انٹرفیکس کے مطابق زیادہ تر مشتبہ ملزموں کو گرفتار کیا جاچکا ہے۔ آدم خوروں کا دعوٰی ہے کہ وہ کچھ پراسرار صفات کے مالک ہیں جن کے ذریعے وہ کالا جادو کرنے والے جادوگروں کا پتہ لگا سکتے ہیں۔

پاپوا نیو گنی: آدم خوروں نے ووٹنگ کو ناکام بنایا

روس میں پہلا جدت یافتہ ٹرانسپورٹ طیارہ آئی ایل-76

طیارہ ساز کمپنی ”آویا سٹار“، جس کا ہیڈ آفس دریائے وولگا کے کنارے آباد شہر اولیانوو میں ہے، نے پہلا جدت یافتہ ٹرانسپورٹ طیارہ آئی ایل-76 مشقوں کی خاطر دے دیا ہے۔ یہ خبر کارخانے کی پریس سروس نے کمپنی کے جنرل ڈائریکٹر سرگئی دیمینتیو کے حوالے سے دی ہے۔

جیسا کہ کمپنی ”انٹرفیکس“ نے بتایا ہے کہ یہ جدت یافتہ طیارہ باہر سے تو ویسا ہی دکھائی دیتا ہے جیسے ہوتا تھا لیکن اندر سے یہ بالکل اور طرح کا طیارہ ہے۔ اس طرح کے جہاز میں پہلی بارکاک پٹ فائبر گلاس کا بنایا گیا ہے اور مانیٹرز ڈیجیٹل ہیں۔ نئے پرزے لگانے کے باعث اس طیارے کو اب دنیا بھر میں استعمال کیا جاسکتا ہے اور یہ جدید تر تقاضوں پر پورا اترتا ہے، ایجنسی مذکورہ کو اس بارے میں طیارے کے ڈیزائنر آندرے یورا سوو نے بتایا ہے۔

روس میں پہلا جدت یافتہ ٹرانسپورٹ طیارہ آئی ایل-76 مشقوں کی خاطر دے دیا گیا

‎سولر امپلس طیارے کی دوسری بین براعظمی پرواز مکمل

آج شمسی توانائی سے چلنے والا سوئزرلینڈ کا طیارہ ”سولر امپلس“ مراکش سے سپین پہنچے گا۔ یوں اس کی دوسری بین براعظمی پرواز مکمل ہوجائے گی۔ روسی خبر رساں ایجنسی ”انٹرفیکس“ کے مطابق یہ طیارہ مقامی وقت کے مطابق صبح کے چھہ بجے مراکش کے دارالحکومت رباط سے روایہ ہوکر چار ہزار کلومیٹر کی بلندی پر پرواز کرنے لگا تاکہ سپین کے راستے میں جبرالٹر سے گزرے۔ یہ طیارہ پینسٹھ کلومیٹر فی گھنٹہ کی رفتار سے پرواز کررہا ہے۔ منصوبے کے مطابق ”سولر امپلس“ طیارہ آدھی رات سپین کے دارالحکومت میڈرڈ پہنچے گا۔

‎سولر امپلس طیارے کی دوسری بین براعظمی پرواز مکمل

جوہری ہتھیاروں سے لیس روسی جنگی طیاروں نے امریکی فضائیہ کو پریشان کردیا

جوہری ہتھیاروں سے لیس روسی جنگی طیاروں نے بحر الکاہل کی فضا میں پرواز کی ہے جس کا راستہ امریکی ریاست الاسکا اور الیوٹ جزائر کے ساحلی علاقوں کے اوپر بین الاقوامی فضا سے گزرا۔ روس کی وزارت دفاع کے مطابق چار "ٹی یوُ 95 ایم ایس" جنگی طیاروں نے سائبریا کے صوبہ آموُر اور مشرق بعید کے شہر Petropavlovsk Kamchatskiy سے روانہ ہو کر بحرالکاہل کے شمال مشرقی حصے کے اوپر بین الاقوامی فضا میں پرواز کی ہے۔ طیارے دو جوڑوں میں تقسیم ہو کر پرواز کر رہے تھے، ایک جوڑے کی پرواز تیرہ گھنٹے جاری رہی جبکہ دوسرے جوڑے کی پرواز بیس گھنٹے کی تھی۔ پائلٹوں نے سمندر کے اوپر سمت کا تعین کرنے اور پرواز کے دوران ٹینکر طیارہ "آئی ایل 78" کی مدد سے ایندھن بھرنے کی مشق کی۔ بین الاقوامی فضا میں پرواز کے دوران امریکہ کے دو "ایف 15" جنگی طیارے روسی طیاروں کی ہمراہی کر رہے تھے۔

جوہری ہتھیاروں سے لیس روسی جنگی طیاروں نے امریکی فضائیہ کو پریشان کردیا

ماریشس دو جزائر ہندوستان کے حوالے کرنے کے لیے تیار

ماریشس کے حکام نے حکومت ہند کو تجویز دی ہے کہ وہ تجارت اور سرمایہ کاری بارے دوطرفہ سمجھوتے کے تحت ماریشس میں شامل دو جزائر یعنی شمالی اگالیگا اور جنوبی اگالیگا نامی جزائر میں اپنی عمل داری قائم کریں۔ اخبار "ٹائمز آف انڈیا" کے مطابق ماریشس اس لیے یہ دو جزائر ہندوستان کے حوالے کرنے کے لیے تیار ہے تاکہ 1983 میں کئے گئے دوہرے ٹیکس کے خاتمے سے متعلق دوطرفہ سمجھوتے پر عمل درآمد جاری رکھا جا سکے۔ ماریشس کے وزیر خارجہ و تجارت آرون بولیل کا کہنا ہے کہ ہندوستان مذکورہ دو جزائر کے استعمال سے بہت زیادہ استفادہ کر سکتا ہے۔ ان جزائر کا کل رقبہ ستر مربہ کلومیٹر ہے۔

ماریشس دو جزائر ہندوستان کے حوالے کرنے کے لیے تیار

بھارت میں مریضوں کو مفت ادویات کی فراہمی کی اسکیم

بھارت کے تمام سرکاری ہسپتالوں اور کلینکس کے ڈاکٹر اب جلد ہی تمام مریضوں کو ایسے طبی نسخے تجویز کر سکیں گے، جن کی مدد سے مریض مخصوص میڈیکل اسٹوروں سے مفت جنرک ادویات حاصل کر سکیں گے۔

حکومت کے مطابق اگلے پانچ برس کے دوران بھارت کی 1.2 بلین کی مجموعی آبادی میں سے نصف شہری اس اسکیم سے فائدہ اٹھا سکیں گے جبکہ باقی ماندہ نجی ہسپتالوں اور کلینکس سے استفادہ کریں گے، جن پر اس اسکیم کا اطلاق نہیں ہو گا۔

اس منصوبے کے تحت ڈاکٹر اپنے مریضوں کو صرف وہ جنرک ادویات ہی تجویز کر سکیں گے، جس کی فہرست انہیں دی گئی ہو گی۔ ایک حد سے زیادہ برانڈڈ میڈیسن یا ایسی ادویات تجویز کرنے پر انہیں سزا سنائی جا سکے گی، جو اس فہرست میں شامل نہیں ہوں گی۔ بھارتی حکومت کی طرف سے متعارف کرائی گئی اس شرط کے باعث کئی ملٹی نیشنل دوا ساز اداروں نے اپنی تشویش کا اظہار کیا ہے۔ 

بھارت میں مریضوں کو مفت ادویات کی فراہمی کی اسکیم

سمارٹ فون ایک نیا سٹیٹس سمبل

سیمسنگ نے سستے اور مہنگے دونوں سمارٹ فون بنائے ہی

بھارت ہو یا دنیا کا کوئی ملک سمارٹ فون رکھنا ہر ایک شخص کا خواب ہے اور سمارٹ فون اگر سیم سنگ کمپنی کا ہو تو بات ہی کیا۔ جی ہاں، سات سے آٹھ برس قبل سیم سنگ کمپنی صرف الیکٹرونک مصنوعات کے لیے مشہور تھی لیکن آج وہ سمارٹ فون بنانے والی دنیا کی نمبر ون کمپنی بن گئی ہے۔

سیم سنگ نے سمارٹ فون کے بازار میں نوکیا اور ایپل جیسی کمپنیوں کو پیچھے چھوڑ دیا ہے۔ جہاں تک عام فون کا سوال ہے اس کی فروخت میں بھی پوری دنیا میں سیم سنگ نے نوکیا کو پیچھے چھوڑ دیا ہے۔

ماہرین کا کہنا ہے کہ آنے والے برسوں میں سیم سنگ کمپنی اپنی کامیابی کو قائم رکھے گی۔

بھارت میں موبائل بازار کے ماہر راجیو مکھنی کا کہنا ہے ’حالانکہ بھارت میں ابھی بھی نوکیا فون زیادہ فروخت ہوتے ہیں۔ لیکن منافع کی اگر بات کریں تو نوکیا کا سیم سنگ سے کوئی مقابلہ نہیں ہے۔ پوری دنیا میں سیم سنگ موبائل بنانے والے نمبر ون کمپنی بن گئی ہے۔ اس کی سب سے بڑی وجہ یہ ہے کہ سیم سنگ کمپنی نے سستے اور مہنگے دونوں سمارٹ فون بنائے ہیں جس سے بیشتر افراد سمارٹ فون خرید سکتے ہیں۔‘

یہ بات بہت زیادہ پرانی نہیں ہے جب سیم سنگ کے بارے میں یہ کہا جاتا تھا کہ سیم سنگ دنیا کی ایک ایسی الیکٹرونک کمپنی کا نام ہے جس کا سامان وہ لوگ خریدتے ہیں جو سونی، نوکیا، ہٹاچی اور توشیبا کے مصنوعات نہیں خرید سکتے ہیں۔

لیکن گزشتہ کچھ برسوں میں سیم سنگ کمپنی نے موبائل کے بازار میں سب سے زیادہ منافع کمایا ہے اور وہ دنیا کی نمبر ون موبائل کمپنی بن گئی ہے۔

راجیو مکھنی کہتے ہیں ’سیم سنگ کی مارکیٹنگ بہت اچھی رہی ہے۔ سیم سنگ نے ہر طبقے کے لیے ایک سمارٹ فون بنایا ہے۔ یہ فون اس شخص کے لیے اس کا وزیٹنگ کارڈ بن گیا ہے یعنی اگر وہ جیب سے اپنا فون نکالتا ہے تو اس سے اسکی حیثیت معلوم ہوجاتی ہے۔ سمارٹ فون لوگوں کے لیے سٹیس سمبل بن گیا ہے۔‘

سمارٹ فون ایک نیا سٹیٹس سمبل

’مردہ‘ شخص اپنی شادی کی تقریب سے گرفتار

ٹوریس کولمبیا کے ایک بڑے ڈرگ گینگ اور ابینوس کے با اثر رکن ہیں

لاطینی امریکی ملک کولمبیا کی پولیس نے ایک ایسے شخص کو گرفتار کیا ہے جو دستاویزات کے مطابق دسمبر دو ہزار دس میں مر چکا تھا۔

منشیات کے سمگلر کیمیلو ٹوریس کو اس وقت حراست میں لیا گیا جب وہ کیریبین جزیرے موکورہ پر ایک پرتعیش تقریب میں اپنی گرل فرینڈ سے شادی کررہے تھے۔

ٹوریس قانونی کاغذات کے مطابق دو دسمبر دو ہزار دس میں کولمبیا کے دارالحکومت بوگوٹا میں طبعی وجوہات کی بناء پر انتقال کرچکے تھے۔

ٹوریس جو فریٹانگا کے نام سے بھی جانے جاتے ہیں، کولمبیا کے ایک بڑے ڈرگ گینگ ’اورابینوس‘ کے ایک بااثر رکن ہیں۔ یہ گینگ کولمبیا کے شمالی علاقوں میں منشیات کی سمگلنگ کو کنٹرول کرتا ہے۔

ایک امریکی عدالت نے ٹوریس کو منشیات کی سمگلنگ کے الزامات کے تحت ملک بدر کرنے کے احکامات بھی جاری کررکھے ہیں۔

ٹوریس اور ان کی گرل فرینڈ جو کہ ایک ماڈل ہیں کی شادی کی تقریب میں ملک کی نامور شخصیات جن میں کئی اداکار اور فنکار شریک تھے۔ اس تقریب کو پرتعیش بنانے میں ٹوریس نے کوئی کسر نہیں چھوڑی اور اندازً چودہ لاکھ ڈالر سے زیادہ خرچ کیے۔

پولیس کی جانب سے جاری کردہ ایک ویڈیو میں ٹوریس کی بیوی ان کی گرفتاری کے وقت روتے ہوئے دکھائی دے رہی ہیں جبکہ پولیس تقریب میں شریک مہمانوں کو زمین پر لیٹنے کے احکامات دے رہی ہے۔

پولیس دستاویزات کی تصدیق کرنے والے اُس اہلکار کے بارے میں تحقیقات کررہی ہے جس نے ٹوریس کی موت کا تصدیق نامہ جاری کیا تھا۔

کولمبین صدر جوان مینول سانٹوس نے اورابینوس جیسے منشیات کی سمگلنگ میں ملوث گروہوں کے خلاف جنگ کو اپنی حکومت کی ترجیحات میں سے ایک قرار دیا ہے۔

’مردہ‘ شخص اپنی شادی کی تقریب سے گرفتار

نیٹو سپلائی کی بحالی کے بعد پہلا ڈرون حملہ، 21 ہلاک

شمالی وزیرستان (نمائندہ جنگ)نیٹو سپلائی کھلنے کے اگلے ہی دن شمالی وزیرستان کے علاقے دتہ خیل میں امریکی جاسوس طیاروں کے دو میزائل حملوں میں 21 جاں بحق اور متعدد زخمی ہوگئے۔ زخمیوں میں بعض کی حالت نازک ہے جس کے باعث ہلاکتوں میں اضافہ کا خدشہ ہے۔ نجی ٹی وی کے مطابق امریکی جاسوس طیاروں نے شمالی وزیرستان کے علاقے میرانشاہ میں دتہ خیل کے علاقے زوئی نراے میں کیا گیا مقام پر ایک مکان کو نشانہ بنایا۔ امریکی جاسوس طیاروں نے مکان پر2 میزائل داغے جس سے موقع پر چار افراد جاں بحق اور متعدد زخمی ہوگئے۔ نجی ٹی وی کے مطابق پہلے ڈرون حملے کے بعد امدادی کارروائیاں جاری تھیں اس دوران ایک میزائل حملہ کیا گیا جس کے نتیجے میں 17 افراد جاں بحق ہوگئے اور اس طرح مرنے والوں کی تعداد 21 ہوگئی ہے۔ امریکی جاسوس طیاروں کی پروازیں کئی گھنٹے جاری رہیں جس سے علاقے میں سخت خوف و ہراس پھیل گیا ہے۔ و اضح رہے کہ پاکستان کی جانب سے افغانستان میں تعینات نیٹو افواج کو زمینی راستے سے رسد کی بحالی کے بعد یہ پہلا ڈرون حملہ ہے۔ بی بی سی کے مطابق جمعہ کی شب کو ڈرون طیارے سے دو میزائل مقامی طالبان کمانڈر حافظ گل بہادر کے جنگجوﺅں کے زیر استعمال ایک کمپانڈ پر داغے گئے۔
 

(جنگ)

ومبلڈن: یوکووچ کو شکست، فیڈرر فائنل میں

سوئٹزر لینڈ کے ٹینس سٹار راجر فیڈرر نے مردوں کے ومبلڈن چیمپئین شپ کے سیمی فائنل میں دفاعی چیمپیئن سربیا کے نواک یوکووِچ کو ہرا کر فائنل کے لیے کوالیفائی کرلیا ہے۔ یہ فیڈرر کا آٹھواں ومبلڈن فائنل ہوگا۔

فیڈرر نے یوکووچ کو ہرا کر ومبلڈن ٹورنامنٹ میں تاریخ رقم کی ہے۔ وہ ٹینس کے پہلے کھلاڑی ہیں جو اپنا آٹھواں ومبلڈن فائنل کھیلیں گے۔

فیڈرر نےسیمی فائنل میں یوکووِچ کو چھ تین، تین چھ، چھ چار اور چھ تین سے شکست دی۔

فیڈرر نے پہلا سیٹ چھ تین سے جیتا جبکہ دوسرے سیٹ میں جاکووچ نے چھ تین سے کامیابی حاصل کرکے مقابلہ ایک ایک سے برابر کردیا۔

فیڈرر نے تیسرے سیٹ میں عمدہ کھیل کا مظاہرہ کرتے ہوئے جاکووچ کو چھ چار سے شکست دی۔

میچ کے چوتھے سیٹ میں بھی فیڈرر نے یوکووچ کو سنھبلنے کا موقع نہ دیا اور چھ تین کے فرق سے یہ سیٹ جیت لیا۔

فیڈرر نے دو گھنٹے اور انیس منٹ کے مقابلے کے بعد یہ میچ جیتا۔

دوسرا سیمی فائنل برطانیہ کے اینڈی مرے اور فرانس کے سونگا کے درمیان کھیلا جائے گا۔

فائنل میں فیڈرر کا مقابلہ اینڈی مرے یا سونگا سے ہوگا۔

اگر فیڈرر فائنل جیتنے میں کامیاب ہوجاتے ہیں تو یہ ان کا ساتواں ومبلڈن ٹائٹل ہوگا۔

ومبلڈن: یوکووچ کو شکست، فیڈرر فائنل میں